عقب اللومينا .. سيارتي ذلول .!!
ياويييييييييييلي
تدهورت
تشقلبت
ما اقول الا حسبي الله على الشبث
تسان من يوم عرفتوه وانا ماعرفت الخير
ابوماجد ممكن تطلع من حياتي
يا اخي طلقن <---- اندمج الخبل
ياعيال وش الحل
انحاش من البيت ؟ <--- فكرت ولقيت ماحد راح يستقبلن
انتحر <--- شربت كلوركس وفلاش ولاصار شين
ياعيال ابعلمكم بالسالفه وانا راضين بالحل الي تكترحونه
انا قدر الله علي قبل سنه وصدمت على كامري لاخوي
وبعناه تشليح
طبعا ابوي قال يالله غلطة شاطر ومشاه لي الصدمه كانت
ان التامين منتهي له شهر
قال ابوي فدوة يوم سلمت ياشعرت قلبي <--- انا شعره ؟
المهم
وقبل لايدور الحول وتحديدا بهالرمضان قدر الله علي وسويت
حادث وابيع سيارتي بخمسة الاف تشليييح واتغرم دزبيلي
يعني طلعت بخساره حوالي خمسين الف
<--- مازلت مصر ان الشبث له يد
هالحتسي التامين برضوه منتهي
المهم
عقب المغرب قعد يراعي لي ابوي ويتمقل وجهي وشوي
<---بهاللحظه قلت يبي يخمن
التفت ابوي على اخوي التسبير
وقال هاللحيييييين تروح تأمن الجيب تأمين شامل
لايكمخ بوه هالهديفه <--- طبعا مايعنيني
والله ونروح ونأمن الجيب
ويقدر الله علي <---تراني والله صادز
وانكخ بوه لوه كامري بس الحمد لله هالمره سلامات
لاتوجد خسائر فادحه
الا
بووجهيي ابوي اعدم واجهيتي مسكن مع رقبتي وفرك
وجهي بجدار الشارع ياما انمسح خشمي خخخخخخخخخ
واجي عند ابوي امس اتمسس تقل داب
قلت يبه عندي لك اكتراح
قال وشو
قلت نروح تشتري لي سياره
قال اقتراح وجيه ياوليدي ارتسب <--- صدمني بالموافقه
وارتسب وهو يتوجه للمعارض
يوم جينا المعارض وهو يحطه يمين ويتوجه للسوق
اي سوق ؟
سوق البل
علامة استفهام كبيره فوق راسي
قلت يمكن يبي علف
يمكن يبي يزيد عدد نياقه ويشتري
يمكن يبي يبيعن ؟<---وارده
قلت يبه وش عندك رايح لسوق البل
قال ابشتري لك ذلول خخخخخخخخخخخخ
يبه عين خير
قال ياوليدي مانت وجه سيارات
ابشتري لك ذلول والا جحش
والله وهو يلف ويشتري هكالذلول اللي من بعيد
تحسبه سلوقي من الهلس
ويحطه بالشبك
وهاللحين يقول السبت مافيه سياره
ودوامي السبت ببقيق
يقول تمشي ثلاث الفجر والساعه ست وانت ببقيق
يرضيكم ؟
عاد انا تخيلت اني في عام 1212هـ
هههههههههههههههه
حاطن دزربه ماء ومعي رغيف يابس خخخخخخخخخخخخخخخخخخ
اويلي لو انا ماكنن الوقت الاول
تسان مايرد البل الا ريال
عاد بالله ياعيال تخيلوا وجيهنا لو حنا على وقت المغازي
والكسب والحنشل <--- ياخي تقل طرا علي عايد
المهم
مادري ليه اتخيل لو لاحقين الدور الاول تسان
شيخ القبيله يمر علينا ويعطي كل واحد سيف
وليا جا عند الشبث وراعا لوجهه يعطيه سكين خضره هههههههههههههههههههههههههههههه
بينن وجه الهديفه
يالله ياعيال الذلول للبيع من يشتري ؟
رد مع اقتباس
المشاركة الأصلية كتبت بواسطة شنقل
المفضلات