استراتيجيتك المتبعه عند دخولك للمضايف

[متفاائل]

هلا بابو عمر

خلني أبدأ بسرد أول ساعه عمل وباقي الوقت تعذرنا فيه ..

/

بعد صلاة الفجر .. نروح لمكان نتجمّع فيه عند السيرفر ..

اذا اكتملوا الربع نبدأ العمل .. بسم الله

عطنا المفتاح يا عبدالرحمن <<< امين سر مفتاح السيرفر ، ياخذ له ساعه وهو " إيحلحل " عقدة المفتاح اللي رابطه بـ " غدفته " ، ثم ننتظر طلال يخلص من تفقد زيت وماء ومحركات السيرفر ، وبعدها نفتح بيبان السيرفر ونركب ، إذا ركبنا وقبل ما أشغّل ، ينزل ابو خليف ومعه " شوحط " يتفقد السيرفر لا يكون احد أهل الفله " منجحر " تحته او " ملبد " بالحوض ، وإذا اعطانا الضوء الاخضر ، دقيت سلف ، إذا اشتغل كان بها ما أشتغل نادينا احد من الرياضي يدف السيرفر ، بس ماعمرنا دعيناهم ..

الزبده .. مكينة السيرفر تشتغل على ديزل ، وياخذ وقت عشان "إيصخّن" على مايصخن نفتح فطور " شموخ وايثار " ولازم يكون مختوم من صلفيق انه صحّي ومناسب لنا ، مايمدينا " ندغّ " من الفطور إلاّ والسيرفر صاخن وجاهز للانطلاق ..

يعطينا ابو غازي قصيده نبطيه حماسيه لشخذ هممنا ، وبعضنا ما تشخذ همّته القصائد فـ ابو فهد الهمزاني حاضر معنا يعطينا تعزيز قصه وقصيدة عشان يرفع مؤشر شخذ الهمّه .

وبعد هالاحداث الحماسية .. " أعشّق" السيرفر ويمشي ، احيانا " يِلك " بس ريال الفسحه خابرن علّة هاللكة ، يقول يالربع اصبروا شوين خابرن هالعلّه ، وينزل ويمسد " رد أبو ثوب " من دفرنس السيرفر ، يقول ما يغثّنا إلا هو ، الشبث جاهز بذكيرنا بدعاء السفر ، ويقول تعوّذوا من " سوميا " تراه راعي نكبات


عاد .. الباقي ، في حلقة قادمة ومناسبة ثانيه ، تخبر غاثّنا فطور " هالرّفل " ويالله احاتسيكم من ورا هاللطمه ، عمركم شفتكم فطور دجاج صيني كلّه كتشب وفلفل يارب لك الحمد




/
/


قلت نغير شوي ، لا يجيني عبدالواحد ، يقول شبعنا من هالاسلوب المستهلك

حي الله من جانا نورت الموضوع بطلتك لاهنت
تحياتي لك

[متفاائل]

اهلا متفائل ...


بالنسبة لي فالعام أول محطاتي .... ومن بعده الاعلامي .... ثم الفلة .... ثم كافة المضايف .... بالتسلسل ... للقراءة والرد إن وجدت متسعا ...



ثم أخرج بدون تسجيل خروج ... لاني دايما أنسى



شكرا لاهنت ....

حلوه انسى

نورت المتصفح ابوعبدالله بمرورك

وبمساهمتك الاجمل

تحياتي

[متفاائل]

^

^
ترى لازم تكمل

هذي لابو سلطان

^
^
سجل خروج لأنك مشرف
ومايصلح مشرف موجود ومايرد على رسايل الاعضاء مثلا

هذي لابو عبدالله

.
.

موضوع رائع بحق يلقى الضؤ على ناحيه مهمه تخص كل عضو

^
^
هذي لابو عمر

.
.
بالنسبه لي السنوات الماضيه كوم والسنه هذي لحالها كوم

سابقاً ولأني كنت اداريه وقبلها مشرفه كانت الاستراتيجيه مختلفه تماماً عن الآن

سابقاً ماكنت اترك شارده ولاوارده في المضايف ....اتابع كل شي بمعنى الكلمه

حالياً امارس الحريه بكل اريحيه

بمجرد دخولي افتح ثلاث متصفحات

واحد للركن الهادئ لأني اتابع كل مايكتب فيه وانتقل بعده للشعر المنقول

والثاني للعام لمتابعة الجديد

والثالث المتواجدون اتفقد احوال الرعيه

الاسري والتصاميم مااحب ابطي عنهم

الاهداءات والشعر امرهم ساعات

الفله اعترف اني اجيه علشان اسماء معينه بس ساعات بعض المواضيع تشدني لو للقراءه

بقية المضايف حسب المزاج والوقت والمواضيع اللي تحمس للدخول

ولو اني ودي فزعة لبنات جنسي مااخلي ولا قسم تشرف عليه بنت ماامره

بعض الاقسام اعترف بالتقصير من ناحيتها خصوصا الاسلامي والاحتياجات

بعض الاقسام ماافكر حتى امرها

وودي تختفي اليوم قبل باتسر

اكثر مايبسطني يوم يكون المتواجدون بعدد كبير

ويضيق صدري واطلع على طول اذا شفت مافي الا اسم او اسمين

وبس

تسلم ابو عمر موضوع جد رايق

سلمتي ام طلال مرور مانعدمه الرايق حضوركم وتفاعلكم

تحياتي لك

[متفاائل]

