اكْتُبْ اسْمَ الْشَّاعِرُ وَالِي بَعْدِكً يُجِيْبُ لَهُ ابْيَاتْ عَلَىَ ذَوْقِهِ...

[شمـ حايل ـرية]

بعد رن الموبايل والخلايق ممرحه فـالليـل
.....وشلت الخط مستعجل وانا مانـي بفاضيلـه

لقيته صوت دافي والنعومه والثقـل ياشعيـل
.........يبي له نمرةٍٍ اخـرى وجابـه حظـي الليلـه

حبيبي يعشق الياهو وانا مغرم مع الهوتميـل
............لكـن الياهـو الاقشـر صعيبـاتٍٍ مداخيلـه

وانا ماعرف داون لودولااعرف آلةالتسجيـل
.........ومعرف استخدم الياهـو ولاحتـي مراسيلـه

والاياللي خدوك تشبـة الكشـاف والمنديـل
......وفيها من براءآآآآءة الطفل ينعشـك تقبيلـه

جمالك ياحلاهم يستحـق المـدح والتبجيـل
.....طلبتك ياحسين الوصف تكفى تحذف الشيلـه

جمالك ياحلاهم مادخل فـي معمـل التجميـل
.......والا ياللي حجاجك مايعرف الحـف والنيلـه

لوإني ماعرف عيونك لااقول الكحل هو.والميل
........طغى فرموشك السودا وضاع الكحل من ليلـه

والا ياللي خدودك ماتحب اللمـس والتقبيـل
........وخصرك من دلال السيف ونهـودك فناجيلـه

والا ياللي جديلك ذيل شقرآ من اصيل الخيـل
........اليامنه سرجها الشيـخ وجيوشـه تباريلـه

والا ياللي طعم ريقك يذكرنـي بنهـر النيـل
......ويذكرني قصب سكر مصفـى فـي فناجيلـه

عسىيفداك من شغل محطاتـه لقـال وقيـل
.........على درب التهايم والظلايـم مسـرجٍٍ خيلـه

يامحلالبسة اثيابك ومجمـل موضةالتفصيـل
.........ياحلوك بينهم ياللـي بحسنـه قاهـرٍٍ جيلـه

يازينك ياحلو دلك يابـو خـدٍٍ كمـا القنديـل
..........والا ياليتنـي آخـذ معـك فالهـرج تعليلـه

الا ياللي عطوراتك تجي مـن ماركةشانيـل
........تسرب في عروق اللـي يغنيلـك مواوييلـه

والا ياللي رموشك صف عسكر حزةالتكميـل
.........اليا من صفها الضابط لجـل تعـداد تكميلـه

كفوفك مخمليه ضعت انا بـمصافحتها حيـل
.........وضيعت الطريق اللي سكـن بيتـي يوديلـه

فتنتي قلبي الاقشر وانا ويـاه حـط وشيـل
........اقول اركد لتفضحني لاكـن القلـب ياويلـه

الياشفت الجمال ابـداء بذكـر الله بالتهليـل
......واسوي عمري اشويب ماكن الزيـن يعنيلـه

اسوي عمري اشويب مايفهم هرجةالتحويـل
........اليادارت مابين اثنين وجت يمـي بتحويلـه

وأخاف اطول الموجز ويعرف باقي التحليـل
......ويزعجك الهبيل اللي ابليس العـود يوميلـه

انا قلبي خضر على الطهارةمايحـب الميـل
......وحشىمافصح عن ديارالمـلاك ولامداهيلـه

أخذنا قرب ساعه في مكانٍٍ ياعسـاه السيـل
................وانا مقـدر احـدد والنـذل واجـد محابيلـه







ابي لـ \ ياسر التويجري

[سالم الظفيري]

