هل تصدق المرأه لو قالت سرك في بير ؟؟

**متفاائل** · 22-03-2011 12:11

اقطع ذراعي لو قالت بعمق المحيط

ياسرع والله نشلته بس الصراحه والحق يقال

انه تحرص اللي هي تعلم انه ماتعلم احد وهلما جر ياما مايبقى احد

سلمت ابوفيصل

**الجازي** · 22-03-2011 12:22

^
^
^
هههههههههههههههههههههههههههههاي

حسيبك ربي

والله إنك صادق

جبتها في الصميم

راعي الوقيد

تصدق بديت أعرف السبب

حسب ثقافة الصندقة

بما إن الرجل يتعامل بالصناديق

فهو يحط السر بصندوق ويقفل عليه وينساه

أما المره فما عندها صندقة ومعلوماتها تتحرك وتتناقل عن طريق شبكة معقدة

عشان كذا يختلط عليها الحابل بالنابل

وتختلط الأسرار مع سواليف الجار

وعشان كذا تسولف بالسر وكأنه سالفة قابلة للنشر

وش رايك بتحليلي ماتحسه مقارب للصواب

**راعي الوقيد** · 22-03-2011 12:26

المشاركة الأصلية كتبت بواسطة الجازي

هالحين أنا طق بي عرق الشفاية

وش بيوزع؟؟

وش اللي بين القوسين !؟

وش قصدك بهالحركة !؟

حنا كلامنا عن السر

مو عن أيهما أكثر شفاية

كنّا ببلشة وصرنا ببلشات

مابكن طب يالريم مار نسأل الله ان يشفيكن

شرّفتي الموضوع وكاتبه بمرورك العزيز

تحيتي لك

**عبدالرحمن** · 22-03-2011 12:54

الامر فيه تفصيل يابوفيصل!
فالسر يعتمد على نوعه وخطر كشفه
وقرب وبعد الشخص المؤتمن على السر!
وعلى متن وهشاشة العلاقة!
وعلى اشياء كثيرة وكثيرة
لكن يجب على الانسان ان لايجعل نفسه رهينة لغيره!
نعم من الافضل للشخص ان يبتعد عن توزيع اسراره على الناس
ومن ثم يطلب منهم ان يحافظوا على اسرار هو في الاصل لم يحافظ عليها!
والافضل من هذا كله هو خلو الشخص نفسه من السر والاسرار !
فمن يعيش في النور لا اعتقد انه يخشى من غيره على شيء!.
لك تقديري الغالي ابوفيصل على الموضوع المفيد.

**راعي الوقيد** · 22-03-2011 13:16

مداخلة رائعة منك اخوي جمران

وكلامك صحيح 99%

لك التحية

**راعي الوقيد** · 22-03-2011 13:22

بارك الله فيك مشرفتنا الفاضلة

ومشكورة على التعليق الرائع

تحيتي لك

**الشبث** · 22-03-2011 14:12

ابو فيصل

هو صحيح بير

بس بيره بس جدران مالوه حفره

يعني قراروه قريب حييييل

ماكل بير مثل البير الثاني يالغالي

انحش لا تصدقهن

وتقلد تحيتي

**ريم شمر** · 22-03-2011 16:55

لا لاتصدق اي احد يقول هالعباره رجل او امرأه

صدق فقط من جربته ووثقت به

ومع ان المرأه تميل للثرثره وكشف الاسرار اكثر من الرجل وهذا معلوم ولاينكر

لكن وجود رجال لايحتفظون بالسر .....مؤكد يعني وجود العكس بالنسبة للنساء

احتفظ بسرك

او اشرك به معك شخص واحد فقط تثق به فما تعدى اثنين فليس بسر !!

تسلم ابو فيصل

**بالمختصر..** · 22-03-2011 18:36

الله يسامحكم ..

أنا مالي شغل بـ المرأه , أنا غير والله أحفظ السر و أغلب أسرار اخواني عندي

و أحيان من زود الأمانه أنسى وش قالوا لي

حفظ الأسرار هو طبع و إذا ما كان بـ طبيعة الشخص صعب يتقنه ..

و ترى بعض النساء إذا كان ما عندهن موضوع يسولفن فيه يبدن بـ إفشاء بعض الأسرار " أكشن يعني "

.
.