اكْتُبْ اسْمَ الْشَّاعِرُ وَالِي بَعْدِكً يُجِيْبُ لَهُ ابْيَاتْ عَلَىَ ذَوْقِهِ...

[سالم الظفيري]

الشمـس غابـت وكـلٍ دوّر سراجـه
والشوق جمّر ما احر الشـوق لاجمّـر

دام اتجاهك شمـال مودعـك حاجـة
سلم على حايـل وسلّـم علـى شمّـر

قدامك الخافـق اللـي ينشـد علاجـه
كنّه معلّـق علـى بـرزان ومسمّـر

وانت تعرف يابعد حيي مـن تواجـه
بيضان الافعال لا من الزمـن سمّـر

ان ضاقوا اعنف من البحر ومن امواجه
وان راقوا اركد من الخرمـان لاعمّـر

كم صيت بيتٍ عتق في الباب مزلاجـه
وكم شيخ امارة قبـل تعيينـه مومّـر

وكـم حاتمـيٍ تكفـي فلـة حجاجـه
وشلون للضيف لو عن ساعـده شمّـر

وان مـر تاريخهـم متلبّـسٍ تـاجـه
كم عاشقٍ كيّف وكـم عاشـقٍ زمّـر

في جوٍ اغلى مـن الرجلـي الا داجـه
.من ديرة السادس ومن ديـرة معمّـر

كنّه الا اهـدى لـه البـرّاق ثجاجـه
طلة غريرٍ ضحك ومن الخجل حمّـر

توارثـوا حرثـه وتمتيـر ديبـاجـه
ركّابه الجيـب مـن ركابـة الضمّـر

الوّد لاغرس بدري صعـب مخراجـه
والله ولا الـذ واحلـى منـه لا ثمّـر

ادخل على اللي تطوف البيت حجاجـه
من ناقصٍ عند مـدح الغيـر يتذمّـر

والمدح لو كان في الرديـان للصاجـة
ويقال عمّر بلـد بالعـون مـا عمّـر

والذم لـو زاد فـي الطيّـب تولاجـه
لا احرق ولا اغرق ولاعمّر ولا دمّـر

مانيب متحسف بشعري علـى حاجـة
الا انـي اروح ماغنيـت فـي شمّـر

وانت تعرف يابعد حيي مـن تواجـه
بيضان الافعال لا من الزمـن سمّـر

الف شكرا لك اختي شموخ

الشاعر بن مريبد العازمي

[متفاائل]

[GASIDA="type=1 width="100%" border="none" font="bold large Arial" bkimage="""]
الجادل اللي غلاها نفحة الياسمين=ك ل الطواري عليها تشعب اركابها
راحت عليها الحسوفه واصطفاق اليدين=غاب ت وانا اللي ذبحني سبةغيابها
راحت على وين وانا ياسعد رحت وين=حظي قصر دونها والحلم ماجابها
الجادلا اللي ربت في كنف ذرب اليمين=شيخ (ن) لياكبرت القاله تعزوى بها
شيخ(ن) جمع غايةالانسان دنيا ودين=ومن روس قوم(ن) تقول وتفتل اشنابها
مدلعه والدلع من خالق العالمين=ا للي تغدت منه قبل يتعشى بها
تأسر وتطعن مثل طعنات غزوة حنين=سيف الغدر عينها والموت بااهدابها
من يوم غابت وانا مابين اجيها وبين=اظمى على توتها واجوع عنابها
احييت فيها السهر والشعر شوق وحنين=من يوم مرت بي الذكرى على بابها
[/GASIDA]

ابي على القحطاني

[-------]

الورد

الورد من يد غيرك شوك

واسمى معانيه مفقوده

يا طيب القلب لا يهموك

معزتك غير محدوده

والله ونعم الذي ربوك

ماحدينا لك بمنقوده

لومي على كل من لاموك

وزيارتي غير مقصوده

وشفيه لا قلت لك مبروك

أصحاب الأداب موجوده

غاروا ظبا وادي اليرموك

قصيدتي فيك محسوده

والشك مابيننا متروك

وأبوابه السود مردوده

من شاف حسنك غدا مملوك

وأمسى يسبح لمعبوده

اللي بعدي / الشاعر..
طلال السعيد

[سالم الظفيري]

