قصيده متواضعه قدمتها في حفل محافظه رفحاء بمناسبه شفاء الملك
الآدمي دينه ..بحظه.. يوفيّه
............................... ومن خان دينه .. طاح حظه وخانه
واللي لوى راسه للايام تلويه
.............................. واللي صبر يبشر .. ويلوي زمانه
وانا مواطن... تعبته المشاريه
............................... مافيه شي الا بيكتب.. عشانه
تمطر عليه افكار الايام تسقيه...
............................... شاعر ويشره هيله و..زعفرانه
غايبه غالي .. وجابه الله لغاليه
............................... ولله فضله .. حكمته .. وامتنانه
حي الله اللي نور وجهه... يقدّيه
................................ اللي يسابق.. شوق شعبه.. حنانه
اللي يجي وش فيه شعبه ويشفيه
................................ من شافهم حوله.. يقول خويانه
يهديهم النيه .. والايمان تهديه
............................... عهد ..عليه الله ... وشرع الديانه
اللي صدى صوت اليتامى .. يبكّيه
............................... شعبه بكى من زود وحشه مكانه
الصدق والمبدا وفعله .. يزكيه
............................... في هالزمن.. ماله شبيه.. بكيانه
ماينتهي به من بغى يبتدي فيه..
.............................. حاول.. ولكن مافزع له لسانه
فيك انت .. يالعشرين مليون يدّيه
.............................. شعبك ,,عليه الله وستره وامانه
ماهو على كيف الجزيرة تدربيه
................................ ولاهو عسيف راس ماله عنانه
يتليك.. بالشده .. وباللين... تتليه
............................... صوتك نداه .. وضحكتك برلمانه
قل للمرض بلساننا .. قل واليه
............................. شعبي : شفه , شوفه , ورع له, وعانه
يجي ل ابومتعب وباسمه يناديه
.......................... شفتوا... ملك .. مع شعبه بها الميانه
يالله من جودك .. على الشعب تبقيه
........................... وتكفيه صيحات.. الظروف... الجبانه
ومن المرض تحفظ جنابه وتكفيه
........................... شر الزمان و صولته ... وامتحانه
وتضفي عليه من الرخا لين ترضيه
............................ بالخير .. والقوه .. وعز المكانه
هذا الوطن مثله على الارض مافيه
............................ مكنون من رفحاء لنجران... دانه
كل الاحترام 
رد مع اقتباس
المفضلات