قصيده رائعه للشاعر المبدع خلف المشعان
انشالله تنال اعجابكم واستحسانكم
يوجد مقطع يوتيوب شيله
ياقلب انا بلشت بك .. وين اوديك ؟؟
شيبت بي ياقلب .. من صغر سني
اسعى وراك .. وخيب الله مساعيك
من طيبتك .. ماشفت .. غير الهبني
ياكثر ماتجـني .. عليه هقاويك
من حسن ظنك .. بالبشر ساء ظني
اعطيك غيري .. لجل مايحتفظ فيك
وترجع تقول : اللي خذاني طعني ..!!
طيب شسوي بك .. ؟.. وهذي امانيك
اللي جرالك منك .. ماهوب مني
تسد باب .. وتنتفح لك ..شبابيك
وكل ماتهزك عاصفه .. تمتحني
بلشت بك .. بلشـة هل الديك ، بالديك
اللي بغى يذّن .. وصبّح يغني ..!!
تسري ورى النية ( واتولِي ) مساريك
حتى قتل صبحك ( ظــلام التبني )
الى هنا وآقول ..( بسّك ) ..ويكفيك
رد الكلام .. ووصل العلم عني
ماني تبع هذي ، ولاني تبع ذيك
لاجا الصحيح ... اثـنـيـنـهن يتــبعني
رد مع اقتباس
المشاركة الأصلية كتبت بواسطة الشبث
المفضلات