وقتي القاسي

**سعد الطواله** · 13-09-2002 10:05

اجلس واقوم وصورتك في وسط عيني
وطلب من الله ما تفارقني الصوره
آه..ياوقتي القاسي قل وش تبي فيني
خذ ما تبي بس لا تخليني اسطوره
آه يا عمري الي فات وآهين ياسنيني
كنى قتلت أبو الزمن واركى علي جوره
اذوق انا طعم القهر واحط خدي على ايديني
وقول ابي اسكت ما دام الحال مستوره
ياحبي الاول ولا يا شمعت سنيني
حبي زرعته بقلبي ونتي جذوره
حبيبي يا بعد قلبي ترا طيفك يسليني
وبكتب الشعر فيك لو الابيات مكسووره
ما همني وزن القصيد ولا همني خط الايديني
ولو ما تبى تقرا ترا منتى بمجبوره
بكت عيني ونزف قلبي ويبست معهن شراييني
على وليفً ساكن ورا راس تنوره

وسلامتكم

ارجو ان تحوز على رضاكم لان هذي اول قصيده لي

**الدكتور محمد الشمري** · 13-09-2002 10:27

ما همني وزن القصيد ولا همني خط الايديني

هالشعور الجميل صوره تعبيريه عن مدي حبك لها

الله ينور قلبك ويسعدك مع كل من تحبه

تحية من القلب

**فيصل اللويش** · 13-09-2002 11:35

[c]

الغالي

سعد الطواله

ياهلا ومرحبا بك كأول مصافحه لنا

اخوك 00 فيصل اللويش

[/c]

**ظاهر الزبن** · 13-09-2002 13:59

اخي

سعد

صح لسانك

بدايه جميله

استمر وانا متأكد ان القادم اجمل

تحياتي

**عبدالله المهيني** · 14-09-2002 05:05

ياهلا ومرحبا
شعور جميل تعابير حلوه

والقادم انشاء الله احلى واحلى
واكيد بيكون .. غير

انتظر القادم منك

أخوك / المهيني

**ابو مشاري الشمري** · 14-09-2002 19:17

سعد الطواله
صح السانك ومشاركة رائعة
وننتظر جديدك فلا تحرمنا
أخوك ابو مشاري

**ابو خالد الجربا** · 14-09-2002 19:32

آه..ياوقتي القاسي قل وش تبي فيني
خذ ما تبي بس لا تخليني اسطوره

يازين هذا البيت
وهذا ينم عن انسان بداخل هالبيت قوي

لك الحب كما تحب

اخوكم

**سعد الطواله** · 14-09-2002 22:06

يا هلا والله ومرحبا بجميع من رد على ها البيتين الصغار
واشكركم على ها الردووود الجميله والي تشجعني لكتاب ابيات اخرى

Sawa7Net _ فيصل اللويش _ ظاهر الزبن _ المهيني _
ابو مشاري الشمري _ ابو خالد الجربا

اخوكم سعد الطواله