اكْتُبْ اسْمَ الْشَّاعِرُ وَالِي بَعْدِكً يُجِيْبُ لَهُ ابْيَاتْ عَلَىَ ذَوْقِهِ...

[شموخ شمالية]

.
.
.

مشكورين أخواني الاعزاء على التفاعل

والموضوع منوّر بوجودكم الله يحفظكم

[عبدالله الجعيثن]

لــــ طلال حمزه



وده الشعر ينبت ف. الصخر والعظام
وده ليا رماك يصوبك ف. الصميم
وده الناس تصحى من طويل المنام
تتعظ والجدايد يشبهن القديم
شاعري لو تلومه ما يرده ملام
فوق علمك وعلمه «يا معود» عظيم
علّم الريح تصهل واستثار الغمام
وعلّم الغصن الأرعن ينحني للنسيم
علّم الشمس تشرق من هديل الحمام
وعلّم الليل يضحك عقب ما هو كظيم







التالي





سعد بن جدلان

[موجود]

ابن جدلان

يدك لامتدت وفاء لاتحرى وشتجيب
كان ردت سالمه حب يدك وخشها

.





.
الشاعر احمد الناصر

[ملامح شمري]

احمد الناصر
هل دمعي على خدي نهار الـوداع
*** يوم قالوا بمان الله جـــــاني بــــلاي
التفت والتحضني بالعيون الوســاع
*** وارسل الدمعه اللي زاد منها عنــاي
خيف من فراق ماوراه اجتمــــــــاع
*** يالله اليوم لا تقطع رجـــاه ورجــــاي
,,,
,,
,
سليمان الهويدي

[عبدالرحمن]

شكرا لك اختنا القديرة ام عمر.


عشقت القمر حيث القمر ينبعث به نور

..................واخص الليالي البيض تزهاه ويزهنه

واحب الهوى لاهب من خايع ممطور

...................وريح النفل حيث النفل طيب الخنه

واحب الجمالة والجمالة عمل مبرور

....................واحب الغناه وعز نفسي عن المنه

واحب الصراحة والصراحة بها مسرور

..................حيث أن الصراحة تقطع الشك والظنه

واحب الكريمه اللي يفرج عن المعسور

.................اليا من عطى حتى اهله ما دروا عنه

احب الرجال العارفه واكره المغرور

.................من اغتر في بعض المظاهر يغرنه

سقا الله ليال ماضية قبل هدم السور

................نحفر العدود ونشرب الماء من الشنه

نشوف البنات اليا اوردن كنهم الحور

...............مهار مشاويلن بالاعياد معتنه

على الماء تشوف بيوتهم كنهن القور

...............كثير القبايل تقطن العد بالكنه

على البال ذكراها ياليت الليالي دور

...............ياليت الليالي ما خذنه يجيبنه

تذكرت شيبان لنا يوم حنا بزور

...............يحثوننا بالطيب والفرض والسنة

لو عاشوا حياة قاسية في بحر وبرور

..............عسى الله يعوضهم بما فات بالجنة

لو دورن مضى من بينهم وين ذاك الدور

.............مان مضى له ذكريات يحلنه

يوم الذهب ما يلبسونه بدون خصور

............جمال النسا ما هو من السوق يشرنه

فقدنا حياة البدو مع شوفة المظهور

............ولا عاد به بدو ولا الطرش له حنه .

.
عياد الشمري.

[ملامح شمري]

^
الكويتي ..؟
,,,
يـابـنـت مـاني لك انا ولا انا لي.. بي نـصـيب * الـقـلـب مـقـفـي بـالـوجـع وانـتي تـجـيـني مـقـبـله
يـالـيـت لـك فـي داخـل الـصدر الـمـحـطم والـعـطـيب * صدرٍ ولا اني اذهـل اللهفـه بـعـينك واقـتله
الـكـذب فـي فـرصة عـمر اخف من حـبّة زبـيب * اقدر بـكـلـمه خـاطـفه اكذب تـهون الـمـسـئـله
لكن ورب الـكـعبه ورب الـسماوات الرقيب * عـندي ضـمـيرٍ لا هدا.. الـروح هـذي يـنـخله
روحـي مـثـل مـن قـال عن شـرقه ابي يم الـمـغـيب * انـا يـبـست من الـفراق وعـمرك انـتي بـجـمـله
روحـي عـسـى دربـك مـثل عـيـنك فـضاءات ورحـيب * انـسـيـني بدربٍ عـرفت اقـصاه يـومي باوّ لـه
لي بـالـجـهات الاربعه درب ٍ يـودّي مـايـجيب * اجـيه امـنّي به رِجِل وعـيون سـود واسـئله
,,,
,,
,
سليمان الهويدي
^
بنشب لكم فيه لما تجيبون قصيدته اللي ببالي

