ابن حزمي
ومشاركه رائعه بالمسابقه
متميز ونقله جميل وذوقه غيير
اشعر وكانه يقرأ القصيده حرف حرف
يتعايش بين ابياتها ويسكن بين قوافيها
سكرة المووت
شاعر مميز يكتب بعفوية جميلة . . . تنبئ بمستقبل شاعر مذهل ... وهذآ البـــــوح الأجـــمل
لآيقف على رصيف واحد للكتابه نور يضي بقدومه . . . . . .
الـــشاعر / / منصور بن جـــعــــشـــه
ياوجودي وجد من ضاع في بحرن عميق
شلته الامواج والبحر مايلحق مداه
يعتزي ويصيح لاعيال عمه والصديق
والبلا قفابه الموج ما سمعوا نداه
ايتشهق طول وقته ولا فاد الشهيق
راح عمره وانتهى ما دروا عنه اخوياه
ما وراه الا عجوزه ولا عنده شقيق
وما جداها غير دمعن تهله فالصلاه
تدعي الله ياخذ لجنته رجلن غريق
وان غشاها الليل قامت تنهت اه اه
ويا وجودي كان مالي سوا قلبن رقيق
والفرح ماشفت نوره ولا ذقت الحياه
ليت لي قلبن صبورن وصدرن مايضيق
وليتني شيخ ان حزن احزنوا ربعه وراه
الضعوف تخاف بشتن من الصوف العتيق
لا ظهر في مظهرة مادروا باللي وراه
والله ان الحزن في قلبي اثقل من طويق
والله ان الجفن ينثر من اللوعات ماه
والله ان الجوف في داخله شعلة حريق
من سبايب جادلن ماتحفظ بالوصاه
اتنهت طول ليلي مثل عودن عويق
فز من نومه مروع ولا حصل عصاه
والله اني ودي اشكي همومي للرفيق
بس خايف لا زعل اتسأل وش بلاه
وانت ياللي تسرق النوم يالطرف الانيق
تدري ان الشعر دمعن " نثرته ياشقاه
وتدري ان الدمع لا صار في عيني غريق
يتروا من هدبها ويمطر من سماه
وتدري ان العشق لا زاد حده مايليق
لا انحنى راسي من العشق مايدمح خطاه
ومن ترك سلم االبدو مابقى سلم" عريق
اتركوه عيال عمه ولاجابوا نباه
ليتني طيرن مهاجر مع الدنيا طليق
يتسلى فالسما واكبر همومه عشاه
وليتني لاغبت صدري شمالي مايضيق
وليتني شيخ" ان حزن احزنوا ربعه معاه
وياوجودي كان مالي سوا قلبن رقيق
والفرح ماشفت نوره ولا ذقت الحياه
ويا وجودي وجد من هلك في نصف الطريق
ثم جاته سكرة الموت ما حقق مناه
=====
رد مع اقتباس
المفضلات