الــعــــــنـــــــود

لا شـمـوخ وكبـريـاء وأنف يـرقـى للـسـنـود
والقضيـه أكبـر أكبـر مـن شمـوخـي وإدِبــي
للجهـالـه إيـه والله فـزت فــي كــل البـنـود
والغـبـاء لكـل شـخـص ٍ مايـقّـر إنـي غـبـي
أستبّـد وكـنـي الـلـي ماخـلـق مثـلـه إســود
لـين داور هـالــزمـان وقـص خشمـي وشـنبـي
إيـه راحـت وتركتـنـي ويمـكـن إنــه ماتـعـود
وداسـت برجلـه لعــانـه وجـه قلـبـي وأهـبـي
وكرّمتنـي فـوق نزفـي وشكــرتـنــي للجـهـود
وقـالـت إنــت وبـإحتـقـار ودق كـفّـه منكـبـي
من تكون ومن أكـون وطــول عمــرك لـو تسـود
مـاربطـنـي مــع شتـاتـك إلا يمـكـن مذهـبـي
حمّلتنــي فــوق وسعــي وأكبـر حلولـي صمـود
والصمـود لغيـر مـوقـف مـثــل هــذا مطلـبـي
وطحــت كنــي فــي مكـاني شـي تافـه مايكـود
حـتــى أرض ٍ إحتـوتـنـي ماتـحـفّـت بـركـبـي
كنـي اللــي حـاصـل ٍ لـه دعـوة ٍ مـن قلـب عـود
وافقـت لـه إستجــابـه وإسـتــوى لــه مايـبـي
وش عليهـا يـوم راحــت وتــركتـنـي للـشــرود
وشبّـت النــار بيــديـنـي وإستعــانـت بحطـبـي
وش عليـهــا يــوم ســوّت إحتـفـالات الهـنـود
ورسمـت رمـز الضحيـه فــوق عينـي وهـدبـــي
وشكّلـت قلـبـي طـبـول وقــدّمتـهـا للحـشـــود
وإستعــانـت فــي حـلاهــا وإستقـالـت منصبــي
وإستلــذّت صــوت قلبــي لا تعــلاّ صــوت عــود
وإستـغـلّـت كـــل درب ٍ يـــم رومـــا وتـعـبـي
ليت وقـت ٍ قــد مضــى لـي قبـل حـرمـان الصــدود
يغــدي الــدرب ويجينــي أو أجــي لــه لــو حبـي
يوم فـوحـي مـن غــلاهــا ريـح مسـك وريـح عـود
وإن سكـت لغيـر قصــدي قــالـت آمــر وش تبــي
تنقـهـر عبـلـه عليـهـا وســط طـيّــات العـقــود
وأقهــــر العبســي بحــب ٍ دون سيــف ومشعبــي
لامشتنــي مــع دروبــي وأصعــب دروبــي حسـود
كـن قلبـه قلــب ذيـب ٍ وســط جـوف ٍ فــي ضبــي
ترسـم بـريـده بكـفـي مـالـهــا حـكــم وحـــدود
وأنـثـر الطـايـف عليـهـا بـالـقـصـيـد المـغـربـي
كـرّهتنــي فــي حيــاتــي وأنكـرتـنــي للجـحـود
يــوم فــازت فــي ضيــاعـــي وإستملّـت ملعبــي
إرجعـي لــي لــو سمحتــي إرجعــي لـي يــالعنـود
دام قلبــي يــوم رحتـي فـي ضلــوعـــي مختبــي
مــايفـيــد الحــال بـعــدك لانـيــاف ولا خـلــود
وش يســوّي كــل مكســب دامــك أنتــي مكسبــي
إذبحينــي لــو بغيتــي وإلغــي إسمـي بـالــوجـود
وإكتبينـــي تـحـت عـطفــك دام بـيــدك مخلـبــي
وكـان خـفتـي مـن خيــانـه قــيّديـنــي بـالقـيـود
وعقّــدي لــي تحـت نملـه وســط غــار ٍ مــرعبـي
مــاعـلــيّ مــن المـلامـه والاهـانـه لــو تـــزود
والـرجـولــه مانـبـيـهـا لا نـويــتــي تـقــربــي
واجـد الل،ـي يحسبـــون الحـب تفتـيــل الــزنـــود
ظــافـريـن وكــل واحــد بـنـت قـلـبـه تـنسـبــي
الـدعـايـه دبـلجتهـم مــن شـمــوخ وبـيـت جــود
فـي بحـور ٍ لـو تبعـتـه كــان يـغــرق مـركـبــي
مــاعلينــا إرجعــي لــي لـو سمحـتـي يـالعـنـود
دامـك أنتـي أكبــر أكبـر مـن شمــوخــي وإدِبــي
وصــدّقينــي لـو يحـول الــوقـت دونـك بالســدود
مـا أنكــر إنـك يـوم رحتـي طحـت واثـق بـركبــي


الف شكر للاخت شموخ

اللي بعدي / مهدي الحيدر

[شمـ حايل ـرية]

