سل خيييييييييير
يعني مساء الخير
بس فيه ناس يقولون سل خيييييييييير
مدري هم يتخكرون مدري ياكلون الحروف مدري وش قصتهم
ادري بطريقي صعب
واتعثر بخطواتي
لكن
عنادي اشد
خل الثمن حياتي
يقولون وش جابرك على المر
قال الامر منه
ايه هين
والله لو يعطونكم زيت خروع تعيفون ارواحكم
هذا سلمكم الله وغدن سبب لي قلق وهبل بي وفضحن عند القاصي والداني
ولد خالتن لي
صغير
هو برفحاء
عمروه حوال 6 سنوات
مرتن من المرات جيتهم برفحاء
يوم شافن
وهو يجي طااااير
شبيثاااااان شبيثااااااااان
وهو يخمن
وانا اخموووه واشيلوه فوووووق
حسيت اني مسجلن هدف للمنتخب
وتقل اسمع صوت جماهير
يااااه
كان شعور غريب
المهم
الوغد هذا مد يدوه علي قال خذ هذولي
وانا اراعي ليدوه ولا ريالات معفطهن ولاااافهن بيدوه
قلت لاااا اعوذ بالله ما بيننا هالسوالف
قال لا يا شبيثان انا مغيبهن لك لين تجي
قلت وانت جايك العلم اني ميتن جوع
ولا جايك اطررك انت وخشمك << خربت العشره
قال لا تكفى خذهن
قلت يالله هاتهن
واحطهن بمخباي بنية اني اخليهن معي واردهن لوه بعدين
وبعد كم يوم كنت جالس عند رجال
ويدخل هالوغد
ويقوم يتلفت
يالربع قرصن قلبي من يوم دخل
حسيت انوه يدورن
يوم شافن
قال شبيثااان وين ريالات اللي خذيتهن مني ![مُتَتَهوِل](images/smilies/a.gif)
وانا اصد اسوي نفسي ما اسمع
قال الشبث وين فلوووسي
قلت ياخوي العن ابوو شكلك وش فلوسوه
قال اللي خذيتهن مني ![مُتَتَهوِل](images/smilies/a.gif)
![مُتَتَهوِل](images/smilies/a.gif)
قلت ياخوي مهو انا اللي ياخذ فلوس الرجاجيل تسمع ولا لا << من الربكه تلخبط ![Smile](images/smilies/smile.gif)
قال ماااني مااااني ابي فلوسي
قلت ايا عل يعجنك يماااني قل امين
اندزلع بعدين اجيبهن لك
ويالله يتدخل المعزب ويفكن من شروه
وتروح الايام
وامر هكا اليوم من قدام بيتهم
واشوف خالتي طالعه من البيت
قلت ابي اسلم عليه وانا ماشي لاني ميتن جوووع ابي ادور لي عيشه
وتمسكن خالتي
والله الا تقهوى
يا خاله مهو وقتوه
قالت الا تقعد
قلت امري لله
شوي وابطلع
والله واجلس بالمجلس
ولا وغده هذا موجود يا عل وجهوه يخفى
ويتدلع بعد
وبين ان خالتي تبي تطلع مستعجله
وتجيب الشاي والقهوه عندي
وتجيب صحن صغير بوه رز وعليه مرق شوووي لوغده
قالت شبيثان الغالي تقهوا وانا ابي اصل البقاله واجيك
قلت براحتس يا خاله << حط عويشة الوغد براسوه ![Smile](images/smilies/smile.gif)
اول ما طلعت
وانا اخذ الصحن منوه
واكل واكل واكل بسرررعه
وهو يصيييييييح الوفد
يممممممممه الشبث كلا عيشتي
يمه شووفيه
اثريه ما راحت بعيد
وهي ترجع
اول ما دخلت علينا وانا ادخل لقمه بحلقوووه واجحر صبعي معه
قمت انغت لهاتوه ابيه ينطرم ![Smile](images/smilies/smile.gif)
قالت خالتي وش بوه هذا يصيح
قلت يا خاله اوكلوه وهو مهو مدانيني
اول ما طلعت صبعي من حلقوه
قال يمه يكذب هو كلا عيشتي
قالت خالتي عيب اسكت << شكله صدقتوه ![Wallah Hoo](images/icons/wallah_hoo.gif)
وانا وانا اطلع من عنده
وما امره ليما يسجل ولده بالحرس ويعينونوه بالحساء ![Smile](images/smilies/smile.gif)
وتقلدوا تحيتي
المفضلات