مبرووك تأهل الهلال( مدمج)

[الاصمعي]

السلام عليكم

وشلونكم يالرياضيين

أنتم شفتوا الي أنا شفت أو لا؟

الهلال الثنياني رجع

مبطي عن متابعة الكرة ما غير اعرف النتايج عرضا من الي حولي!

الي تابعت الهلالي واستحضرت هلاليتي المجمدة منذ مبطي واستمتعت بشكل

اليوم شفت الثنيان مقسم بين العابد والفريدي
وشفت عبدالرحمن اليوسف والمصيبيح بصورة الشلهوب
وشفت النعيمة بصورة المرشدي

وشفت كل نجوم التميز الي مروا الهلال بهولاء الكوكبة من شباب الهلال المميزين بجد

فعلاً اذا حضر الهلال استمتع بالكورة ويا عوين الي يطيح بوجهه

كنت أتمنى النصر ضحية الهلال اليوم بس وين يغدي درب الذيب على الدزليب ههههه

شكلي صبتهم عين والنتيجة بعد 2:0 صارت تعادل بس عندي ثقة بفوز الأزرق ولذلك أبنشر الموضوع

باركوا للهلال وهارد لك الأهلي <<كنت ريحاً ولكن أين تذهب عن اعصار الأزرق

تحياتي

[راعي الوقيد]

انا شفت ماجد وهو يسدّح بالنعيمة وحسين البيشي ويفرشهم سرى ابورفسه

يو شفت مالك معاذ وهو يسدّح بالمرشدي واسامه هوساوي

وشفت يوسف خميس وفهد الهريفي يوم شفت تيسير الجاسم ومحمد مسعد

بدري عليكم يابوخالد !!

قال الثنيان قال!!

[راعي الوقيد]

الف مبروك الفوز للهلالية

بعد ان كان الأهلي قاب قوسين او ادنى من الفوز

بفضل الله ثم بفضل الحارس حسن العتيبي

يعني بكل روح رياضية

[الاصمعي]

أفيييييييه علي نفس أتابع الركلات وبالي مع هالموضوع يا ترى وشلون تكون الردود

مبروك ألف مبروك للهلالين هذا الفوز والمستوى المذهل

تحياتي

[راعي الوقيد]

الصراحة كنت معد الموضوع بعد ان ضيع الهلال ركلتي ترجيح

وحطيت التهنئة للأهلي بالفوز ؛ لكن الظاهر شكلي صكيتهم عين

يعني انا واحد من اسباب فوز الهلال بعد الله سبحانه

عادي انا وابوخالد واحد

[بسمة العز]

مبروك التأهل..

شكرآ الاصمعي.. شكرآ راعي الوقيد..

معليش دمجتهم لانهم بنفس المعنى

منور الريـآضي الاصمعي والله يبارك بالهلال اللي جـآبك لنـآ..
رآعي الوقيد الله يسـآمحك مو نـآقصين عين هههههههههههه


احتراامي لكم

[راعي الوقيد]

يالله هاردلتس بسمة

والمعذرة على العين الطائشة

[بسمة العز]

ههههههههههههههههه

حسبي الله على ابليسك وعلى عيونك

[الاصمعي]

الثنيان حطوه بالعنوان ولا بمشي زعلان
لا هنتو جميعاً وشكرا يا بسمة على دمج الموضوعين وعلى جهودك بالرياضي

ويسمح لي ابو سمي ابي حلقه بما انه نصراوي ولو انه مهي راكبه عليه النصراوية بس أمر الله وراضين به هههههه<<صار مرض بعيد عنه الشر

المهم استلم:
يابو سمي لا قلت ماجد وماجد**وش غير ماجد من سنة صفر للآن
ولا الهلال نجوم وابطال واجد**ماهو بواقف عالنعيمة وثنيان
ولا سامي ونواف هاك الأماجد**ولا الدعيع مع فهد والغشيان
ضوه يشعلل يوم نصّور هاجد**زعيم في كل المواسم والأزمان

نصّور: النصر بعد التدليع
فهد: المصيبيح

ذبحكم التغني بماجد كنكم بني تغلب مع عمرو بن كلثوم ، وماجد كان له رعاية خاصة وممنوع الاحتكاك به وأي واحد يقرب له بمسافة متر يحط عليه بلنتي ويطرد

والأندية كل عام وله نجوم جدد وشعارهم ((اذا مات منا سيد قام سيد**قؤول لما قال الرجال فعول))

[جمران]

الله اكبر


كم انت كبير ياحسن العتيبي



مبروك الهلال وهارد لك اهلي