[متفاائل]

خذهاااااااااا وفكنا
صاحبي يلبس البرقع ماهي عادة لـه
مير اخذ سلم جيرانه وصارت طبيعه
مثل من قال لاجيت الوطن خذ دلـه
اتبع الناس وان ماطاعك الوقت طيعه
هيه ياللي اكلفكـم علـى برقـع لـه
وسعو قرضته ترى عيونـه وسيعـه
فصلـو لـه حريـر ناعـم مايملـه
حيث بشرة خـدوده بالتأثـر سريعـه
صاحبي لاهرج تشفق على هرجتلـه
من حلاوة كلامه كن هرجـه يبيعـه

ابي المغيولي

مع شكري لصاحبة الافكار ام عمر

[راعي الوقيد]

شكرا شموخ شمالية

يقول حمد المغيولي :-

اسير الحب مثلي من غرام الحب ياويله
ثمان سنين لذّة ساعة بالعمر فاقدها
على اللي كل ما مريت لوّح لي بمنديله
اشارة حب لكن البلى موتي على يدها
عسى ربي يعين اللي قضى ليله على حيله
نجوم الليل تال الليل من وجده يعددها
عليك اللوم مني ياقمر خمسة عشر ليله
وش الاسباب روحٍ في يدك باتت تهددها
تهددني وانا مافي يدي حل ولا حيله
اعيش بحالة من سبتك هذي حصايدها
لعل الرايح اللي بالسماء تسكب هماليله
تهل ايام والا النفس تحدى عن مواردها
الا ياكبدي اللي حرّها اللاهوب عزيله
تريد الماء ولكن بارد الماء ما يبردها
تعلّق بالهوى ناسٍ هواهم بالهوى عيله
لو إن القاصره عيبه على راسه يساندها
قليل اللي يعرف اللي عليه ويفهم اللي له
كثير من البشر مثل البقر تمسك قلايدها

مطلوب :-
ابن دويرج

[عبدالرحمن]

ولك يابوفيصل طلبك.

ياهل الزرفات بكره كان مريتوا طوارف خلي
خبروه اني شكيت الهم والساموح عقب فراقه
مانسيت الصاحب اللي بالموّده والهوى صافي ليّ
جالي أصفا من غدير (الجلت)وحلا من حليب الناقه
مانسيته يوم أنا أنهل من كما..ذوب العسل واملي
خابرٍ نفسي عيوف ولاتداني عقبه العشاقه
مع ثلاثٍ عارضني صبح يوم العيد دق وجلي
وصفهن ثنتين جل وثالثتهٍن بالوصوف ادقاقه
أنهب الممشا لجلهن ميرادهن ماودهن يندلي
كل ماقربت منهن خالفني وقطعن الساقه
يالطيف الحال غظّات الصبايا كيف ماياون لي
حملنيّ من كثيب الرمل ملموض وعليه وساقه
صابني منهن هنوفٍ من لماها علتي ودون لي
ودي أصبر مير قلبي من فراقه غاديٍٍّ حراقه
صرت مثل اللي يعبر في زمانه كل حل بحلي
الله أقوى كل عبدٍٍ مشتكا حاله على خلاقه
كن عينه عين شيهانٍٍ ربا بالنايف المتعلي
أو كما عين الغزال اللي يلد أبها على دراقه
جادلٍ تل الضماير في كلاليب المحبه تلي
تل هجنٍٍ في سموم القيض عطشا والشراب شفاقه.

صقر النصافي

[ملامح شمري]

ولو ابويوسف ,
تكرم عينك نجيب لك ابو اللي بدكـ ياه
وعندك واحد صقر النصافي وعلى حساب المحل يا صبيي < يامر على قوقل
,,,
من منطلق فن الملاحه والطيور الطايـرات * ماهمني ناسٍ تطير ونـاس معهـا طايـره
عزّيت راس المال عن سوقٍ تبيع البايـرات * ولاني من اللي جا يروّج له بضاعه بايـره
من حر مالي لا بغيت اشري وحُكم الدايرات * حكمتها يوم السياسـه فـن حكـم الدايـره
ياللي تقول ان اليالي من بلاهـن جايـرات * اعرف ترى بعض اليالي من بلاها جايـره
احذر تشب النار ودلالـك عليهـا فايـرات * ياللي تشـب النـار والدلـه عليهـا فايـره
حتيش لو انك حدث وتصير ضمن الصايرات * منهو يقول انك مثال احداث قبلـك صايـره؟
شفت النجوم بحكمة الله في فلكهن سايـرات؟ * عليك بسهيل اليماني ,, كان تقـدر؟ سايـره
,,,
,,
,
سليمان الهويدي
اقول لكم اول شطر من قصيدته ولا ما يحتاج