بدويه

[نــديـم حــائـل]

( بــــــــدويـــــــــه )

ايـه بـدويه ريحـتـي بـن وبهـار..........هـذا شرف مـاهـو بحـقـي خطـيـه

انـا بدويه بـنـت حـر من احرار..........فـزعـاتـربـعـي بـالـشـدايـد قـويــه

انـا هـلي يـابـنـت وافين الاشبار..........كانك جهلـتـي من انـا يـاغـبـيـه

ياجاهله ماتغدي الشمس الانوار.......حنا كما شمس على الارض ضيه

حـنا هـل الـطـولات هـيبه ومقدار..........حـنا خـوي مـا يـخـلـي خـويــه

الذيب يوم انه عوا وسط الاسحار.........عشوه ربعي مـن سنـيـن مديـه

يـوم ان جدك وثق القفل بالـدار.........بيت الشعر مفتوح صبح وعشـيـه

للضيف ريـف وللمعـاديـن جـبـار............ نـرد الـحياض ولانهاب الـمنـيـه

يابنت لو بكتب من اشعار واشعار...........تعجز معاني حروفي الابجديه

اللـعـب خـلي لعـيـال شــطـار........لاتـدخـلـيـن الـسـيـل ونـتـي نـديـه




الشاعره/مها الشمري

[بشير اللويش]

اخي العزيز


نديم الليل


قصيده رائعه

سبق وان صفقنا لها في احد المجلات


ولكن الجميل والنادر يبقى نادر كالذهب


سلم بنانك لنقلها

وصح لسان اختنا مها الشمري

ام نواف


شكرا لك مره ثانيه

ولاتحرمنا الابداع

تقبل تحيات اخوك الصغير

الراسي

[نــديـم حــائـل]

اخوي بشير اللويش

شكلك مشبه انا نديم حائل مهو نديم الليل(الله يهديك بس)

وبعدين ما اسمها ام نواف انت غلطان هذي اسمها مها الشمري وبس

وتر اسمه مستعار يعني مهو الحقيقي

واتمنى انك تركز زين مره ثانيه


والف شكر لك على الرد والتواصل الجيد


اخوكم / نديم حائل

[عبدالله المهيني]

اخوي نديم حائل
اولاً مشكور على هالنقله
والله يعطيك العافية

ثانياً الشاعرة مها الشمري هي نفسها اللي يقصدها اخوي بشير هي ام نواف
ولها قصيدة بولدها نواف وقصيدة مشهوره نشرها اخوي الشاعر الكبير طلال العبدالعزيز الرشيد بمجلة فواصل العام الماضي ولا يحضرني رقم العدد
وكذلك انا بحثت عن قصيدة الشاعرة مها الشمري ام نواف بولدها نواف قبل اكتب ردي هذا بين اوراق القصائدة الموجودة عندي ولكن لاسف لم اجدها

ولتنويه احببت ان اذكر لكم كلام هذا
وكما قلت لك بالبداية الزعل مرفوع ... والرزق عند اللي خلقنا

أخوك / المهيني