[poet font="Simplified Arabic,14,black,normal,normal" bkcolor="" bkimage="http://www.shammar.org/vb//backgrounds/4.gif" border="double,4,gray" type=0 line=200% align=center use=sp char="" num="0,black"]
ألا يا قلب لا تحزن !!
ألا يا قلب لا تحزن 00 ولا تشكي لأحد بلواك
تعبت 000 ولا لقيت اللي يعزيني بحرماني
أسوق خطاي يا قلبي على درب مشته خطاك
تصور لي سرابك ماء 00 وطردك حيل أظماني
عجزت أفهمك يا قلبي 00 غموضك يكتنف دنياك
قدرت أكشف عن المجني وعجزت أعرف من الجاني ؟!
أنا ما أشره عليك أشره على نفس مشت ممشاك
مادام إن الخطا جاني000 من اللي كانوا خلاني!
تظن كل من ضحك "سنه" يدور راحتك ورضاك
تحسب انك بلغت أقصى طموحك بصحبة فلاني
هذاك اليا بغى حاجه00 يدور عنك ألين يلقاك
ويحطك في جفن عينه ويساوي فيك الأعياني
واليا منك طلبته حاجة000 أقفى ولا أعطاك
ويبدل صحبتك ياقلب00 بصحبة واحد ثاني !!
خلاص أصحى ترى ما كل من صاحبك يبغاك
بعضهم لا أنتهى منك توارى سواة قوماني !
أبي تحسب مخاسيرك وتأخذ حقك بيمناك
أبيك تشوف لي طيبك معاهم وين وداني ؟!
ألا يا قلب لا تحزن 00 ولا تشكي لأحد بلواك
تجنب كل خلق الله وعش راضي ووحداني
[/poet]
رد مع اقتباس
المفضلات