قصيدة مهرة البيرق

يوم جات الخيل تصهل في وعدها
فوقها من كل جسار فداوي
و الحشود اللي ولد زايد حشدها
كل جمع له بفرسانه هقاوي
قلت حيوا ها النجوم و من شهدها
ليلة فيها الفلاحي بدر ضاوي
و اعتليت اللي تخطف الريح يدها
شوق من راسه علي الناموس ناوي
مهرة البيرق لي مروض جسدها
ما تروغ من الملز و لا تلاوي
شامخة بين الرمك كانها وحدها
راسها قبل المدي لفوق طاوي
فان عطت قب المهار اقصي جهدها
واعتلى من فوقها صوت العزاوي
وانتخى للقوم من موقف ولدها
تحذف الغترة مع البشت الحساوي
لاقصي الدنيا سعدها مع نكدها
شاعرا لكن ما راسي بغاوي
والله اني لا بغت ربعي سعدها
خير من تتبع خطاويه الخطاوي
وقفتي لاغبت كلٍّ يفتقدها
مثل فقد العفو حزات الرجاوي
و الموارد لو تشح لمن وردها
و الضما يجعل نبات المرخ داوي
ما تمنيت البروق و لا رعدها
مرتعي من سيل وادي العرض راوي
ان صلحت فعز الاشراف و سندها
و ان حربت دميت من له كبد كاوي
للعلوم جبال ما كلٍّ صعدها
يوم عاد الذيب فوق الرجم عاوي
ما اقتني لكنوزها اللي من بجدها
من زمن قس الايادي للخلاوي
شاربٍ ماءها و راعي في بلدها
ما نفي بموت ساحلها جلاوي
و القصايد ما تغنم من قصدها
و لا تبين في محاسنها مساؤي
واجب الرجال لا منه نشدها
ما يعلقها بهزلات العراوي
قالها اللي من رغدها ليا رغدها
ترسم رعوده و براقة سناوي
لازم العذره و طايب له شهدها
نظره يشبع و نظرة للزحاوي
ليتها دام تبسم لي بردها
ماترد الصب عن حضن المداوي




الشاعر \ عبدالكريم الجباري

[-------]

صار الوطن غربه وصار السفر دار
لويـــــن مدري لكـــــــن لا أي ديره

من عاش وقته مايحسب للأشــــوار
يضيع مايدري توالـــــــــي مصيره


للنفـــس حــــد ولـــو تعـــــدته تنهار
ماعاد تفــــرق بين خيـــــرن وخيره

بعض العرب في جوفها علوم وأسرار
والله هـــــو اللــي عالم(ن) بالسريره

كم واحد(ن)يشرب قراطيع ألامرار
ولا كـــن صابه مثـــل حب الشعيره

وكم واحد(ن)لو صابه أدنات ماصار
خلــــى الصغيره فــــي عيونه كبيره

اذا معك دينـــار قــــــــــدرك بدينار
مع أحترامــــي للــــــوجيه السفيره

كب الدلال وصـــك بابك عن الجار
وغير مسمــــاتك وخـــــل العشيره

تلقى مـــع العالــــم معـــزه وتعبار
الطيب تال الوقت أصبــــــح معيره

ماعاد بها الوقت حشيمــــه وتعبار
لو انك أنت شيخ فخــــــذك وأميره

المال يغسل من مـــــــلا وجهه العار
والفقر ذل أهل السيــــــوف الشطيره

يحقر اللي ماعلـــــى ساســـــه غبار
ويعـــز من شان النفــــــوس الفقيره

الفقر قصر مــــــن طويلين الأعمار
والمال طول فالأعمـــــار القصيره

هذا الصحيـــح ولو تجيبون الأعــذار
عذر أنسحــــاب القوم عقب الكسيره

الميت له دعوهـ وللكســــــــــر جبار
والهــــــرج ماسر الجروح الخطيره

اللي مشى في عـــــــزة النفس مابار
واللي يذل النفس بايــــــــــع ضميره

قدامنـــا جنـــــه وقــدامنـــــــــــا نار
واللي بغينــــاه الهــــــدى والستــيره

اللي بعدي// عبدالرحمن الشمري

شموخ شكرا

[عبدالله الجعيثن]

دونك الأبيات :