جـــوني ثــلاثــه

جوني ثلاثة كلبوهم محــبـيــن
وكلن بنفسه حاجـتــن ما قضاها

قلت آمروا قالوا نصيناك عانين
وافزع الحال اللي حياته شكاها

الاولــى مجبــور في داعــج العين
لكنها خطبت وغيـــره خـــذاها

قلت انت حل مصيبتك يامسكين
تصبر الين النفس تلحق هواها

اما تولــــع في هوى ناس ثانين
والا تـســــرح ثم تسرح معاها

والثاني الي عذبه كامل الزين
واقفت وراحت مادرى وش بلاها

قلت انت لاتتبع هوى ناس خالين
واتهين نفسك من سبايب جفاها

نفس العنا بالك تذلك على الشين
خلك عزيز النفس وأقطع رجاها

والثالث اللي ماعرف للمزايين
يبي الهوى ويخـــاف من منتهاها

قلت انت بالك تدخل الحب هالحين
ليمـــا هذيــــك البنت ابحث خفاها

كانك لقيت احباب قلبك حبيبين
ادخــل واحـــذر لايصيبـــك عناها

وكانك لقيت انه نوايــا شياطـيــ
ن بالك توهـــق بالمحبه وشقـــاها


اللي بعدي الشاعر / نايف صقر

[-------]

يانية النسيان موتي داخلي غيظ وظما
عليك من حبي لها في داخي موت وسياج
حبيبتي نجمه تغنت في ملامحها السما
حبيبتي صرخه على الوقت الرمادي واحتجاج
حبيبتي جمله عتب مزمن على شفة عمي
حبيبتي شوكى غصون الورد لأيام العجاج
حبيبتي غصن خضر .. لين على دربي نما
لو كسرتني في كفوف الوقت تكسير الزجاج
لعيونها كل الجروح استعذبت نزفالدما
ولعيونها جفن السهر صارت له الدمعه مزاج
أسترجع الماضي واناديها تعالي لى كما
غيثٍ يبشر بالحيا سيله وسيعات الفجاج
والا تعالي لي مثل طيفٍ تهادى وارتمى
داخل عيوني لو يسافر بين رمشي والحجاج
حتى تعيش الخطوه اللي رافقت درب الظما
وانا اجعلك للهامه اللي مانحنت للناس تاج



اللي بعدي للشاعر /
عبدالله حمير القحطاني

[سالم الظفيري]

وهنـــي منهـــم علــى الشــده رجالـه
كامليـن وما شتمهــم غيــر نـاقــص

مــا يـجــــي والله لأرداهــم نعـــالـه

الخسيـس اللي حياته فـي المراقـص

مـن مثل حمر النواظر فـي الشكالـه

والجمل ما يزعجه قرص القـوارص

منــوة اللـي مـا تحقـــق لـه منـالـه

عزوة اللي له يصير العمر راخــص

لوفـــاء و الطيـب كاسيهـم ظــلالـه

والكــرم ليمـن بخل بــالمـال حـارص

خــوة ٍ فيهــم مهـــي خـــوة جمالـه

و الله انهــم مثـل بنيـان متراصـــص

العـــدو لا شــافهـــم يـاشـيـــن فـالـه

بين ذرقت ذارق ومغصـات مـاغـــص

ان مدحت مطير .. مدحي وش مجاله

سيرة ٍ وانفتحـت ومــانيـب خــالـــص

البحـــور اتجــف مــا سجلـت حــالـه

هم سمــا و الشعر نجم وطاح ناقـص

طيبهــم والطيــب يظهـــر مـن خلالـه

مجدهــم مــا يقنصـه مليــون قــانـص

اللي بعدي / متعب التركي

[سالفة عشق]

ماهو خطا / متعب التركي

http://www.youtube.com/watch?v=yOxGU...eature=related




علي بن حمري

[-------]

إقمع الجهال واضرب فـى الصميـم

وشاور العقّال وأهـل ألاختصـاص

لوغدى العاقل مع العاقـل خصيـم

سيقت شيـوخ القبايـل للقصـاص

بـه محـازم للرجـال وللحـريـم

محزمينٍ مـن ذهـب ولاّ رصـاص

أطلـب الله قـول يالله يـا كـريـم

أهدنـي للنـصـر ولاّ للـخـلاص

لاتعـرّض زادنـا عـلـى بهـيـم

وأنـت ماعنـي ولاعنّـك منـاص

قالـو الشيبـان فـي وقـت قديـم

إبتدى ثم إنتّهِى ثم أنتقاص !!


