بيوم من الايام كانوا الماما والبابا مسافرين لخيتو
وبتجلس عندها امي كم يوم لانها تعبانه
وانا صرت وليه البيت<وعزيلهم
بما اني اكبر اخواتي المتبقيات وفي يوم قمت
الصبح مع اخواني و خواتي عشان يروحون لمدارسهم
واناماداومت يعنني الكبيره اغيب ابسنع البيت
الموهم ودعت خواتي عند الباب
وطقيت دريشه الباص على السواق ووصيته عليهن
وقالي على شحم وانقلعي داخل
وكنت قلت لاخواتي قبل تروحن طلعن الدجاجه
من الثلاجه عشان اسوي الغداء لاقعدت وبعد ماقمت
الظهر يعنني راعيه بيت وغسلت ورحت للمطبخ
بسوي الغداء الا مافي دجاجه وانا اذكر خواتي
طلعنه واحوس بالمطبخ حتى دورت بالدروج قلت
يمكن طارت ونشبت بالدرج وابد مالقيت شي وانا اطلع
غيره واسوي وبعد ماخلصت طلعت لحوشنا
اتشمس بالمشراقه<لازم اقلد امي بكل شي
وانا جالسه بالحوش اتأمل الورد<ترو تسذب مابحوشهم ورد
الا اشوف الدجاجه الي مضيعه وكانت مفتوح الكيس
عنه وماكول نصه وانا اتهول من اللي ماكله قلت
اخافهم جن ساكنين معنا
وانا انخرش وانحاش داخل
بلامشراقه بلاورد<ياناس تسذب ماعندهم ورد
وكل يوم على هالحاله لاطلعنا دجاجه انسرقت
وبعد هالسالفه باسبوع تقريبا وكنا جالسات انا وخواتي
عند التلفزيون الااكالشين اللي جاء طاير من الصاله
ويركض لبرا رحنا ركض بنشوف يمار اكاالبسه اللي
منا كبره تقل نمر عاضتن له دجاجه بكيسه وتركض
منحاشه للحوش وحنا نطير وراه وتسحتي
هنوووووووو هااااااااتي دجاجتنا وقفي يالسروق
وهي ركض وحنا وراه نجلغفه وهي تلتفت لنا قالت خذن دجاجتكن ياهالعفون
مالت عليكن وعلى اللي يطب بيتكم وهي تتركه وتنحاش
قلت انزلعي لهابو من انتي بنتن لوه سارقتن دجاجه كامله
وقضيتي دجاجنا والدجاج غااالي هالايام
يخب عليتس كم فار على كم جرذي ياهالعنز<وش دخل العنز المسكينه
واشوى وهي تترك الدجاجه وحنا ناخذه
ونعطيها بسه ثانيه<الله من النذاله
وعقب قمنا لاطلعنا دجاجه نحط عليها كل القدور والصحون
اللي بالمطبخ ندسه عنها
ونسكر البيبان والدرايش
اللي مستغربه منه وشلون تجرات تدخل دايم نشوف
البساسه بالشوارع ولايدخلن البيوت بس شكلها
طمعت بي يوم شافتن بالبيت لحالي
رد مع اقتباس
المشاركة الأصلية كتبت بواسطة هنـ alqadi ــد
المفضلات