هل هو مرض نفسي ..أفزعوا لي

[شموخ شمالية]

شوفي يا أم عمر هذا الله يسلمك انتي من وعيتي على ها الدنيا وبوه مكيف شغال فوق راسك

عشان كذا صار مخك متبرمج على الاصوات قبل النوم

الامر عادي ولابوه خلاف

شموخ تحياتي لك

اشوا انك ماشهدت للي فوق بأن هالاعراض هذي أعراض شيخوخة


منور يابورهف

[شموخ شمالية]

انتي تعودي انتس تحطين فلوس تحت المخده وابد انتي تنامين على طول

الضاهر هذا اللي يسهرن
خايفتن على الدراهم لايسرقن ونومي غدا نوم ذيب
<< هو ارنب او ذيب اللي نومه خفيف


منور يابوضاري

[شموخ شمالية]

اولا اتمنى لك الصحة والسلامة اختي القديرة ام عمر
اما تشخيص ممن يعاني من مثل هذه الحالة
اعتقد انه فيه خلل ما !
فمن يخاف السكون قد يكون تعرض في ماضيه
- خلال اول سنتين من عمره-
الى حالة سكون وصمت وهدوء
ولا يوجد بقربه احد لساعات طوال!
فارتبط عنده السكون بالخوف!
فأراد ان يعوض هذا السكون
في صغره بالضوضاء في كبره!.

اتمنى لك الصحة مع اطيب الدعوات.

شوفوا الكلام العقلاني
تعالوا ياللي تقولون اعراض شيخوخة واسمعوا كلام أهل العام الراقي..


من زود اعجابي بردك يابويوسف بخليه توقيع




منور يالطيب

[جمران]

انا اتفق مع اللي يقولون انه طقوس ماقبل النوم


انا مثلا مستحيل انام الا متغطي سواء بالصيف والا بالشتاء


بطانيه لحاف شرشف اهم شي متغطي والا مقدر انام



والله يعافيكِ اولا وآخرا

[متفاائل]

تسيف انت ثاني واحد يقول لي هالحتسي
اجل خلاص لاتطرون هالشئ لابوسلطان اخاف يشلين عن الاشراف ..


شكرآ لـ حضورك المحطّم لنفسيتي

العفوا خالتي لاشكر ع واجب

ماعليش هي الحقيقه والحقيقه دائما مره

[راعي الوقيد]

خلاص لاتطرون هالشئ لابوسلطان اخاف يشلين عن الاشراف

لا ان شاء الله

[الجازي]

الحين صادقة والا تستهبلين !!؟

وش اللي مرض نفسي !؟

أحد ماينام إلا على صوت هواء شديد والا مطر ويصير فيه مرض نفسي!!

هذا يجيب لغيره المرض النفسي

قسمن بديت أخاف منتس عقب هالمواصفات

بالله مولودة في مدينة الأشباح

وش هالمواصفات الخيالية عليتس

منين نجيب لتس هواء ومطر عشان تنامين !!؟

شوفي يالغلا

أنا كنت ولا زلت أعاني معاناتس

ورحت ماخليت مستوصف مادخلته <<<< أبو النصب

كل شيء سليم وتمام

المشكلة أنا عادي راضية بقسمتي

بس أمي تقول وراتس ماتنامين

ترى تذبلين

قلّ النوم يخلي الوجه ذابل

<<<< وش دعوى شجرة على غفلة

صرت لاقمت الصبح أطالع بالمراية أتابع هالذبول بشوف وش يطلع

عاد مرة كبّرت النصبة ودخلت على أمي قلت لها أمس يمه نمت نومة ولا أحلى قالت ايه شوفي وجهتس اليوم وش زينه <<<<<< ماودي أعلق عشانتس أميمتي

قلت ايه يازين الإيحاء بس

الزبدة وأنا اختس

دخلت على دكتورة سودانية هي اللي عرفت حل مشكلتي

ولا أقصد إنها عطتني حل

بس قصدي إن جلستي معها عرفت وش اللي يدوخني ويخليني أنام

جيبي لتس سودانية وخليها تسولف عليتس وأبشري بالخمده أول خمس دقايق

*
*
*

نجي للجد يالغلا

إذا أنتي مثل محاتسيتس

بمعنى زولة درجة أولى <<< وهذا مايبدو دام جاتس كسل في الغدة فما جاها هالكسل عبث

فهذا يعني إنتس مسترخية

والاسترخاء يترجمه المخ على إنه نوم

فإذا كنت طول اليوم مسترخيه

مختس يحسبتس نايمة طول اليوم

عاد إذا جيتي تنامين صدز

يقول لتس مختس

تراتس مصختيها كل اليوم نوم نوم قومي تحركي

عشان كذا يطير النوم ولا يجيتس الا بعد ماتتطاقين مع مختس كل الليل

بس

هذا هو السبب الرئيسي في حالتس المستعصية

وسلامتس من كل شر

[عبدالرحمن]

^
^
كلامك مية مية وودي اضيف شوية شوية>على وزن زنقة زنقة

الشكوى تتحدث ان عدم النوم في الجو الهادئ !
لذلك لا علاقة للنوم في الشكوى !
فالنوم نظام ومتى ما تم اختلال هذا النوم تبدد النوم!
نعم النوم تتحكم فيه مايسمى بالساعة- البيلوجية-
التي تؤشر وتنبه عندما يحين وقت النوم فأن لم يستجاب
لها خلال مدة قصيرة ستبرمج نفسها على وقت اخر!
وهنا يحدث الخلل والملل من الانسان ناشد النوم!.

[الونش]

الجازي

هذا ونتي زوله عشرين سطر

اسمعي ياشموخ عندي لتس حل سنع

جيبي الغساله وحطيه بشنفتس عند راستس وشغليه على اَخر رقم طبعا تبي تستدير وتخرش ياما تنامين وعقبه راح تطفي اتوماتيكيا
واذا قدرتي تحطين حصى بالغساله فيكون نومتس سريع

-

[عبدالرحمن]

^
اخ
ترا اسهمك صارت براسي يالونش
بس مسامحك اذا تعرف عرضة الارنب