اللي بعدي / الشاعر "" ناصر الفراعنة

[سالم الظفيري]

غــروا نطحنــي

غروا نطحنـي يجر الغي ويل امه
مثل امي انه عذاب الروح مثل امي

عليه لبسني ابليس الهوى عمة
وابليس من قبل خالي وابن عمي

يا ليت من هو تلين في طرف كمه
اليا تمــدد طرف كمه على كمي

غــرو ذبحني وانا من لحمه ودمه
وش بقى للي ما هو بمن لحمي ودمي

لا جيـت اخمـه وقلت الخمه الخمه
قال ابتعـد يا ولد بدري على خمي

ما يدري انه خبر إن مـرفوع بالضمه
يا حلو حلو الخبر مـرفوع بالضمي

يوم انكشف لـي نحـره وبانت الزمه
قامت شياطيـن بقعـاء تزمني زمي

يا عين شيهانة في عـالـي القمه
قمت بريش وريش البـرق ما قمي

لو في بريقعه رحمة كاشف الغمـة
ما كان زود سـواد بريقعه غمـي

الـزيـن اليـا جـاء لـزين تمـه
والله لـولاه حسـن البيض ما تمـي

زيـن عليه تغيـر وانعسـر صمـه
نسى ثلاثة ليـال عسـرهـا صمـي

ومن صار لي في الرخاء عبد وأنا عمه
لا جاء القسى صرت له عبد وهو عمي

سقى الله يوم انا دلـو وهـو جمـه
ما قد سقى كبدي الا صافـي الجمـي

يا لعنبـوه ان مدحتـه كنـي اذمـه
وغيره تمنانـي اقصـد به ولـو ذمي

مدري على اسم القمر سموه يا يمـه
والا على اسم الغضي وجه القمر سمي

الشاعر اللي بعدي / مشعل دهيم الظفيري

[شمـ حايل ـرية]

يالله تعديها على خير وتصيب
من حدني اكتب خماله وعيبه
يبغى الصراحه مابها شك او ريب
بقولها والناس كل(ن) وطيبه
الحر ماينفع بليّا مخاليب
والعقل للرجال زينه وهيبه
والسالفه ماهي بلحية مواجيب
كل(ن) على طبعه يجيبه حليبه
بعض المنابت للمراجل عذاريب
وبعض المنابت للمراجل خصيبه
ورجل(ن) يبي طاريه عند الاشانيب
ورجل(ن) يبي طاريه عند الحبيبه
ورجل(ن) يودي بالسواليف ويجيب
ورجل(ن) سواليفه الفعله تجيبه
ورجل(ن) يغض الطرف عن جارة صحيبَ
ورجل(ن) عيونه في محارم صحيبه
ورجل(ن) تسد بغيبته يومه يغيب
ورجل(ن) ولا تقدر تسد بمغيبه
ورجل(ن) يغيب ويفقدونه ولا الطيب
ورجل(ن) لا من غاب محدن دريبه
ورجل(ن) تشوف بخوته لك مكاسيب
ورجل(ن) تشوف بخوته لك غليبه
ورجل(ن) اذا اخطى يرى نفسه مصيب
ورجل(ن) اذا اخطى يراها مصيبه
قلت الصراحه مابها شك او ريب
كل(ن) على طبعه يجيبه حليبه
بأهلك ما والله انا لاقي(ن) عيب
تاج(ن) على روس المراجل وهيبه
اشره وشره كان تبغى المواجيب
عط حق تاخذ حق مابه معيبه



اللي بعدي ابي للشاعر \ بدر الضبعان