الدكتور طارق بن سنان مدير قسم الاشعه بمستشفى مبارك الكبير بالكويت وقائد الفريق الطبي الكويتي الذي تبنى ودرس اكتشاف : نظرية البرفسور باولو زامبوني ( ccsvi )
لتحرير انسداد الاورده الدمويه لمرضى التصلب العصبي اللويحي الجانبي(MS) ومرضى الضمور الجانبي العضلي ((LS والعمليه بسيطه بتخدير موضعي يوسعون الاورده من الانسداد , ساعدت بعض المرضى بتحسن وضعهم للافضل في بعض الاعراض ومنهم من شفيو , مربط الفرس بالموضوع ان وزارت الصحه الخليجيه وبعض العالم رفضو هالنظريه واودعوه ماتصلح اللي يقول نصب بنصب واللي يقول له اخطار مميته وهذا من الاعلام الغربي اللي منحاز لشركات الادويه العالميه ذالين ان هالنظريه تعالج المرضى ويتركون ادويتهم المسكنه ويفلسون من ملايين الزباين , اما الدكتور طارق راح لبولندا ودرس هالنظريه ورجع وطبق النظريه على المرضى الخليجين والعرب بمستشفى خاص مع رفض وزارات الصحه بهكالوقت
الوكاد حصلي موقف مع هالنشمي ومن باب رد الجمايل عاده لسناعيس قصدت بوه على اثر ذلك
قلت
قال الذي بالقـول ماهـوب حيـران *** يدرى الملامه بالشعـر والقوانيـن
ولا نبتدع شعر(ن)..الا على شان *** لأجل نوثـق مـا وجـد بالميادين
لاقيل منهو قلـت خـوذو بعرفـان *** حسـن صفاتـه الحميـده بتمكيـن
وسلامت روسكمحلو النباء سمح التواضـع بتبيـان *** كريـم للأخـلاق قمـه كريمـيـن
والطب له بالناس فارس وشيطان *** ولا كل من خاض الدراسات وافيـن
لاقيل ابن سنـان مثقـف وفهمان *** حاصل شهادات(ن) وخبره من سنين
وفي قائمه لأبطال سجـل بليهـان *** مضرب مثل اصبح بكـل الدواويـن
واسمه تعـلا بالسمـوات شامـان *** بين النجوم الساطعـات المسميـن
الطارق اللي للبطولـه بنجـزان *** بالطب والنخـوه معـدل موازيـن
يقطع مسافـات(ن) طويـلات الأزمـان *** في مجتمـع امشيـد(ن) بالملاييـن
تبذل ولك بالطب بيـرق وعنـوان *** مجهود ومثابر علـى العـز عزيـن
ياما شهد لك بين صاحي ومرضـان *** وياما مسحتو دمعه(ن)للحزينيـن
ومواقف(ن) بالصبر حكمه تمكـان *** يشهد لكم بالغـرب لنـدن وبرليـن
ارفع لك البيضاء على اشهاد الاعيان*** بانجازكم للفخـر بالـراس والعيـن
عسى على القوه يـاذرب الايمـان *** من العام اهنيكـم واكـرر هنييـن
مني لبن سنـان طـارق كحيـلان *** اجمل سـلام معطـر(ن) بالريحيـن
ومزخرف(ن)مابين لؤلؤ ومرجـان *** ياصلك يانسل الصقـور الشواهيـن
هذا الصحيح وعندي اليوم برهـان *** مـا قـل دل وتاليـه بيـت بيتيـن
عسى لكم ربي حصين(ن)ومزبـان *** صلاه ربي عـد صلـى المصليـن
صلو على الهادي نبي(ن) بالأعلان *** مارفرف الطايـر وغـرد بتلحيـن
رد مع اقتباس
المشاركة الأصلية كتبت بواسطة إبراهيم الشميلي
المفضلات