كنت بالصف الرابع داعسسسه منحاشه من استاذتي
ابوالهول ورحت للبرادات بالحوش واشرب ماء
يمار في بنت مثل زولي ومثل صوابري
وبالضببط نفس طفحت الشوشه والقرينات
وواقفه بجنب البراده ومفهيه وانا اشرب ماء واقزه بطرف عيني حسيت اني اراعي لروحي بالمرآه
فجأه سمعنا صراخ ابو الهول
شمعوووووووه/شرهووووووووه
وحنا نفرك له وهي ورانا وتسحتي وتسحتي مع الاسياب يمار ابد ورااااانا
مع انها سمينه بس ماشاالله تقل فشــقه
وآخرته اندبلت تسبودنا وحنا نلقى الباب اللي برااا
مفتوح وهي تنظر لي شرهه نظره شيطانيه وانا ابادلها النظره يعني ايه فهمت
وحنا سيدة بالشارع واشوى ماكان الحارس موجود وركض وركض يما ابعدنا وكان بيتي اقرب شي للمدرسه وانا اعزمها على بقالتناونشتري بريال نفيش ورده وبريال عصير ابو نص هذاك اللي غطاه قصدير
وانا ابدي لها اعجابي واني حبيتها من اول نظره وحسيت انها بنتن نعومهوانها هي بعد حبتني من يوم شافت قروني طايرات وراي وحست اني فتاه رقيقه
<ايه حيل نعومه ورقيقه
الوكاد اني وديتها لبيتنا وامي يوم شافتن طالعه قبل طلعه الناس خانقتن بس قلت لايمه هذي تقرب للمديره وتوسطت لي اطلع معه اونسه وامي يوم قلت تقرب للمديره وهي تخمه وتدورر به<تمصلح عشان ينجحون بنته الكمخه اللي هي وبكل تواضع انا
ومرررت السنين والايام وكثرت جلغفه ابوالهول لشرهه وشمعه
كل يوم نلعب حبشه بين الاسيااب مع استاذتنا
كل يوم منحاشات من الفصل
وكالعاده نمر من عند البراده نعبي بنزين<اقصد ماء
ونكمل اللحق والملاحق وكالعاده عقاب الاستاذه لامسكتنا تلوي اذن كل وحده يما تطق
حتى صارت اذاننا مثل ابا اذان منا طوله واللحين نعاني من طول الاذان حتى اننا نحط بهن شباصات وربطات
ولابغينا نلبس العبايه والطرحه نسفطهن ونقضبهن بمشبك حق ملابس الغسيل
واشوى طلعنا من الابتدائي وصرنا حريم وبناتن مصلحات بس اذاننا طوال
و بعد سنين واجهنا استاذتنا بالصدفة وحنا نسلم عليها وهي تقعد تشكي
منا يوم حنا عندهاوقلنا له اصلا حنا قصدنا شريف نبي نسوي لتس رياضه عشان تنحفين مثل ماتسوين لاذاننا تمارين كل يوم<لوهي سالمتن من هالرياضه بس
يالمدرسين والمدرسات تكفــــــــون لاتجرون اذان الطلاب
بكرى يكثرون اشباه "ابا اذان" بالشعب السعودي
رد مع اقتباس
المشاركة الأصلية كتبت بواسطة الشهبا
المفضلات