اكْتُبْ اسْمَ الْشَّاعِرُ وَالِي بَعْدِكً يُجِيْبُ لَهُ ابْيَاتْ عَلَىَ ذَوْقِهِ...

[متفاائل]

استلم لاهنت غالي والطلب رخيص

عشقت القمر حيث القمر ينبعث به نور000وأخص الليالي البيض تزهاه ويزهنـه

وأحب الهوى لاهب من خايعٍ ممطـور00000وريح النفل حيث النفـل طيـب الخنـه

وأحب الجمالة والجمالة عمـل مبـرور0000وأحب الغناه واعز نفسي عـن المنـه

وأحب الصراحة والصراحة بها مسرور000حيث ان الصراحة تقطع الشك والظنـه

وأحب الكريم اللي يفرج عن المعسـور000اللي من عطى حتى اهله مادروا عنـه

وأحب الرجال العارفة وأكره المغـرور0000من اغتر في بعض المظاهـر يغرنـه

سقا الله ليالٍ ماضية قبل هـدم السـور0000نحفر العدود ونشرب الماء مـن الشنـه

نشوف البنات اللي اوردن كنهن الحور0000مهـارٍ مشاويلـن بالأعيـاد معتـنـه

على الماء تشوف بيوتهم كنهن القـور0000كثيـر القبايـل تقطـن العـد بالكنـه

على البال ذكراها ياليت الليالـي ادور0000ياليـت الليالـي ماخـذنـه يجيبـنـه

تذكرت شيبانٍ لنـا يـوم حنـا بـزور000000يحثوننا بالطيـب والفـرض والسنـه

لو عاشوا حياةٍ قاسية في بحر وبـرور000عسى الله يعوضهم بمـا فـات بالجنـه

لو دورٍ مضى من بينهم وين ذاك الدور000زمانٍ مضى لـه ذكريـاتٍ ....يحلنـه

يوم الذهب مايلبسونه بـدون خصـور000وجمال النسا ماهو من السوق يشرنـه

فقدنا حياة البدو مع شوفـة المظهـور000ولا عاد به بدو ولا الطرش لـه حنـه

.

نبي الشاعر رشيد الزلامي

[شموخ شمالية]

.

وقت(ن) يخلي صاحي الفكـر يحتـار
ويشوف من هول الدهـر مايروعـه

تلقى الفقير وفزعتـه خمسـة انفـار
وتلقى الغني كـل الجماعـه فزوعـه

ياعاشق الدنيـا تـرى مالهـا جـار
كما واحد(ن) في حبها طـار شوعـه

اليوم تضحـك لـه وتعطيـه الانـذار
وبكـره تلحويهـا محانـي ضلوعـه

خلك علـى صكـات الايـام صبـار
ويوم(ن) يفوتـك لاتمنـى رجوعـه

اقفى على مافيه من خيـر واشـرار
نجم(ن) هوى مايندرى عـن طلوعـه

وماهي على كيفـك تمنـى وتختـار
ابعد على المخلوق من حـب كوعـه

يخبرك من ذاق المتاعـب والامـرار
وحـاول ولاجالـه زمانـه بطوعـه

ومرت به الدنيا على بعـض الاقطـار
في رحلة(ن) ماغيرت مـن طبوعـه

والله ماواطن عيشـة الـذل والعـار
مادام لـي شيمـه ونفـس قنوعـه

وقرش(ن) عزيز افضل من الفين دينار
من مصدر(ن) للذل يعلـن خضوعـه


ولو الوساده من صلافيـح الاحجـار
للراس أخير من الترف والميوعه




اللي بعدي الشاعرة تذكار الخثلان

[شمـ حايل ـرية]

