جآي تمسح دمعتي مسكين مآ عندك خبر
عندما ترى الكبــر في كل مكـآن ... يجبرك خضوعك أن ترفع رأسك للسمـآء
لتجد سيد التوآضع هنـآك ...
ارجو أن تنـآل أحرف هذا الشاعر في ريـآض أعجـآبكم
يا قمر واليوم أزهى وانقضى نصف الشهر
جيت في الموعد على خبري وأنـآ مشتـآق لك
عـآرفك ميت على شعري وانـآ ميت سهر
وأنت عـآرف من تقـآبلنـآ وأنـآ مرتـآح لك
من رحلك والسمـآء بحر ومجـآديفي شعر
أسأل المجهول من خوفي وش اللي صـآر لك..؟
ألتفـآت الضيق في وجه الفرح مـآهو أمر
من سكون الليل بعيوني وفكري سـآيلك
أنت وحدك تعرف أسرآري ولآ آمن بشر
لآ تفـآؤل أنت وحدك بالمثـآل أعـآملك
جيت أشرآقة ظلآم وحلم وامـآل وصور
جيت ملهوف عليه واستحيت أقـآبلك
أتساءل..؟ والبراءه في الحشى تجري نهر
من هو اللي في البشر يا صاحبي يستاهلك
وأنت غالي في عيوني غير يا كوكب طهر
يكفي انك لا تجاهلني ولا اتجاهلك
جـآي تمسح دمعتي مسكين مـآ عندك خبر..؟
مـآ شملني في غيـآبك منطقيـآ شـآملك
تضحك الدنيـآ على حلم الفقير المنتظر
وأنت مـآ تدري وش اللي في الخفـآء يحـآك لك
وتنزل الدمعه على خد الذليل المحتقر
والأمل في وجهك النير ولآني هـآملك
ويش أقول..؟ أن جيت لك مكسور ودي أعتذر
ويش أقول..؟ الناس تحلم انهـآ بتعـآدلك
ناس تتكبر طبيعة وناس تتصنع كبر
وانت ما أشوفك تكبر والدجى يحتاج لك
وانت من حقك تكبر يالضياء المنهمر
نور متوآضع أحسه من حنان اناملك
ايه نؤمن بالتوآضع والحقيقه يا قمر
ما بقي في الأرض متوآضع سوى تعـآملك
تبهر الدنيا بنورك الصحاري والبحر
عالي(ن) كن السحاب اللي بكفه شايلك
يا هدوء الليل ما زاده ضياك إلآ سحر
يا بياض الصبح كنه مرغم(ن) ينقاد لك
ليه ما اشوف الأنافه من جبينك تنحدر ..؟
وانت خابرني صريح ومستحيل أجاملك
يا قمرواشوف كفك صافحت كف الفجر
في رحيلك بعد ليل(ن) لجل عينك طال لك
كيف ترحل وانت أجمل شيء في عيني ظهر
ليت تسمح لي ظروفي يا قمر وانحاز لك
بقلم . .( فهــد الشريــف)
رد مع اقتباس
المشاركة الأصلية كتبت بواسطة ابن حزمي
المفضلات