ياذا الليل ( بوه صور )
تذكرون يوم اقول لكم أن هالسنه
فقر ونقر علي
انا كنت احسب وقتها اني حيل مبالغ في الموضوع
بس ما تأكدت ان كل كلامي كان صحيح الا هالأسبوع
القصه ومافيها
كانت عندي أجازه قبل اسبوعين
وياعله ماعادت من أجازه
أخذت أجازه عشره ايام
ورحت لأهلي في الشرقيه
وقلت بنفسي وش حادك على الشقى والتعب
راس مالها طياره
كلها ساعه ونص وانت في مطار الملك فهد
بدال ماتجلس تشحطط بهالخطوط
وتاخذ لك يوم كامل وانت تجلد بسيارتك
هذا غير أن ساهر مو مقصر << الظاهر بسوي لهم استقطاع شهري من راتبي وأريح مخي
والله واجلس افحط اسبوع كامل عشان القى لي حجز
ومالقيت الا درجه اولى
قلت يارجال الفلوس تروح وتجي
اشتر راحتك بس
والله واحجز رايح جاي
وكل الامور لحد الحين تمام
رحت الشرقيه وفليت امها هناك
طلعات بر وتمشي وفله
عاد وقتها الجو كان خوقااااق
امطار وخيرات
المهم
انتهت الأجازه وقفلت ام الأخلاق
دوام وديره تجيب الهم
بالعربي
قرررف
وصلت الطايف ( فيس واحد يطرش)
وأستقبلني واحد من اخوياي
كنت موقف سيارتي عند بيته
سلمت عليه
ورد السلام بصوت واطي ومنزل راسه
قلت له
وش فيك عسى ماشر ليكون فيه شي
قال لا والله
بس مانمت زين
ركبنا سيارته
ووجهه قالب ألوان
قسم بالله تشوف الوان الطيف بوجهه
وحنا نمشي رايحين لبيته عشان اخذ سيارتي واروح لشقتي
قال أحمد بقول لك موضوع
انا قمطت العافيه وقتها
وقلت بنفسي الله يستر ليكون فيه مصيبه
قال
اليوم الصباح يوم صحيت من النوم
لقيت سيارتك موقفه على طابوق
انا جلست اضحك
لاني خابر سوالفه والمناكح اللي دايم يسويها في الزقرت
قال ترى من جد اكلمك
قلت سق سق وانت ساكت
تراني ماني فاضي لك وراي دوام الصباح
وماكل هوى لي يومين مانمت زين
سكت وكمل طريقه
شوي
الا نوصل البيت حقه
واطالع
الا هذي سيارتي
وموقفه على طابوق
وافرك عيوني
واطالع الا من جد الدعوه
واعض نفسي قلت يمكن أني احلم
الا
نفس المشهد ماتغير
والله ونوقف
واحاول انزل من السياره
الا ماقدرت
احس اني وقتها تحرووولت
طالعت فيها شوي
وانا مادري انا بحلم ولا علم
واجي اقرب منها
وذابحه أم أمي الغبنه
مادريت عن نفسي
الا مطلع الجوال واجلس اصور
قال خويي
امش اقلط القهوه والمه
والله واجلس اتقهوى
واعين من الله خير
واحس اني هديت شوي
وقلت الحمد لله انها بس جت على كذا
ولا لو هي مسروقه بكبرها
ولا طايحه على بطنها
كان هذا القهر بعينه وعلمه
للشماته
أنزل تحت
ريال
تكتب جنب موضوعي مزمزه
أمصع رقبتك
رد مع اقتباس
المشاركة الأصلية كتبت بواسطة جمران
المفضلات