إن طعـتـني أرحـل بلا هــم وجـروح
طــويـت مركـب حـبنا مـع شـراعـه
ماعـاد لـي رغـبه ولا فـيك مـصلوح
خـلاص أخــذنا مـن بعضـنا مـناعـه
أول بنينا أحــلام أمــال وصــروح
والـيوم بنســـف مابنينا بسـاعـه
عــود عـيونك كل ليل على النــوح
وأنـتا تخـون النفس لحظة دنـاعـه
أزعـل وعانـد وضرب براســك اللوح
ومن ماء البحر أشرب بكل أندفاعـه
أن كان لك بعـض الكرامه ومجــروح
أرحـل بصـمـت وخـل عـنـدك شجاعـه
وش لك بقـلب قـالها اليوم بوضـوح
أكرهــك خـذها قـلتها عن قـناعـه

اللي بعدي ابغى لـ طلال الرشيد

[ســـعود]

مكانك مكانك
أمـوت مـن فرقاك .. و أموت بلقاك
وأموت من جورك .. و أموت بحنانك
كـلٍ قـضاه يـموت مرّه .. و يفداك
و أنـا أمـوت ألـفين مرّه .. عشانك
أذكـرك.. لا مـني نسيت إني نسيتك
أنـساك .. لامـني ذكـرت نـسيانك
رضـيت أنـا بالهم لرضاك مرضاك
و ارخصت لك قلبٍ جرحته .. وصانك
أجـيك في صدري عتاب .. و أبجفاك
و أرجـع ألـوم الوقت و أقول خانك
أحـب فـيك .. احساسي إني بلاماك
فـي عـز خـوفي منك أحس بأمانك
عـجزت أفـرق بين وصلك و فرقاك
يـاللي عـطيت الـناس بيدك عنانك
مـر تـجيني لـين أقـول إنـي إياك
و مـر تـروح بـعيد و انسى أوانك
أقـبل و تقفي .. و اعتذر عن خطاياك
و أقـول مـا عـييت .. عـيا زمانك
و إن خـانتك دنياك .. أو خنت دنياك
إرجـع و تـلقابي .. مـكانك.. مكانك


ودي بقصيدة للشاعر بركات الشمري

[شمـ حايل ـرية]

ابشر بعزك لعنبو من تحداك

السنين / الزرع ... والموت/ الحصاد ..
.......... والوجيه اشباه ! .. ماتشبه وجيه !

من بلاد التيه ..... ياتيه الـ بلاد !
........ مات شاعر ! ( رحمة المولى عليه ) !

كان يحكي للزهر " قصة سعاد " !
........ لين ماحس المطر ... في راحتيه !

مانقص مثقال ذره ! ........ إلا ّ زاد !
.......... هالحنين .. اللي يسولفني حكيه !

ماهمى حظي على ترابي ! .. وجاد
.......... ولانمى صبري على مابي ياهيه !

شوفني لاحلم بيدي ... ! .. لاعتاد !
.......... بس عندي قلب ! ياخي ! ماأبيه !

شاعرك يدري .. وتدري ! .. للنفاد
.......... يحتري .. موته / وقلبك .. يحتريه !

أطلق عيونه على طرد ! ... الرقاد !
.......... وانكفت هي هي : تاكل مقلتيه !

فوق كل هذا ! أمانه ! .. شـ استفاد !
.......... غير طعنات ٍ من ايدينه.... تجيه !

بس تبي تشوفه إذا ربّك ...... أراد !
.......... شاعر ٍ ... تتوسد الغيمة .. يديه !!

والسواد إن حل .. قله : .. ياسواد !
........ هذي طعناته على ماهي .. عليه !

اللي بعدي ابغى للشاعر
ماراح اطلب اللي بعدي هو يطلب

[عبدالله المهيني]

^
^

دامك تركت المجال مفتوح

فأنا إخترت رائعه من روائع

الشاعر / خليل الأحمد الشهري

يامعانق الريح خل الريح واحضنّي...
..............بكرة تجف الجهات وتَبْلَش بْمَسرى..

أشرعت مدَّك لرمل التيه متهنّي..
................بالملح تكتب ومن غير الصبر يقرا..

عن خاين الدمع هات الدمع لو : منّي..
.........................ودّي أمرك بَليَّا بسمةٍ صفرا..