ما بين اطيع و بين اخشم وماطيع
شمسي بدت بأول نهاره تلييل

غريب فكر وخفت من ربعي اضيع
احط عن ظهر المطيه واشييل

ماقول ذقت من المرار القراطيع
واقول لا خيل بي الشعر خيل

ما يتعبني عاتيات الزعازيع
لو كان يتعبني هبوب الشميل

يسمح لي الغر الضحوك المريبيع
والشمري راعي العقال المييل

لا قلت لي بأطراف الاقصى مفاريع
عـورات واماً بالعراق توييل

سبو نبيي وسمموا لي مراضيع
والي حصل من ربعنا مو قليل

شر الموايد يوم قمنا مشابييع
على شرف دمعة عجوز وعَيل

حتام يا رباه وعقولنا جييع
وبطوننا منها المخالي اتكيل

نام الضمير وقالي يحرم البيع
قبل الندا وعقب الندا رد قيل

ضحية الوضع الردي بالمواضيع
خلتني انحل فلسفه والتخيل

شفت بعتيق الباب ليا فقاقيع
وانا بعرقوبه كسرت المهيل

ياهم قلبي والعيون المداميع
من وين ما حايلتها ما تحيل

علقت شعري في صدور المداريع
والي زعل راعي الوشاح المذيل

وده اقول ان مرني لعتني ليع
لبا عيونك ياعيون الغزيل

وأنا على كرهي لأنا ودي اذيع
احلى تحيه للأمين الجميل

شوباش ياوجه الورق والتواقيع
رقيب ذاتي طايحاً بي تغيل

هبت السلام لحسبتي للمواديع
ياليلة(ن) سوداء وحضن منيل




ابي ابيات للشاعر // فلاح القرقاح

[متفاائل]

دوك القرقاح

يا معجبه قفلي وانسي تليفوني

انا على خوتك ماعاد يمديني
ان كان لك في الهوا شوط ماراثوني

لي في اوله خطوه وحده وتكفيني
بيني وبينه وكان الله في عوني

مثل مابين اليهودي والفلسطيني
سموه حرب او ضياع او فلم كرتوني

لا الدم دمي ولا السكين سكيني
سهم تعداني وسهم قصر دوني

وناس مياسيري وناس مياميني
مثل ماعشتي بدوني عيشي بدوني

ماكل من راح للبحرين بحريني
من كثر ماضاقت من احبابي عيوني

ماعاد شفت الطريق اللي يوديني
شريت ببكاي ضحكتهم وبكوني

إلا احرقوا دم قلبي في شراييني
مروا على مثل الاشباح وتعدوني

لا ضيعوا عقلي ولا غيروا ديني
صديت عنهم ورحت أمشي على هوني

وأن جيت أدورهم الله لا يحييني
من رخصهم لو من دموعي شحب لوني

مع كل دمعه يطيح أثنين من عيني

ابي للشاعر / الهويدي

[سالم الظفيري]

القمر غير النجوم

الـزيــن بـيـنـة رســـوم يـــا عـلــي

وأن القمر غير النجـوم اللـي معـه

والخيل اعرف اصيلهـا مـن تقبلـي

واعـرف عفـري الظبـا مـن مدمـعـه

والبيض شاسع فرقهن لا تسألـي

الـزيــن يـوهـبـه الـكـريـم ويمـنـعـه

الـزيــن حـلــو دايـــم دلـــه حـلــى

اللـذ مـن طـش السحـاب ابمنـقـه

والشين شين الله يعيـن المبتلـي

أن قابلـك تفـرح مـتـى الله يقلـعـه

وجدي على نجل العيون لاكحلـي

الـنـفـس بـــه مـجـبـورة ومـولـعــه

راعـــي ثـمــان مـرهـفـات ذبـلــي

بـيـض تــلالا حــدر طـرقـه بـرقـعـه

غضن من الجنس اللطيف مكملي

الله واكـبـر يــا جمـالـه مــا اروعــه

زيـنـة بـــلا مـكـيـاج وبـلـيـا حـلــي

زيــــن طـبـيـعـي ولا يسـتـصـنـعـه

احلى من العفـري تهايـا واجملـي

الـنـور بطخمـتـه وسلـبـه مـفـرعـه

وأن هج مع صيد الخلا مـا يجلفـي

مـهـو بـعـيـد أن الـجــوازي تتـبـعـه

والله مــا عـنـك خفـيـة يـــا عـلــي

مـن يـوم كلمتـه وانـا قلـبـي مـعـه

شكرا اختي شموخ

اللي بعدي/ سليمان المانع

[شرهه]

