زعلان ومستانس!

[الونش]

على قولت الجباري

ضايق ومستانس ورايق وطفشان ... تجمعت بي كلبوها بساعه

هلا بالاصمعي ومواضيعه الشيقه
الظاهر انه متفشيه ماهو بس بالمراهقين ألا تسان صرت انا منهم

قبل فتره قصيره ضرب الامبير معي ودلي أخابط وأزابد وهاوش الوغدان ياما بغت تطلع عروقي من نفوخي >> يتهاوشون على القيم بوي الوكاد خليتهم مايسوون تيس أربد , ألا يوم دق الجوال بمخباي واطلعوه ليامار هذا واحدن غالين عندي بالحيل شرواك وأنا أشبك معوه يالله حيوه ياهلا وغلا ومسهلا ومن هالتراحيب والحجاج يضحك .. زبدة السالفه يوم لقيتهم ظهري ليامار يضحكون علي واسمع حديهم يقول أستغفر الله الظاهر انوه ناقدن علي


أما اذا أخذناها كحاله عامه عند الشباب والمراهقين ففعلا هم كثيرون على هذه الحاله وأكثر الشباب المراهق القريب منك كل ماتنشده عن حاله قالك والله اني طفشان وزهقان وملل واليا أقفى ولقى حدا خوياه تلقاوه يضاحك الهوا
وأعتقد انها حاله في عمر معين وتزول لان في هذا العمر تلقى حتى تفكيره غير وانتقاداته للي حوله واجد وتلقاه متسلطن على اخوانه اللي أدون منه ولاهو عاجبه شين أبد لا العيشه ولابيشه فهو متقلب المزاج ويبيلك تصكر عليه بالمزلاج لين النور ينباج ثمن تسرحه بالنعاج أما يعتدل وألا زاد انعواج


غدي أم الصناديق عندها شرحن وافي واكيد انه كافي

[بالمختصر..]

^
^



ما عقب ردك كلام ..

أتوقع " تقلب مزاج " .. و هالحاله أحس إنه عندنا يـ البنات أكثر ..




.
.

[الونش]

^
^

عاد هذا يعتمد على الصناديق اللي بروسكن تسانهي كله مفتحه وكاد ماتقدرن تحكًمن بهالمزاج تلقينوه يتقمز من صندوق بصندوق


-

[راعي الوقيد]

خليتهم مايسوون تيس أربد

قصدك هيس اربد

خوش شرح يالونش

بارك الله فيك يالعزوة

[الاصمعي]

يا هلا وغلا حي هالطلبة

مرحبتين خيو

هلا بريحة هلي

على قولت الجباري

ضايق ومستانس ورايق وطفشان ... تجمعت بي كلبوها بساعه

اسم الله ما خلو شي هالشعار وانا احسب محد سبقني عليها بس ترى أن جبتها بترتيب أحسن من ابن عمك

هلا بالاصمعي ومواضيعه الشيقه

الظاهر انه متفشيه ماهو بس بالمراهقين ألا تسان صرت انا منهم

قبل فتره قصيره ضرب الامبير معي ودلي أخابط وأزابد وهاوش الوغدان ياما بغت تطلع عروقي من نفوخي >> يتهاوشون على القيم بوي الوكاد خليتهم مايسوون تيس أربد , ألا يوم دق الجوال بمخباي واطلعوه ليامار هذا واحدن غالين عندي بالحيل شرواك وأنا أشبك معوه يالله حيوه ياهلا وغلا ومسهلا ومن هالتراحيب والحجاج يضحك .. زبدة السالفه يوم لقيتهم ظهري ليامار يضحكون علي واسمع حديهم يقول أستغفر الله الظاهر انوه ناقدن علي