بفتحلك الأرض مثل الجرح...وادفنّي..
...............أجرح لك البال مثل الضيق للأسرى..

ماجاد جفني لـ غيرك لو بدا كنّي..
..................بيْسار عيني رَميت الدمع للأخرى..

طيّرت بعدك سماي وجيت متعنّي...
............... لآخر حدود الجناح وسدرة البُشرى..

مريت بـ اول فصول الغيم متغنِّي...
..............وانبح حزني وأحسك كنت بي أدرى..

مارحت شاري ولكن جيت ترهنّي..
............للعمر/ للحلم/ لـ اصدق نبض مايُشرى..

يكفي بأني نزفتك قبل تطعنّي...
..................ناديت لكن خذلني صمت هالقفرا..

ليت لضلوعي يقينٍ وامعن فـ ظنّي..
...........لكن زفيري نشب فـ الروح واستشرى

ماكنت نجمٍ جديد الضي..متبنِّي..
......................طفلي صباحٍ يمد النور للقمرا..

لو كل طيرٍ لقى لي روح تسجنّي..
............... ماكنت عايش ادور عش للذكرى..

والحين جيتك وكان الدمع مو منّي..
...............اجهشت لكن حضرت ببسمةٍ صفرا.

اللي بعدي

الشاعر مطر البريكي ( سلطنة عمان )

[شمـ حايل ـرية]

طيب ما طلبت شي




إذا عاش الحرير العمر في منة تراب وقز
أعيش بعزتي لامن رقيت برفعة أخلاقي
أنا ماجيت اشخبطها طلاسم ماتفكّ ولغز
ولاتاجر تعبت أرقب مؤشر اسهم أسواقي
أنا شاعر ولي صيتٍ لكز وجه العواذل لكز
واذا دارت رحى حرفي . . تجنب نفخة أبواقي
أموت بعفة أشيائي ولااحني هامتي للخبز
رغيفٍ مالفى بقسمه معاذ الله ماتلاقي
سوى نعشٍ يشرفني ولاكف الزمن يبتز
واقل للروح لك أهون ضريح ف ساعة اخفاقي
ضويتك تس9ع نجماتٍ أعلقها ف سمايه عز
حروفك يابلادٍ جت خضار العشب باوراقي
وجيتك كل نبضٍ من عروقي لاذكرتك فز
وشفتك ديمةٍ تمطر وينبت مجد باحداقي
هنا طاول شموخي لين مالز السحابه لز
واقسمت بغلاتك له (عمان) عهود ميثاقي
تبختر ياوطن وانته بكفوفك شلت أغلى كنز
وانا قبل أبحر ف موجك أبي أستحضر أطواقي
لأنْ أدريها أعماقك أبد ماينتهيهاغرز
مداها اكبر . . كثير أكبر من انها تحتوي أعماقي
لو ان الطين يتباهى بقمح السنبله والأرز
أنا اتباهى ب (قابوسٍ)غدا ف الكون ترياقي
رفاقي كلما يرقى على متن الثريا رمز
سروا للرمز في ليل اهتدوا من طلعته رفاقي
تعالوا نصفي الدنيا ونفرز هالخلايق فرز
تعالوا نعلم النخله عن الوراد والساقي
تعالوا كل ابونا سيف في نحر الخسيس ارتز
تذود أرواحنا تبرٍ نشيع هقوة الهاقي
وطن الله أكبر في نحور أهلي تهادى حرز
لواء الركب في صدر الفلول ومدة آفاقي
يذل إرهابهم / مامس في هذا الجبين أو هز
بروس أطفالنا شعره / فلاتسمع لهم باقي
طبيعي تنخر السوسه بجذع اليابسه وتنز
وانا عودي رطب صامد بوجهٍ يزعم احراقي
يقولون ف مصر لازم يجي (عوام ابن الوز)
واناابن السبع ليثٍ ماحسبها خشية إملاقي
أنا طبعي كريم ولاانتخيت أهل اللغو واللمز
نخيت رجال ماجاعت عيال وفلّت نياقي
نعم (قابوس) كل حيٍ على هذا التراب اعتز
لأنك من نسل بيت الكرام وعصمة وثاقي
أفاخر / كيف ماافاخر؟ وانته في سماي العز
لمحتك ياعمان وسال ماي الغيم باوراقي




