صينية الرز بالدجاج والبطاطس

[بعد ملي]

صينيه رز خطيييره ولذييييذه وبتعجب الكل



دجاجه
كاسين ونص رز مغسول ومنقوع
جزرتين وسط مبشورات
بطاطستين
ملفوف مقطع طوال شوي
بهارات
ملح
فلفل احمر مطحون
بصل مقطع جوانح ومقلي



اطبخي الدجاجه لما تستوي مع بصل وملح وحبحر>>يعني فلفل حار
بعدين طلعي الدجاجه وخليها على جنب
وصفي المرق واضيفي الرز المنقوع بعد ماتصفينه للمرق
وخليه لما يستوي استواء كامل
والحين نجي للشغل اللي عليه الكلام
قومي شيلي الجلد والعظم من الدجاج وقطعيه بس لايكون صغار يكون وسط احسن
ثم قومي قطعي بصل جوانح وقلبيه على النار الى ان يتغير لونه
ثم اضيفي له الملفووووف وخليه عالنار وقلبيه>>انا خليته تقريبا 10 دقايق على نار هاديه



الى ان تطلع ريحته ويذبل





ثم اضيفي الدجاج وبهارات وملح وفلفل احمر وطفي عن النار واضيفي الجزر




وتكونين مقطعه البطاطس على شكل مثلثات رفيعه>>زي ماراح تشوفونه في الصوره
وقاليته في الزييت



ثم الحيين نبداء في الشغل
نجيب صينيه ونحط اول طبقه الرز




ثم الطبقه الثانيه البطاطا المقليه...





جا دور الدجاج...





وخلصنا بقي التقديم بس اذا كانت صينيتك بارده دخليها الفرن تحمى
ثم قومي قطعي بصل جوانح واقليه في الزيت ثم حطيه فوق الصينيه
بس انتبهي لاتضيفي البصل المقلي ثم تدخلي الصينيه الفرن اح يكون البصل رطب وهو حلاته يكون يقرمش
وحطي شوي بقدونس يزينها
او زينيها باي شي تفضلينه



منقوله

[شموخ شمالية]

.
.

هلا ...وغلا ...ومرحبتين



تسلم يديك يالغالية

ماقصرتي ع الطبخة الحلوة




جاري التجربة

[عبدالله المهيني]

انا وش دخلني هنا

ذبحني الجوع على هالفجريات



لا هنتي أختي

[-------]

يسلمووو بعد ملي



جاري التجربة

[هند القاضي]

الشكل مغري ومحرض لتجربه

يسلموووو بعد ملي ونورتِ المطبخ

[الجازي]

بعد ملي

حرام عليتس !!

مابعد تغديت

وشكلي مابي إلا هالصينية

إذا الله كتب وعشت لبكرة السبت بسويها

وإذا سويتها بمحط بصورتها هنا عندك

عاد تساني ماجيت فاعرفي إن الزوالة والرفالة غلبت علي فاستري ماواجهتي

يسلمو يالغلا

بس عاد لاتنقلون من المنتديات

ورونا السنع

حسنوا صورة عجز المضايف شوي

اثبتوا لهم إن الأجيال تختلف عن بعض

وإن اللي كان مستحيل صار ممكن

ولو إن الزوالة مالها ثمن

[إم أسيل]

يابعد ملـي لاهنتي على هالطبخه ...

ويعطيكي العافيه..

ان شاء الله نسويها ونسوي الا حسن منها ..

..,’

[شموخ شمالية]

بس عاد لاتنقلون من المنتديات

ورونا السنع

حسنوا صورة عجز المضايف شوي

اثبتوا لهم إن الأجيال تختلف عن بعض

شـدّي حليك وهاتي لنا من هالطبخات لو من طبخ جيرانكم
بس المهم نبيه يكتب لنا يالمضائفيات


أنتي ماسوّيتي لنا الا اللقيمات ومن بعدها ماشفنا زولتس بهاه

[الجازي]

تدرين اللقيمات هذي وش تعني بالنسبة لي !!؟


أشوفتس حاقرتها !!

اللقيمات هذي اعتبرها أغلى وسام لي في المضايف

بمناسبة مرور عشر سنوات لي في المضايف أو حولها <<< لاتدققين

إنجاز منقطع النظير مو شيء سهل إني أخبص خبيصة وتطلع في النهاية لقيمات

ايه وش يدريتس ياشوشو

أنا من جيل غير جيلتس ما ألومتس

ماعاصرتيني أنا وريومة في السنين الخوالي

لاتخليني أشيل لقيماتي وأروح لمضيف الفصيح أنا وإياهن وأكتب معلقة عصماء في اللقيمات

[لوليتا]

^
^

اكتبي المعلقة
وهاتى اللقيمات
وفي الفصيح نسوي حفلة
ولا يهمك



تسلم يدينك بعد ملي
ان شاء الله اجربها

تشكراات يا قمر


*
*