%%ابو ماجد تعال ابيك %%

[بسمة العز]

كنت في الماضي متعصب والان غير ذلك

انا ماني زعلان ولا خليت التعصب يطغى على الحق

وانا مازلت عند كلامي هناك اخطاء تخدم الهلال

بس يابسمه يااختنا الفاضله انتي كتبتي وقلتي اهداكم الفوز بس من حق الهلال وانا كتبت رد للحكم العريني لان هناك

لاعب من الفتح اكثر من دقيقه طايح وعوضها بدقيقه اخرى

لكن النصر اضاف دقيقتين بدون اي مبرر

لكن الناس ماتبي تفهم

ابوضاري انا اسفه مـآ اهدالكم الحكم شي.. ومن حقه
يضيف وقت حسب مايشوف ان الوقت يستاهل او لا..

وحتى النصـر بعد مـآاآهدى لهم الحكم شي
وكل وآحد اخذ حقـه..

بوضـآري انت كتبت السبب وابوماجد كتب السبب
واعتقد الموضوع منتهي..


وبالنسبه للردود مـآدآم مافيها كلام مخالف القوانين
انا ماقدر امنع احد يكتب الشي اللي يبغاه

ولاتنسى انت فاتح موضوع نقاش وانت انسان رياضي
وعارف كيف تكون النقاشات .. يعني اكيد متوقع اي ردة فعل تصير بالموضوع ..


كلمه للكـل / ابتعدو عن الحساسيه واي موضوع نقاش
لازم يصير فيه شد .. فإذا انت متعصب او ماتتقبل اي وجهة نظر غير اللي انت تشوفه ولاتقبل اي كلام غير كلامك ابتعد عن موآضيع النقاشات وافتحو المواضيع اللي تناسبكم..

احتراامي لك..

[جمران]

^

يحيا العدل

[الشبث]

مثل ما قالت اختي بسمه



اي شخص ما يقبل النقاش ياليت يبتعد عن المواضيع النقاشيه


كلنا اخوان والهلال والنصر كلهم ما يسوون مواطيكم


حنا نتناقش بس للوناسه والتسليه ولا يمكن اقبل ان اخ او اخت يزعل علشان النصر او غيره




واختنا بسمه متحملتنا بما فيه الكفايه



يكفي ان الرياضي يعيش وقته الذهبي الحين


فياليت نبتعد عن الزعل والرودو اللي فيها نرفزه



اللي يكون متنرفز لا يرد وهو زعلان



ممكن اني احاول انرفز اي واحد بس الاكيد اني ما اقصد اي شخص







واعتذر لاختي القديره والكبيره بأخلاقه بسمة العز




وتقلدوا تحيتي

[ابو ضاري]

ابو ماجد الغالي


واختي الفاضله


كما قال ابو ماجد حنا اسفين


لكن نحب النقاش بدون نرفزه وكلام ماله داعي


انا معارضتي للعضو الى يكتب رد نرفزه ويمشي يااخي او يااختي الموضوع متاح للجميع من ردود سلبي او ايجابي بس لا يتعدى خط الاحمر


يعني نرفزه




انا ســـــــــــــــــــــــــــــــــــــــ ــــــف وحقكم على




وللمعلوميه الشبث من الاخوان الذين اقدرهم واحترمه تتخيلون اول مره نتواجه سلامنا سلام السودانييين بالاحضان

هذا ان دل على المعزه اللي بيننا


<<<<<هين يالشبث نتواجه بالمخيم

[القعيطي]

الهلال والله ايام زماااااااااااااااان كان يفوز بالتحكيم لكن نادي الهلال اللحين فرض احترامه على الجميع


سوا من ادراة واجانب او او او ،،،،،،،،،،،،الخ


بس ماهي مشكله مثل ماقال الجثري لو الحكم احتسب 3 دقائق واطلق نهاية المباره في الدقيقه الخامسه يمكن طاح الحارس ويمكن ويمكن


تقبل مروري

[ســـعود]

[/FONT]
كلمه للكـل / ابتعدو عن الحساسيه واي موضوع نقاش
لازم يصير فيه شد .. فإذا انت متعصب او ماتتقبل اي وجهة نظر غير اللي انت تشوفه ولاتقبل اي كلام غير كلامك ابتعد عن موآضيع النقاشات وافتحو المواضيع اللي تناسبكم..

احتراامي لك..

[ســـعود]

ابي اعرف وش معنى هــع

بصراحة انا اشوف انه كلكم متعصبين لي انديتكم ولو الله يفك المشجع السعودي من التعصب الكورة السعودية بخير

وقد يكون ابو ضاري متعصب للهلال ولاكن اكثر الردود من الاعضاء باين عليها التعصب والحقد

بس هع مدري وع لحالها سالفة


تحياتي لكم

[ابو ضاري]

شكرا