طيب اللي بعدي


ابغى/ للشاعر : ساير الرماحي واذا ماكنتو تعرفونه ابي لعبدالرحمن الشمري

[راعي الوقيد]

يامل قلبٍ فيه طعنات وحروق=وهمٍ وغمٍ قام يطبخ زيادة
.
أسبابها خبل يهذري تقل بوق=في شاطي الراحة عساه الابادة
.
خبلٍ على الطيحات ماهو بمسبوق=يحسب (تناقيد) القصايد قلادة
.
من عقب ماهو في (بصيّة) تقل لوق=اصبح (يقاقي) (بالجبل) وارتياده
.
يابدر يابن صفوق لاتصير مطفوق=ترى توطاك العرب يا جرادة!
.
وش عرفك في نجد ؟ والنجم؟ وبروق؟=ووش عرفك باللي حكمها و قاده؟
.
هذاك أخو نورة مهو منزله فوق..=في فوق فوق الفوق .. تاج السيادة!
.
خلّك من الضلعين.. (بديار معتوق)=لو تجتري.. تبقى دهر في نكادة
.
أبنصحك خذها نصيحة يابو خثـ....=نفسيتك تلقى دوا بالعيادة!
.
دامك تعاني من صراعات وفتوق=راجعهم وتلقى علاج وركادة
.
لو أجلبك بالسوق.. مايربح السوق=مالك ثمن بالسوق ولاّ مزاده
.
وأربض (يابو هزّه) ترى تارد العوق=طبلٍ يطبّل بالجهل والقرادة
.
لو هو زمنهم ما سمعنا لك نطوق=والحين أصبح للحباري هداده!
.
وهذا الزمن دايم له غروب وشروق=والآن في حكم السعود بسعادة..

بدي للشاعر الصريح

[الاصمعي]

موضوع رائع لك الشكر شموخ

أبو فيصل أبشر وهذي قصيدة عبده للصريح (نهار هيشان الوبير)

