((انتي غـــــــير))
انتي غير الناس غير الخلق غير الكون غير
انتي غير اللي نشوفه وغير شي.ن. نسمعه
انتي شي من الخيال اروع من احـلام الفقير
ومـايزيدك لو اقـول الـذوق انتي منبـعه
انتي شي.ن. مستحيل انه بـهالدنـيا يصـير
ومستحيل اي شي اقــوله ينصـفك يامبدعه
تسمعين بعـرش كـسرى وعـزفرعون الكبير
هـذا انـا وان كان فـزت بعرش قلبك واقنـعه
اسمحـيلي لو حكيت وضاع في حقك كثــير
تحرجـينابـلغ لسان وظلم حسـنك يمنـعه
واعذريـني لو كسـرت . بوصفك الشعر الغـزير
تنكـسر اعـذب بيــوته ويختشي منك اروعه
مـن ابـو الطيب . لحافظ . لين ابن شوقي الامير
لـو نحــط الشـعر كـفّه وانت كفـّه ترفـعه
تعـتذر منك بحـور الشعـر لو حـاول جـرير
ولــو ظهـرتي لقيـس ليلي خان ليلي وضيعه
يعنـي وبكـل اختصار الشعرفـي مدحك ضرير
كنـي جيت اشحـذ كفيف لوصف حرب ومعمعه
من شهـقت بعـطر جسمك ماتمنيت الزفـير
وطفـل حبكوسـط قلب.ن. من حنانه يرضعه
اغـرسي بالقلب ود وشــوق واحلام ويصير
عــبد مملوك ٍ بحـبك مايحب الاقنــــعه
واقطـفي احـلى ثــمار القلب بيدين الخبـير
واستـلذّي في طـعم تــوت الجروح الموجعه
سـيده توت الحـلا معنكـهة الشـفه يثيـر
اسكبيلـي لـين احـلّل لذّته واستمتــــعه
اسكبي احـلا رحيق ولو على العاشق خطير
لايهـمك دامروحه تعشـقك ومــولــعه
والعـبي تحـت الذنوب وفـوق تأنيب الضمير
واتـركي شــوق النفوس يذوب فيناالاربعه
واضـربي فـي حد سيف الشوق لو حدّه شطير
مـابقـاللقـلب حجّه دام حبـك شجّــعـه
جيتـلك والحب لعبه وصرتانا الطفل الغـرير
مـن يـدك هـذي لهـذي جاك طفلك دلّـعه
وجـيت اقـدم اعتـذار الـورد وانواع العبير
جيـته الـبارح لقيته مختلس عطــرك معه
ايه نسـيت ! البـارحه تشكيلي اسلاك الحرير
جت وقـالتـلي دخيـلك بشرته وش مصنعه
وجيت اقـدملك غلاي ان كان لي حظ.ن. كبير
جـيت ماتحـتاج قلـبي فـي غرامـك تقنعه
اتركـيني في عيـونك بنتهي باحـلى مصير
ايه هــنا بنـثر سنين العمر واصحى تجمعه
بقلم الظفيري
رد مع اقتباس
المفضلات