[GASIDA="type=0 width="100%" border="none" font="bold large Arial" bkimage="""]
كريم يابرق(ن) سرى ا الليل كله=ليله ظلام وبارقه يشعل اشعال
ومزنه مرودم والهواء راكدله=والما ء منه ينزل على الارض شلال
سبحان من انشاه في قدرتله=وبمره يسوق ويتجه وين ماقال
كونه بخار ووسطه الما يشله=ومن البحر ساقه لوديان وجبال
ويسقي به ارض(ن) الدهر جاريله=يحيي شجرها عقب موته والا محال
يرعد ويبرق والهواء سايقله=بامر الولي عالم خفيات الاحوال
رب(ن) عنه ماخافين شئ لــله=يعلم خفايا الخلق صادق ودجال
والارض ملكه والسما تحت ظله=وهو الذي عند المهمات ينسال
ومن بعد ذكر اللي فرض قبلتله=سر ياقلم وكتب جديدات الا مثال
اكتب وعبر والخطا عنك زله=في خط واضح واعدل الحرف لامال
اكتب وحبرك دمع عين(ن) تهله=ادموع عين(ن) من عنا الوقت همال
اكتب كلام اللي نزح عن محله=بينه وبينه الف كيلوا بالا ميال
الياطراله قام همه يتله=قامت هواجيسه تحده على الجال
والرجل يعرف كيف دربه يدله=ولا غدا مع قول عاذل وعذال
لا تعيش في عيشةاهانه وذله=لوانت تسكن في خلا مابه ازوال
ودرب(ن) تشوف به المماشي مخله=جنب عنه والدرب الا قشر للا نذال
وفل الحجاج مع الرجاجيل فله=اليا احترمت الناس عدوك رجال
والناس تتبع واحد(ن) ماتمله=ومن عال يمه عالو الناس لاعال
لون بعض الناس بلشه وعله=حاول عنه تبعد بلا هرج وجدال
لا تجادله تبلش معه باالجدله=وينشر علومك ناقل القيل والقال
والا اليا منك تكلمت قله=قول(ن) يخـلي وجهه الوان وشكال
حتى يحسب قعبها كلمت له=بعض السوالف مالها ساس وهبال
والرجل يعرف من طرف هرجتله=هرجه يبين ماطراله على البال
وحذرا الردي حذرا تخاويه خله=لوهو رقا لمنصب ولوهو ملك مال
انته خويه لابدت حاجتله=واليا بدالك حاجت(ن) فيه ماسال
ولوطاب مده عود لعادتله=ماله مع اهل الطيب حض(ن) ولافال
اسال مجرب والتجارب مدله=التجربه درس(ن) مثبت وفعال
خاويت ناس(ن) من جميع الشكله=وفي ماخلق ربي تهول وتهتال
احد(ن) خلاف الربع دايم يحله=واليا حضر ينحل بالحال الاشكال
واليا فزع يعجبك في فزعتله=وطيبه مع الاجناب والربع باالحال
وايض تنومس للخوي خوتله=طيب وله باالطيب مخرج ومدخال
وحد(ن) ردي وفاشله سمعتله=وشره على الاقراب والعم والخال
وحد(ن) تعجب منه في هيبتله=ولاقال يفعل ميتردد الياقل
وتشوف فرق اخون وخو باالجبله=باالطيب والمذهب وهم نسل رجال
واللي تشوفه خارب(ن) مذهبله=ابعد عنه جعله لمليون سلال
ماانته ا بمجبور(ن) على قربتله=لو انته تخاوي هنود(ن) ونيبال
وزل الخطا عن صاحب الطيب زله=وخويك ادمح زلته ونس ماقال
يمكن تجي كلمه مهي مقصدله=احذر يجيك من الخطا شك وجفال
الرجل ماله باالعمر مكسبله=والله لا قالو رجل طيب وعمال
ياجامع(ن) للمال ومخزنله=وش يستفيد الرجل من جمعت المال
ان ماوقف به لا بدت عازتله=لامات من ماله ماغير الكفن شال
ماالله خلف في هاالحياة اتعبله=والمال بالي والعمر باالمثل بال
واللي يفكر بس في عيشتله=الفول بريالين والخبز بريال
[/GASIDA]
اعجبتني حيل وحبيت انقلهااا لكم اتمنى ان تنال اعجابكم
،،
،
رد مع اقتباس
المشاركة الأصلية كتبت بواسطة سالفة عشق
المفضلات