قال الــذي يــا راد قافًً قويلـه ** يختار في شعره جميل العبـارات

ما يقول شيء كـود يملك دليـلـه ** وعنده على قوله براهين واثبــات

يذكر كلام الحق مـــن غيـر ميلــه ** ما هو من اللي يتبعون المزاجـات

ومـــــن بعد ذلك نبتـدي بتحليـلـه ** في وصف كبار البخوت الشهيـرات

عبـده لهـــم بالمجـــد باعـاً طويلـه ** تطول يدهم في نهار المثـارات

عاداتهم بالكـون صيد الجزيـلـة ** يا ما رموا من فارس بالملاقات

مبيريك وش هو قال من ضمن قيـلـه ** في قولته والا السناعيـــس الآفــات

عبده إلى ركبوا مــن فــوق خيـله ** يوم العصور الماضية والقـوامــات

من جالهم ما عاد يــم الحليله ** وإذا سلم يصيب عقلــه غيـارات

مـا قلتـها تطفلا أو دغيلــه ** مالي وراء ذلك مقاصد وغــايـات

ذكرتهم مــن شان تعريف جيلـه ** ورداً على مضمون بعض الســـؤالات

عبـده ثلاثة جمـوع كله ثقيلـه ** يحيا وربيعة وجمع الدغيـرات

اسـم ربيعـة شامـل بالكميله ** ستة فخوذاً بالعـدد والحسابات

والجد واحد كلهم مـن سليلـه ** مـن بينهم ما يقبلـون الحـزازات

عفريت مـع مردان راع النفيله ** وجدي ومحيسن والزقاريط الصبيحات

ويتمان بالقالات فيــهم خصيله ** شجعان ما يرضون درب المهانات

ويحيا سبع أفخوذ ما هـــي قليله ** غوش اليمين يا صار بالجو كتمـات

مقدمهم الفضـلان وأيضاً فضيـله ** والجرى واخوان سعدا الجنيـدات

وسليط والهامل وفخـذ الشميله ** أهل كار وينطحون المهمـات

وأولاد علي كان ولـع فتيـلـه ** تشهد لهم ظفرا وغيره كثيرات

عليان وتريبان ما بـه خميلـه ** وحسين وشريهه ونعم القرابات

واخوان سلمى كان صارت دبيلـه ** يثنون خلف القوم يا صار غارات

هذه هـي فخوذ عبده كميـله ** ما فيه نقص ولا هنالك زيادات

وزوبع نهار الكـون تشفي غليلـه ** لهــم على العـدوان رده وكرات

وفعايل الأسلـم فيها نبيله ** أهل الحمية والكرم والشهامات

وفخوذ شمر ما نطيـق تعزيلـه ** من كثرها ولا أملك عنها بيانات

لاشك عنـدي كلمه بالحصيـلـه ** ما فيه فرق وكل أبونا قرابات

والطيب شمــر كلها تستوي لــه ** متقاسمين طيبهم بالمساوات

من راس سنجار لخشم الرعيله ** ومن حد تركيا لحد السـراوات

هذه ديرهم من قدائم نزيله ** من دور شداد ودور الهـلالات

يا ما حموها بالسيــوف الصقيـلـه ** من غربي الخبراء لشرق القريـات

ويا ما خذوا باطرافها مـن قبيـلـه ** وحازوا في الماضي كبار البطولات

وقايـع كبـرى كلـه مهيله ** ما يقربونه مدعين الذهنات

والطيب ما هو بكيف من يدعي لـه ** يبقى من الواقع صك وشهـادات


الي بعدي عبيدالله ابن سالم الشمروخي

[سالم الظفيري]

الشاعر :عبيدالله بن سالم الطراد الشمروخي الشمري

هذه القصيده اعتزاز وفخرا في قبيلة السرحان الطائية :



مــاهـو غريبـا طيبكـــم يالســراحـيـــن

انتم من اللي طبعهـم حوشـة الطيـب


انتــم من اللي يـوم عصـر الاكاويـن

حمــايـة التالـي وحـرش العراقيـب


يما وطيت سـوا مـن رجـال قوييـن

مركاضكم يشيع بـه النسـر والذيـب


يــوم النقـا مـــردود بيـن القبيلـيـن

كم واحدن من ضربكم باللقـا صيـب


ايضـا بنـى عمـن علينـا عزيزيـن

وافعالكم فعلـن لنـا مـا بهـا ريـب


ومـن لا فخر في طيب ربعه ماهو شين

عليـه مـن درب المـــلامـه عــذاريـب


وقت مضى يـوم الفعل ماهو هالحيـن

هــالحين عسـى الله يعـز المعازيـب



اليـوم علم وعزف وايضا الكرم زيـن

شهمن يجيـك مـن نشامـا مناديـب



طيبه يسولف فـي جميـع الدياويـن

ولا عاد تشناك الوجيـه المغاضيـب


ان جا مجالك مع اهل الجيم والسيـن

تعتــزبـك ربعـك وكـــا الاصــاحيـب



الرجل يافلـس مـن العقـل والديـن

ماله وجـود ولا يخـوف ولا يريـب



دام ابو فيصل وابو متعـب عزيزيـن

فحنا عزيزيـن بـلا شـك او ريـب



بظــلال اخـو نـورة صعــوط المجـانيـن

خلى الغنم تمشي سوا هـي والذيـب



الله يعز اللـي حمـا الـدار والديـن

وامن ركون الدار عن كـل تخريـب



اللي بعدي الشاعر/ فلاح بن مبرد الحميداني المطيري