القشدة الحائلية ممنوع دخول المصابين بالكرسترول والشيبان

[شموخ شمالية]

.

منعنا دخول الشيبان لان القشدة ثقيلة على تسبودهم
وخايفة لايضيق الطبي على صلفيق من كثر مراجعينوه من شيباننا الله يحفظهم
وأولهم عمي ابوسلطان



نقلت لكم طريقة عمل القشدة وان شاء الله تعجبكم


المقادير هي /


2 اصبع زبدة_ واذا عندك زبدة غنم ألذ بعد


نصف كوب دقيق _حسب الرغبة ابيض والا اسمر


2كوب لبن المراعي وياليت يكون حامض يعني تاريخه قديم قبل لاينتهي بيوم


2كوب تمر حلوة او سكري منزوع النوى<<انا احبه بتمر الحلوة وخاصة حلوة الوسيطاء


الطريقة /


تسيح الزبدة على نار هادئة ثم يضاف اليها الدقيق ويحرك حتى يشقر ثم نضيف اللبن و التمر ونقلبه خمس دقائق ونتركه قليلا على النار ثم يقدم مع القهوة وبالهناء والعافية 0


والصور ابلغ من الكلام






































وبالهنا والعافيه

[هند القاضي]

ام عمر هذي يسوونها بالمناسبات عندنا


كـ نوع من الحلى مع القهوه


يعطيج العافيه وتسلم ايدج

[الجازي]

يسلمو شموخة

بس توتس تذكرين

يوم راح البرد

بحاول أسويها اليوم كود الحر يهوّن ويرجع لنا البرد

[راعي الوقيد]

اشوى احسبتس تقولين ممنوع دخول الشباب << قلت عوايل

خوش قشدة يا ام عمر ماشاء الله عليتس

الا قشدة لورباك به دهينة والا لأ .؟

سال لعابي من هالقشدة بس فكرة ماهو لازم قشدة غنم

ياعله بألف عافية على قلوبكم

ياحووووول يالشيباااااان

تحيتي لك

[ابو ضاري]

^
^
^
الشايب راعي الوقيد وشلون تسبدك الحين


حنا يالشباب ان شاء الله مانتاثر منها


<<<<يتشبب


بالعافيه على قلوبكم



شفتوا ام عمر تبي تذبحكم

[شموخ شمالية]

ام عمر هذي يسوونها بالمناسبات عندنا


كـ نوع من الحلى مع القهوه


يعطيج العافيه وتسلم ايدج

الضاهر بكم عردز حايلي

صحتين على قلبك يالغالية

نوّرتِ

[شموخ شمالية]

يسلمو شموخة

بس توتس تذكرين

يوم راح البرد

بحاول أسويها اليوم كود الحر يهوّن ويرجع لنا البرد

تسيف راح البرد

حنا توّنا ماجدعنا لبس الشتاء وبالليل مانطفّي الدفايات

بس تصدقين عاد القشدة حلوة حتى بالصيف خاصةٍ العصرية مع مهيله بحدى شعبان حايل ..يااالبيه



منورة ياعسل

[شموخ شمالية]

اشوى احسبتس تقولين ممنوع دخول الشباب << قلت عوايل

خوش قشدة يا ام عمر ماشاء الله عليتس

الا قشدة لورباك به دهينة والا لأ .؟

سال لعابي من هالقشدة بس فكرة ماهو لازم قشدة غنم

ياعله بألف عافية على قلوبكم

ياحووووول يالشيباااااان

تحيتي لك

هلا بشيخ الشباب

قشدة لورباك حليلة بس مهي زي قشدة لبن الغنم
أمي تعيي تاكل من هالنوع تبيها من لبن الغنيمة




صحتين عمو

[راعي الوقيد]

يازين شبعان حايل

[متفاائل]

ياربي القشده مع السحه يتمطق

يسلموا شموخ ع الطبيخ التراثي