اربع سنين وانا متحمل تغليك
أربــع سنيــن ونــا متحــمل تغليــك
قصيده اعجبتني ،،،،
ياللي زعلت إزعل ولاني مراضـيك
. أشرب كدر ماي البحر كانه أرضـاك
لا تحسب أني عقب صدك بداريـك
. بأعز نفسي عنك مـدراك مــدراك
أربـع ســنين وأنا متحمـل تغليك
. راضي بتعذيبك لأجـل قلبٍ أغــلاك
وخليتني واليــوم والله لأخـليـك
. وأدوس قـلبي لينـه يقـول خـــلاك
قبـل توريني الحسـاير بأوريــك
. ليمن يقـال فـلان هانــــك و ورآك
كـانك تحداني فأنـا أقبـل تحـديك
. وأنسى الغـرام اللي مـضى وأتحداك
مـاني بقايـل لك عسى الله يهنيـك
. الله يحـرمك كـل مـا كان هنّـــاك
عـسى العمـى ياخين العهد يعميـك
. فوق الغرور اللي عن الماضي أعمـاك
وعسـاك ما تسمـع قريب يناديـك
. حيثك تجاهل صوت محـروم نـــاداك
وعسى الشلل يعـوق رجـلٍ تمشيك
. لـينك تنـدم ليـه غـيرت ممشــــاك
وعسى حياتك بس فرحـة لشـانيك
. يلقى بها الفـرصـة عدوك ويشنـــاك
وعسى الليـالي اللي تجيني بطاريك
. يصبح عليها الصبح ويموت طريــــاك
وعسى المنـام وكل راحة تجافيـك
. آمين حتى اللي تمنــاه يجفـــــاك
وعساك ما تفـرح وتكثر بـلاويـك
. وأمك تشـق الجيب من عظم بلـــواك
وإلى مت جعلك في جهنم تصـاليـك
. نار الجحيم ونار دنياك تصـــــلاك
الله يكـره فـيك حـتى دوانيــك
. غشـاش خـاين من من الناس داناك
هذه النهايـة روح والله يجازيــك
. أمسـك ويومـك عنهم الغد يجـزاك
اخوكم / نديم حائل
رد مع اقتباس
المفضلات