قبل كم يوم
كنت طالع من الدوام الساعه 5 العصر
ورايح للبيت مثل اي اب مشتاق لابنه
يتخيل انه يطق الباب وينطق لوه ولدوه من تحت الباب << حشى مهو ولد بريعصي
وانا شارد الذهن في طريقي
تفاجأة من زحمة السيارات واقفه قدامي
المفاجأه مهي بالزحمه
المفاجأه مكان الزحمه
لان الزحمه في تقاطع وعنده اشاره منظمه السير الكترونياً
تبين ان الاشاره عطلانه
والشارع ماسك في بعضه
اللي جاي يضرب
واللي رايح يضرب
واللي يحب النبي يضرب
فتح هالمنظر مشاريع براسي
قمت افكر
وافكر
واخذت الجوال واتصلت
على مين ؟
على مدير المرور براسه
لاني اعرف ان اي مشكله بالطريق تحصل رفم المرور مشغول
لان اي مسكين موجود بهالزحمه راح يتصل على المرور
وانا ماني مسكين
انا سكين
اتصلت على مدير المرور
وكان متوقع اني اكلمه عن الزحمه
وقالي مبادراً ياخي عاااارف ان فيه زحمه بالشارع الفلاني
قلت ما حزرت يا حضرت اخي الكريم
اولاً السلام عليكم
ورد السلام
قلت
ابي اعرف طبيعة عمل المرور
قالي جاين تسوي بحث تخرجك على المرور انت ووجهك
قلت ياخي من زينكم اسوي بحث تخرج عليكم
يمدحون وزارة الزراعه بالبحوث
اخلص علي وش عملكم بالمرور ؟
قالي المرور من اسمه
قلت في بداية الامر مثل اسمه
ولكن في وقتنا هذا تغير الاسم عن المسمى ..!
قال كيف ( وفوق راسه علامة استفهام كبر راسه )
قلت يا حبيبي
انتم ما ركبتوا كاميرات ساهر تراقب السرعه
قال نعم
( من كثر حرقتي على المخالفات اللي لبستها بغيت اقوله نعامه ترفسك
لكن اجلتها الى وقت اخر )
قلت وانتم في صدد تركيب كاميرات تراقب الاشارات . صحيح ؟
قال نعم
( يحدني حد على النعامه )
قلت والحين على حسب علمي ان امور الحوادث احيلت الى ( نجم ) . صحيح ؟
قال نعم
لم اتمالك نفسي
قلت نعامه ترفسك بلا
قال لي
لماذا ؟
قلت يا اخي العزيز
وش جالسن لوه انت وافراد المرور دام كل شغلكم يعمله غيركم ؟
ياااااخي نفسي في يوم اجي كبري مافيه تحته دورية مرور
صرنا نسميكم ابطال الكباري
ياااخي ( انتم مجهدين بس على عماااااه )
يا حبيبي تحاولون تاصلون مرحلة الكمال في العمل
ولكن بدون علم
بدون تخطيط
بدون دراسه
خبط لزق
ويا مواطن تحمل ما يجيك
واي خطاء امسحه بوجيهنا
اختفت ملامح وجيهكم من كثر المسح .
ياخي انتم مثل الغراب اللي يقلد مشية الحمامه
لاهو مشى مثله ولاهو رجع لمشيتوه
قال وش قصدك
قلت يعني ( لا ارضاً قطعت ولا ظهراً ابقيت )
واسمع صوت طوووط
اثريني لا كلمت احد ولا شي
كنت غارق في بحر الخيال وانفك الزحام وانا مادري << عاش مصرف
وتقلدوا تحيتي
المشاركة الأصلية كتبت بواسطة الشبث
المفضلات