ادخل مباشرة وبعده مباشرة الى الجديد وبعد قراءة الجديد وبدون ردود
ارجع مرة ثانية للجديد واحدد من يستحق ان ارد عليه اولا حسب قوة الموضوع!
وبعد ان انهي ما اود قوله واكتبه احاول ان اكتب شي في ركني
عن اشياء تعنيني وبعضها لا يعنيني لكنها تعني هموم ومشاهدات اليوم!
حقيقة ودي اقول شي من خلال هذا الموضوع
وهو مسالة التفاعل مع الموضوع والرد عليه برأي وليس شكر فقط!
اقول هناك مواضيع تكون معها مفاتيح الردود وبيدها التفاعل!
فياتيك الرد بدون ان تتعب نفسك في البحث عن كيف ترد!
وهناك مواضيع مغلقة لا يمكن لك ان ترد لانها احتوت كل الردود في مضمونها!
وهناك ردود بعد كم سطر يغلق باب الرد!
اذا مسالة التفاعل مع الموضوع
هي مسألة عطاء وليست رغبة او عدم رغبة!.
لك تقديري العزيز ابوعمر.

حيوووه وحي تواجده المميز دائما

ابويوسف وجود هذا المعرف بمتصفحي بحد ذاته شي كبير

وردودك الهادفه والمكمله التي عوتنا عليها تعطي الموضوع مايستحقه

تحياتي لك

[-------]

اول ماتفتح الصفحة اذا كان هناك رسائل ابدأ بها حتى لايكون تأخير في الرد

ثم القي نظرة على المتواجدين لان هناك اسم اذا كان متواجد يبعث لي الراحة النفسية

بعدها اخذ جوله على كل الاقسام والمواضيع الجديدة

واكيد الاسري ماخذ كل وقتي

وع فكرة ترى انا مسنترة 24 ساعة هنا كني برج مراقبه

واراقب المضايف احيانا حتى بدون تسجيل الدخول

واحرص على متابعة ردود اشخاص معينة


ولاانسى ركني الهادئ فعندما ادخله يغير كل معالمي ومعالم وجهي وكأنني امشي ع شاطئ
البحر واسترخي هناك قليلا فبعض الاحيان يعيشني بالماضي لانني يمكن اجهد
نفسي بالتفكير في الماضي واحيانا اتلذذ بسرد ذكرياتي هناك (( احبك احرف من دمي ))

متفائل

[بسمة العز]

يعطيك العافيه اخوي


بالنسبه لي انا حاطه الرياضي بالمفضله

يعني ع طول للرياضي القي نظره بشكل سريع على المواضيع والردود وبعدها اشوف الرسايل و اذا مافي رسايل
ارجع وارد على المواضيع بالرياضي..


واذا فضيت اروح اشوف باقي الاقسام اذا في موضوع لفت نظري او جذبني..اعترف اني مقصره كثير لكن ان شاءالله احاول اغّير







تسلم اخوي وشوف موضوعك جذاب بالنسبه لي عشان كذا رديت<<برا




احتراامي لك

[بالمختصر..]

إستراتيجيه .. ليه حنا بـ حرب




والله مامن خطط و إستراتيجيات << صعبه الكلمه الأخيره

بس أتبع الأهم و من ثم المهم إلى الأقل أهميه ...الخ




.
.

[متفاائل]

اول ماتفتح الصفحة اذا كان هناك رسائل ابدأ بها حتى لايكون تأخير في الرد

ثم القي نظرة على المتواجدين لان هناك اسم اذا كان متواجد يبعث لي الراحة النفسية

بعدها اخذ جوله على كل الاقسام والمواضيع الجديدة

واكيد الاسري ماخذ كل وقتي

وع فكرة ترى انا مسنترة 24 ساعة هنا كني برج مراقبه

واراقب المضايف احيانا حتى بدون تسجيل الدخول

واحرص على متابعة ردود اشخاص معينة


ولاانسى ركني الهادئ فعندما ادخله يغير كل معالمي ومعالم وجهي وكأنني امشي ع شاطئ
البحر واسترخي هناك قليلا فبعض الاحيان يعيشني بالماضي لانني يمكن اجهد
نفسي بالتفكير في الماضي واحيانا اتلذذ بسرد ذكرياتي هناك (( احبك احرف من دمي ))

متفائل

ايثار

حياك الله حشاااا وكلا دوريات امن الطرق

لاهنتي على المرور والادلاء بدلوك

[متفاائل]

يعطيك العافيه اخوي

بالنسبه لي انا حاطه الرياضي بالمفضله

يعني ع طول للرياضي القي نظره بشكل سريع على المواضيع والردود وبعدها اشوف الرسايل و اذا مافي رسايل
ارجع وارد على المواضيع بالرياضي..

واذا فضيت اروح اشوف باقي الاقسام اذا في موضوع لفت نظري او جذبني..اعترف اني مقصره كثير لكن ان شاءالله احاول اغّير

تسلم اخوي وشوف موضوعك جذاب بالنسبه لي عشان كذا رديت<<برا

احتراامي لك

جذاب

^
^
>> حياك الله وحيااء مرورك

اكتشاف المواضيع الجذابه اعتبرها موهبه وفراسه

[متفاائل]

إستراتيجيه .. ليه حنا بـ حرب




والله مامن خطط و إستراتيجيات << صعبه الكلمه الأخيره

بس أتبع الأهم و من ثم المهم إلى الأقل أهميه ...الخ




.
.

بما انك بالمختصر اكيد بتختصري

حيااك الله اسعدني حضورك

تحياتي