هذا طال عمركم قصتي مع المنتدى اول ماجيت وانا اسجل بااسمي اللي هو مدربي راسه طلبوا على حسن سيره وسلوك جبت حسن السيره من العمده والسلوك اخذتها من جارتنا ام عبيد
قلت طلبوهن على قالت وش يبون بالسلوك تقول انا مسجله ماطلبوا على شى قلت يام عبيد يبون يربطوني تخبرين شمر عاد
قالت خذ يوليدي المهم جبت السلوك وكل الطلبات وانا اجي ابي اسجل قالوا ناقصن اوراق قلت وش باقي
قالوا ملف علاقي مع جبن وميرندا ولفهن بالملف ا لعلاقي وجبهن
المهم رايح وجاي ومراجعات قلت للمشرف ارفع اوراقي وانا اتابعهن المهم بحب الخشوم يرفعهن وزي منتم عارفين دايم اللي يبي يسجل له قرقعه تقل مربوط برجلينه قواطي بيبسي وحطوا التسجيل بالاجازات الرسميه لان شمر اللي نيم واللي يذبح شيطان واللي طالع للبر المهم مراجعات بالمعامله وكل مااسال موظف يقول حنا نتصل عليك المهم مرابط عند الايميل ويجيني اشعار من المتدى ومن امس وانا جارن الماووس ومفرهد على الوصله
ولا يقول نشط العضويه وشلون ماادري؟
قلت ياولد ماتبي نشدت مطوع ننزل الصفحه ونرفعها ننزل الصفحه ونرفعها تنشط العضويه
المهم تنشطت واجي واسجل بااسمي اللي هو مدربي راسه والرقم السري رقم فانيلتي اتحدى ابن ابوه يعرف الرقم
ولا منه من امس المشرف العام يرحب ويهلي ويحلف على العشا
قلت بالعاده اللي يدخل على ناس يسلم ويعرف بنفسه قلت خلن اشغل من مكاني اللي هو تحت مع الاسماء بس فيه مشكله نبي الخريطه الحين
لازم الخريطه علشان مانضيع قلت ياولد ماتبي كلام اخبر
بسطة تحت الرسائل الخاصه يمكن القى خريطه للمضايف وعاد انتم تعرفون الاستغلال ولعنته استغلوني يبونها بكيس سكر وكيس رز قلت غالي بس ابي اشوفه(نبي نحفظه وعلى البركه نمشي)
قلت للبياعه غاليه الخريطه
قالت زين ظف يور فيس(للعرب ظف وجهك) المهم حفظت خط السير واشغل الدتسن وامسك الغربي وامشي 3000 كم /ساعه واناظر البنزين نص قلت نوقف عند اول محطه اخبر مهراس يوم يقص لنا قصة حياته ذكر لنا ان حشروه اربعه متعافين عند محطه مضيف الاعلانات قلت بس نشيك على مدربي راسه هناك وامسك الغربي ومن السرعه يالله اوقف بيديني ورجليني نامن على البريك واصفط بمضيف الاعلانات واشيك على مدربي راسه ويطلع الحساب 7 ردرود على موضوع تافه قلت بس انتم ارخص اخبر للتر ب4 ردود على موضوع مش حالك المهم ردينا باللي العالم هابتن به
لله درك ....رائع.....كم يسرني رؤية زخات مطركم.... احساس مرهف ومتشقق ومتبعج..... ودام عاطئكم...انتظر جديد بفارغ الصبر...وتعرفون الاخوان وترتيبهم ولا البنات والله ياللي يكتب مو الكي بورد لا والله القلب وانا اخوك ربعنا مايثبتون عند الشدائد مالكم بالطويله طلعت من مضيف الاعلانات والقى واحد يااشر على اول المضيف قلت يونسنا بالطريق ركبت الرجال ونمسك الغربي واابو الشباب قصة حياته خلصها بدقيتين المهم احلى مابنا انا وياه كل واحد يدري بالثاني يكذب ومبسوطين ونجي دون مضيف الاقتراحات والشكاوي ونلقى نقطة تفتيش خويي قام يهتز مدري وش بلاه المهم ونلقى جندي اول مو شايفن من الارض شين (يمكن سين )
الجندي: اثباتاتكم
مدربي راسه: (بخرعه) ابشر طال عمرك
نهاش: معي شهادة ثاني متوسط تنفع اثبات وليلي بعد
الجندي : حول يبوك حول سالفتك طويله
مدربي راسه: (برجوله) سعودي يبن الحلال انا حاظرن تمايمه بالاماره(والله من الصدق)
الجندي:اصفطوا اقول اصفطوا ياابو اماره انت
صفطنا ونزلونا ونجي مضيف الاقتراحات والشكاوي ولا 7 او هم 9 جنود من الخرعه عجزت اعدهم وسلمت عليهم ويقهوووننا وعلوم رجال ويوم عرفوا مشكلتنا عرفوا وسحبوا كاسة الشاهي وانا ماكملته وقالوا قم اوقف على الجدار
خويي طلعت قضيته تافلن بوجه المحافظ المهم كلبشوه وحطوه بالتوقيف وهذا العلم به
وضربتن الحميا واقولهم الخوي بالذمه يالربع خويي نهاشوه وويلوووه
قالوا اطلع من السالفه لانحط قضيتك شاتمن المحافظ بقلبك قلت اطلع بس شوفو لي واحدن يبي كفاله ونمشي قالوا تم
هذا سوداني عندنا داعمن شبك ارامكو ويبي كفيل ونخبره من العام نقوله جاك كفيل ومن الكسل مايرد للحين اذا رد حظك قلنا صار كلموه وماتغير للحين ساكت(مبسوط السوداني على الاكل وكمونيه وفول)
