استاذنك بسافر ايام وأجيك

**عبدالله المهيني** · 13-03-2011 12:45

حمدان المري

مدينة من الشعر الجميل

من أين أتيته وجدته مثمر وعالي الكثافة الأدبية

**عبدالله المهيني** · 13-03-2011 12:51

اضغط على الصورة لعرض أكبر.

الإسم: 119980roro90.gif
مشاهدات: 120
الحجم: 113.9 كيلوبايت
الهوية: 5519

استأذنك بسافر ايام واجيك
وان طالت ايام السفر لاتحاتي

حتى ولو طولت ماني مخليك
ياللي بدونك ويش تسوا حياتي

تامر علي حاجه ؟باودعك واليك
عسي عوض الايام في المقبلاتي

حتى يدي ماودها تفارق يديك
ساكت وانا اشوف البلا في سكاتي

ماشفتني لارحت منك التفت فيك
بلاي والله روحتي والتفاتي

لكن قبل ماروح ودي اوصيك
وانت الوحيد الي يقدر وصاتي

لحد"سألك وقال لك وين مغليك
قله لوازم لاقضاها بيآتي

وان طرو النسيان مانيب ناسيك
ياراس مالي في الحياه وغناتي

وان طرو السلوان مانيب ساليك
طيفك معي حتى وانا في صلاتي

قلبي وهو قلبي اذا مر طاريك
لولا ضلوعي كان عزوا مماتي

لو جض صدري كان يمديه يأتيك
ويبات عندك ويهنا بالمباتي

انا وقلبي والغلا ساكن" فيك
وانته وقلبك والغلا وسط ذاتي

غلاك مثل الحكم عند المماليك
اكبر طموحي( لا ) كل امنياتي

شف في غيابي اي حاجه تسليك
لاني بعدك اسلآ مع ذكرياتي

احاول اذكر اي شي يطريك
واقول هو سوء وانا ذي سواتي

كني موادع كل شي حواليك
كني حسبت احساب حزت وفاتي

احب لاني مااقدر انساك وابيك
ولا اقدر اخليك ياالي تحاتي

معنى احب ولااقدر انسى واخليك
يعني بدونك ويش تسوا حياتي

**عبدالله الجعيثن** · 13-03-2011 12:59

المهيني هنا

اذا الجمال حتما هنا

لاهنت يالغلا

وصح لسان المري

**عبدالله المهيني** · 13-03-2011 13:01

الله يعزك يابو غازي

وجودك هو إضافة من أناقة للمتصفح

صح بدنك ولا هنت

لكـ الود

**راعي الوقيد** · 13-03-2011 15:29

ابوخالد & ابو غازي هنا !!

اكيد قمة الإبداع هنا

صح لسان الشاعر

وصح لسان الذوق

لكم التحية

**متفاائل** · 13-03-2011 18:19

لكن قبل ماروح ودي اوصيك
وانت الوحيد الي يقدر وصاتي

لحد"سألك وقال لك وين مغليك
قله لوازم لاقضاها بيآتي

وان طرو النسيان مانيب ناسيك
ياراس مالي في الحياه وغناتي

وان طرو السلوان مانيب ساليك
طيفك معي حتى وانا في صلاتي

قلبي وهو قلبي اذا مر طاريك
لولا ضلوعي كان عزوا مماتي

سلمت وصح قلبك على النقل المميز ابو خالد

وصح لسان الشاعر على الابداع