يامل عيـن لهـا يوميـن زعلانـه
ومن الزعل نومها ماهـي أباغيتـه
من كلمة يوم جتنـي مالهـا خانـه
مدري لها قصد وإلا بـس تفويتـه
ياليت بعض الاوادم يقطـع لسانـه
الخبل يزعجك مير إن جاك وإن جيته
الخبل لاتنشده لو هو عـن اخوانـه
لاتنشد الخبـل ثـم تـدق ساقيتـه
واللي ورى التايهه يغويه شيطانـه
ويجنب اللازمه لو جـات ناصيتـه
لأدناة حاجة يجيك يشيـل محجانـه
أشجع من الكلب عند أطناب راعيته
خله لعـل الكـوارث بيـن حجانـه
ويطيح في واحـد ويفـش عافيتـه
من غرب ماهومن اصحابه وجيرانه
والااقرب الناس طابختـه وشاويتـه
وضعيف النفس لو تعطيـه رمانـه
حطك مثـل واحـد يحييـه ويميتـه
وسلامتكم
رد مع اقتباس
المفضلات