مـن لـبّس عـيونه ظلام المدينه؟ ii"
" وهـو الـفضول بنظرته مالها أبعاد


يـغوص بـأوراق السنين الحزينه ii"
" ومـيعاد يـولد كـل مـامات ميعاد


بـعثر عـلى درب الامـاني سنينه ii"
" تـضحك عـليه بـلاد ويلوذ iiببلاد


لـيا ظـمت ذكـراه ..يمطر حنينه ii"
" وتـغرق مـلامحهم ولاينقص iiعناد


ويـن الامـل..وين السعادة ووينه؟ ii"
" يـقوده الـوقت الـرمادي iiويـنقاد


تـلطخت فـي دم شـعره يـدينه ii"
" وصار الزمن شاهد وقاضي iiوجلاّد


قـابل بـشين العمر من دون زينه ii"
" وهـو الذي في ماضي الوقت iiزهّاد


اعـشوشب ظـلال الـمدينه بعينه ii"
" عـلمه بشمسه (تسع) والباقي iiمهاد






ابي للشاعر الهويدي

[-------]

لا واهني الي رصيده ملايين




لا واهني الي رصيده ملايين
وامضاه في راس القلم يقبلونه
وبواخره تمشي بكل البلادين
ومصادره من كل شكلٍ نمونه
وعنده عيالٍ صالحين ورشيدين
لا غاب والدهم هم يمثلونه
بيته يعانق شاهقات الضلاعين
تلقى الحمام مبيضٍ في ركونه
وديوانه اكبر مابنى بالدواوين
مفتوحٍ واجواد العرب يدلونه
فيه الخدم متكاملين ومطيعين
من جاء لهالديوان بيباشرونه
ولا صارت الريضان مثل البساتين
ماطاب من ريضانها ينزلونه
تلقى الخزاما والنفل والرياحين
تطرب له الورقه وتزعج فنونه
مع لابةٍ تنطح وجيه الشياطين
عزٍ لهم وهم يتفادون دونه
هذي الحياة الي لها الناس شفقين
من غر منها يا حياة المهونه
اشوى من الي ياخذ الدين بالدين
وطّلابته راس الشهر يبلشونه
ومع الفقر عنده بزور ونساوين
يبون حاجتهم ولا يعذرونه
يقضي معاشه مامضى الشهر يومين
الفقر شيبّه وشيب عيونه
عايش ولكن عيشة الفقر مسكين
كنّه مصخن وهو مابه صخونه
يا الله ياقابل صلاة المصلين
انك تقوم بعوننا ثم عونه

اللي بعدي للشاعر // خالد عبدالرحمن

[سالم الظفيري]

اهااااااات:
آهــات مـن طــول العنــا طاولتني
ونفسي من الفرقا وحالي صخيفه

جارت على من الفراق و قصتني
غــزت ولاكــن ما نــوت بالنتيجه

بهمومها الي شفتها منها كوتني
هذا الــي خلــى حياتــي مخيفــه

بــاكــر يروعني وانا فيه ختني
واقــول ليت الغيب يبخل بحيفه

خيــر السعــاده بالهــوى خالفتني
خــالفـت معهـا عيــن قلبي وريفاه

خبت هبــوب بـالنيـاح عطشتنــي
وكم غالي قبلي ضماء من وليفه

ليت الليالي عن غرامي نهتني
ولا بــدا زرع الامــل منك هيفه

ولا النهـا فـي غـايتـي خيـرتني
واختار انا مرباع قلبي وصيفه

خـل جيـوشـه بالمحبه غزتني
وانـا اسيـر للعيــون العفيفــه

اغلى هجوس طول الايام جتني
اكل هجوس الي تجيني بطيفه

الماضيات الي بغيبها منصفتني
والمقبلات ترجي عدلها خليفه

اتبع ظنــون للهوى ما شفتني
احسب حمــولـي بالمحبه خفيفه

واليــوم ظـــالمك المحبه طــوتني
طي الورق يوم انطوى به خـريفه

واشباح يا سيد بالهموم عثرتني
وانـا علـى اسباب صـــدق كليفــه

اشيل حتـى راضي فــوق متنــي
واروح نفســي مـن حياتـي معيفه

واقـــول الــي بــالجفــا عذبتنـي
عسى الشقا من بيننا بالنصيفه

شربت من فيض الشقا واشبعتني
دنيـــا مـــع الاحــزان ضد حليفه

اللي بعدي / طلال الرشيد