الله واكبر يامنصور الغايب توك تفقد الشبث المسكين
وانت اللي تحرض وتقط نغزات علشان اللجنة ماترحمه
خلاص قمت اتعاطف معه بالغصب
مع اني ودي مدري وش ودي بس ودي
[ مشرف المضيف الإعلامي ]
الله واكبر يامنصور الغايب توك تفقد الشبث المسكين
وانت اللي تحرض وتقط نغزات علشان اللجنة ماترحمه
خلاص قمت اتعاطف معه بالغصب
مع اني ودي مدري وش ودي بس ودي
المشاركة الأصلية كتبت بواسطة المشرف العام
/
ما ينفع اعطي " الأصيل " نقطه ونص " ويطلع فوق بيني وبين رقم " 2 " ، ودّي اسولف معه بحكم انه هو ثقل الدوري ولعلّي استفيد منه فــ الجليس بالمجالس يقتدي
لالالالا ،، رقم 2 مهم جداً ،، لازم بيني وبينك حدود معترف فيها دولياً
/
ما علينا !! نرجع للجنة واختيارات هالعناوين اللي ماادري منين يجيبونها ، يعني مافيه ظواهر اجتماعيه بالعالم العربي ، مافيه ظواهر كونيه بسماء عالمنا الاسلامي .. الخ
يابن الحلال ابتلشنا بهالعناوين،، طيب وش فيه عنوان :
برشلونه والمشط الأزرق؟
أو : كيف تصنع طبق برياني روبيان؟
أو مثلاً ... سندريلا والأقزام الثلاثطعش
وش :
ما الحبّ إلا للحبيب الأولِ
طيب اللي ما حبّ الاّ مرّة وحدة يعني وش يكتب ؟
أنا يوم شفت العنوان .. استحيت
وتذكرت الأيام الخوالي
بغيت أكتب عن ( ... )
لكن .. قلت : عيب يابوثوب .. وانت شيخ وتسولف عن ( ... )
فـ غيرت الموضوع للكاكاو والبسكوت والكرميلا
بعد واللي ما عمره حبّ أحد ، وحتى نفسه اشك انه بعد يحبها هذا وش يكتب
وبعد البعد اللي فوق هذه ، اللي عنده انفصام بالمشاعر ، مرّة يحب ومرّة يكره اللي يحب ومرّة يرجع يحب اللي كره وبعد ثلاثة ارباع جزء الثانيه يرجع يكرهه ، وعلى هذا المنوال ، بالله عليكم وش يكتب ؟
/
ابو عثمان ..
عندك فكرة ، استحلب منها عنوان الجولة الجايّة
نعم ..
العنوان .. قتال حتى الموت
أو عنوان رعب مثل : ورده على ضفاف النهر
[ مشرف المضيف الإعلامي ]
ابو عثمان
هو يبي يستحلب
بس انا ابغى اخض ماعندك فكرة لي ؟
منصور يوزع ماكنتوش فرحان بردة الشبث
.
.
.
الحمدلله على السلامة يابو ماجد ... ضيقت خلقي يارجال ... قلت ماعندنا أحد نظلمه هالجولة هذي .. بس الحمدلله إنك رديت ...
.
.
.
سي يو ....
ياااااااااااااااااارووووحي
يعني يابو عبدالله انت ضايقن صدرك لانك ماراح تلقى احد عقبي تظلموه ؟
يااااحياتي يهالصدر
تسيف ولا يضيقوه شي هين
ابو عبدالله اسسسسمع انت ولجنتك
ترى طفح الكيل عاد
ياخي حتى ابو فارس هاللي ما يطيقن ولا يدانيني قام يتعاطف معي
ابوووك يالظلم
ياخي انا الحين لو تعدلون معي انقهر
ادمنت ظلم
ياخي خافوا الله فيني
بس هالجوله ضد البطله الغير متوجه اختي سارا
يعني هدا ورضا
وتقلدوا تحيتي
game over
يادين الله
الحين أنا الجازي على سن ورمح
أتعادل مع هاللي كلن ظالمه ومفوزين غيري عليه
يعني حبكت مايجي عدلكم إلا يوم نافسني
وليته عاد على موضوعن يستاهل
قاعد يهوجس عمي وناسين مفاتيحه بعد
أستاهل
هذي غلطة اللي يتنزل للطبقة الكادحة !!
التواضع ماينفع مع أي أحد
لكن هين لنا الله !!
*
*
*
سارونا
شفتي بركات اسمي عليك
خذتي أفضل مقالة وبجدارة
أطلبتس نقطة
^
^
بصم الله على الفضل
اصلا انا اللي جاني الضيم من التعادل معتس
بس انا متوقعه
لاني العب ضد الجازي محبوبة اللجنه
بعدين انتي معجبتس موضوعتس حق التكافل الاجتماعي
ياشيخه لو انا مع حقين الضمان صرفت لتس شون على هالموضوع
ولا موضوعتس اللي ضد حيل حليل هاللي يمصخ الوجه
تدرين انوه سبب ازمه عند حقين الصحه
وفكي سارا منتس
انتي وجهن فليح بليا تدخلات
وتقلدوا تحيتي
game over
حلو
وشهد شاهد من أهلها
معناها موضوعي مؤثر
وجاب نتيجة
دامك بتصرف لي شون على قولتك
فهذا أكبر دليل على إني عرفت أدق عالوتر الحساس وأستثير مشاعركم وعطفكم
بس بالله متى بيمشي معاشي !!؟
^
^
جايتن تكتبين مقال ولا تكتبين معاريض انتي وخشتس
وتقلدي تحيتي
game over
ياااالله ينهزم اللي ببالي
<< ما يعني الجازي
اليوم الربوع
وابو فارس كالعاده ما ينزل مقالته الا اخر هلله
ياربي هو وش قصدوه ؟
طيب اللجنه ليه ما يتفاهمون معوه
ولا لاقين هالحركه يفوز علينا به ؟
يا لجنه
ياخي لو الشبث يسوي هاللون تسان من امس ماسحين بوه المضايف ومشهرينن بوه
تفاااهموا معوه لا تعطونوه وجه
وتقلدوا تحيتي
game over
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
المفضلات