خاطرة الشبث الخطيرة :)
حبي للحياة
ماهو الا خوف من نزول دموع امي بعد موتي
^
^
^
بعد خاطرة شبيثان الشهيرة عن وداعية المخيم
صرت من متابعي ركنه الهادي
كودي أطيح على زلة له منا ولا منا
لكن أمس
استوقفتني هالخاطرة وأثرت فيني تأثير عجيب !!
حسيت بصدقها
وعفويتها في نفس الوقت
فعلاً
من أبلغ صور البر إنك تحافظ على دمعتها ماتنزل قد ماتقدر ,, تخفي عنها مصايبك ومشاكلك وهمومك وغمومك
لأن حرصك عليها مهما سويت ماراح يجي نقطة في بحر خوفها عليك
ولو تقدر تبعد الموت عنك عشان ماتذوق حزنك فهذا من أعظم البر !!
لكن هل فعلاً تقدر !!
تقدر
ليش لأ !!
لما تبطل الدخان
ولما تسوق سيارتك بسرعة قانونية
ولما ولما ولما <<< كناية عن إني توهقت ماعاد لقيت شيء أحطه
أنت كذا تحسسها إنك بخير وما عليك خوف وما ينشغل بالها عليك ...
وإلا الأعمار بيد الله ولكل أجل كتاب
فياليت نحافظ على دمعة أمهاتنا بمحافظتنا على أنفسنا
*
*
*
*
قضينا من التراجيديا نجي عاد للفلة
الحين ياشبيثان يوم إنك مسوي لي فيها خواطرجي وكاتبن هالعبارة ماتستحي في أمك هاللي حملت بك تسع شهور كره وولدتك كره <<< بعذر أبوك يسميك المكروه
أقول ماتستحي تكتب هالحتسي !!؟
أنت تدري وش معناه !!؟
أنا أقول لك :
تسنك تقول : ياميمتي لايضيق صدرتس
ياجعلتس فداي إن شاء الله
وجعل يومتس قبل يومي
وإلا بالله وشلون ماتبيها تنزل دمعتها عليك إلا تسانها ماتت قبلك
أفا بس
أمحق بر من وراك
<<< ذالة ماحطت هالموضوع في الفلة تخاف يتولجونها
رد مع اقتباس
المشاركة الأصلية كتبت بواسطة ريم شمر
المفضلات