أما اذا أخذناها كحاله عامه عند الشباب والمراهقين ففعلا هم كثيرون على هذه الحاله وأكثر الشباب المراهق القريب منك كل ماتنشده عن حاله قالك والله اني طفشان وزهقان وملل واليا أقفى ولقى حدا خوياه تلقاوه يضاحك الهوا
وأعتقد انها حاله في عمر معين وتزول لان في هذا العمر تلقى حتى تفكيره غير وانتقاداته للي حوله واجد وتلقاه متسلطن على اخوانه اللي أدون منه ولاهو عاجبه شين أبد لا العيشه ولابيشه فهو متقلب المزاج ويبيلك تصكر عليه بالمزلاج لين النور ينباج ثمن تسرحه بالنعاج أما يعتدل وألا زاد انعواج

غدي أم الصناديق عندها شرحن وافي واكيد انه كافي

ههههههههه

أجل منتفخ ويتطاير من عيونك الشرار ويوم جاك هالتلفون فشيت على طول<<ألا أكيد الي جاك تلفون هههههههه

سالفة انه أشبه بالحالة العامة بين المراهقين ممكن والله بس ليه مدة هالبوز وانت مدلعة ومنغنغة ويا دهينه لا تنكتين ولا ورى هلي يضاحكهم هوا الا قصايد صبح

طيب واذا هالآدمي مهو بعيد عن الفيضة؟؟

لاهنت على هالتصبيحة الي تشرح النفس يابو خالد وولم نفسك لفيضة خريم

تحياتي

[الاصمعي]

يا هلا بالمختصر حياك الله

^

^



ما عقب ردك كلام ..

أتوقع " تقلب مزاج " .. و هالحاله أحس إنه عندنا يـ البنات أكثر ..




.

.

أهاااااا عندكن أكثر

طيب وش اسبابه؟

تحياتي

[الاصمعي]

^

^

عاد هذا يعتمد على الصناديق اللي بروسكن تسانهي كله مفتحه وكاد ماتقدرن تحكًمن بهالمزاج تلقينوه يتقمز من صندوق بصندوق



-

هههههههههه

أجل توافقن الراي ان السالفة ممكن تكون متعلقة بالصناديدز!

عاد راعية الصناديز الله العالم معروجن به

تحياتي

[الاصمعي]

قصدك هيس اربد

خوش شرح يالونش

بارك الله فيك يالعزوة

حيى الله ابو سمي

المسألة فيها قولان

لا هنت على مداخلاتك الحلوة

تحياتي

[طلال]

والله شوف يابو خالد هذي اشوفه انه حاله ذكيه و قويه عند الشخص

احس ان الانسان اللي يعين حاله معينه لـ شخص " ما " و يقلب مزاجه لـ شخص " ما "

هذا يمتلك مهاره نفسيه عميقه

بـ حيث انه عندهـ القدرهـ على تعيين الحاله المناسبه لـ كل شخص ..!

ياليت نقدر نتحكم كذا

ياخي لا قفلت معي ، تلطمت كل اليوم خخخخ

بودي ما اقفله بـ وجه اللي ماله ذنب ، بس الطنيه لا جت .. جت

وفيه ناس الحاله هذي مرض معهم : تلاقيه كل فترهـ بـ مزاج لـ نفس الشخص اللي كان معه

مرهـ يضحك معك و مرهـ مكتّم ؟

هذا عنده مشاكل مشاعر : محروم من شيء يبيه وجدانياً ولا يقدر يبوح .

وششـ رايك بي ؟! وانا مسوي دكتور نفسي

زين ولا من جنب القده يمين ؟!

مشكور ابو خالد من افضل المواضيع اللي قريتهم في الانترنت

..

[الونش]

قصدك هيس اربد

خوش شرح يالونش

بارك الله فيك يالعزوة

ياحليل ساهر عندك
حيا الله ابو فيصل


لا أنا قصدي تيسن أربد

أما الهيس الاربد فهو الاسد المنطوي فلما أكون ضايق وزعلان ماراح أشبهه بالأسد راح أشبهه بأقل منه ألا وهو التيس الأربد >>> يدور مخرج من ساهر