قلنا نكمل المشوار ونمر ميف الارشيف ومن جنبه بـــــــــــــــف(مسرع) تقل درايفر مسرع مابعينه القطره
والللوحه تقول المضيف الرياضي 15 كم و3 ردود قلنا قريب قريب وتنطلع للرياضي ولا فه مباراة بين فلة حجاج ومضيف الشعر
فلة حجاج على يمين الساده الدردشون ومعهم فصفص ولعيبة الشعر على يسار الساده الدردشون ولعيبة الشعر معهم قنى مانيتهم الشر بس تعودوا على الكسرؤ والمهاوش
المهم فصفصص وانا اصفط بجنب جماهير فلة حجاج وانا افل حجاجي واجلس عليه تخبرون عاد انتم الملعب ترابي
وادربي راسي حتى النتيجه مدري كم ولا ازيدكم من الشعر بيت شعار فلة حجاج به كل الالوان تقل جوكر
المهم تخبرون انتم المسافر ماوده يقعد وانا ادربي راسي وبــــــــف(صوت سياره مسرعه) ومضيف الفنون والتصميم ومضيف الكمبيوتر والانترنت مطب
وتقطع الساره بانزين (ولا تبون الصدق والعلم اللي يجمد على الشارب وقفت دون مضيف المراه والاسره ب 2 كم وكبيت البنزين) عذر نبي نحتاج مضيف المراه والاسره واوقف واشر ولا هذي قرينات فوفو على الوايت واشر وتعيي توقف وانا اوقف بنص الشارع وتوقف غصب واقول يابنت الاجواد انا ابن السبيل اللي تدرسونه بالمدارس قالت مامن غير تلوح فوق عند التبن قلت العوض ولا القطيعه وكني ابو الحروف من امس يانا فوق ونزلت دون المضارب وادور خيمه مفرروشه ولا بيت شعر قالوا مامن الا محارش ينفعك (ياجملي الفزعه) قال ابشر بعزك
الوكاد دور محارش مالقى شقه مشقوقه هنا قال تبي سويت قلت ماهي مشكله سويت(بيت شعر برفه وشق ومحرم و 4 دلال بغداديات) قلت تم اهم شى نشم ريحة المراه والاسره
والله لايوريك ماشفت الزول كل هكالليله بالبلكونه(الشق ياربعنا) مافرحت جاء الصبح وين الفطور الا مهراس مضبط ذيك الطبخه شكشوكه اللي واللي يسلم روسكم تجيب عشى قبل امس اول مره اسمع صوت معدتي تقول تكفى طالبتك يامدربي راسه قلت ليه اخبره خوش طباخ قلت يسلم راسك مشينا على الريق واجي سيارتي ولا على الطابوق(مشلحه الكفرات) قلت ندقه رجلي لمضيف الطبي وندخل نبي فزعة الربع اخبر شمر يجون من اقصاهم بالفزعه وادخل الطبي ولا الدكتور لابس ترنق ازرق كامل الفنيله مع السروال(صروال عبيد) وملطخ زيت قلت العلم قال العلم بحر
سوينا مستوصف وشمر ربعك ماينفع بهم المرض مايمرضون لعنبو ابليسهم قلنا نقلبه بنشر وغيار زيوت ابرك
قلت والحلا نبي كفرات ام 60 ريال الصينييات اللي من شركة مش حالك
خذيتهن ورجعت للسياره وركبتهن (لحالي ركبتهن) وادعس الين وصلت مضيف الخواطر
ويخوي انا والسياره سحنا هواء بارد ورود وشجر على مدخل المضيف ومكتوب تفضل حديقة العشاق وبجنبه مكتوب ناجر حبايب
قلت اووووووه لو انا فاضي لااجلس لكم جلسه
قالت السياره هذا مكاني تجلس غصب
قلت هذا اللي ناقص مستعجل
ولا يمر البدر الساهر ويطلع شريطي يستغل الظروف ونشف ريقي على سيارتي اللي هي مدربي راسه
قلت توي فاكه جديد مامشى ولا موضوع حتى رد مافيه لنق جديد
قال تبادل وهو خربان راس براس
قلت موافق بس لو تعطيني كم موضوع فوقه ولا كم رد وتستاهله
قال تم فيه موضوع ترحيبي كاتبه بنفسي من السنين تراه لك
وانا ابادله واخذ البدر الساهر ونتعدى لمضيف الترحيب والتعارف اللي هو وجهتي الاصليه
قلنا نروح لفة حجاج ونوظبه ونرجع ونكتب ترحيب بمضيف التراحيب
وادخل مضيف فلة حجاج ولا هذا مهراس كبير الراس
قلت ارحوا العيال هذا طباخنا وش جابه هنا(طلع مصري كل شين يشتغله)
سالته وش جابك هنيا
قال : الحياة صعبه وعندي 9 عيال وامهم واشتغل بعد الظهر مصبغجي ونعرف بالتوظيب قلت انت يبي لك جرد بس وظب وظب وانا استر عليك من الجوزات
واطب مالكم بالطويله على مضيف الترحيب
وانا اركز(بتسكين الصاد وشو صاده بتسكين اخر حرف) راسي بالقاع وافتر عليه الين نزلت حسي( مثل اللي تحسونه انتم)
(ان شاء الله افيد واستفيد وتستفيدون من رحلتي)
مخرج: هذي رحلتي حل وترحال****رحلة مدربي راسه بمضايق شمر
مع تحيات ماجلان شمر
رد مع اقتباس
ولا بعد جالس يدربي راسه ويحك سره
المفضلات