السلام عليكم ورحمه الله وبركاته
متواضعه بعد غياب ..ارجوا ان تشفع لي
مدخل .
ياحزن ..فارق دنيتي ماعاد فيني احتمل
سكين غدره تنغرس في وسط جوفي للابد
القصيده..
ياصاحبي لوحزني اليوم قد زاح
ماكان جيتك اشكي الحال مجروح
اسهر انا ليلي وانوّد بالاصباح
بين الالم والياس ذابح ومذبوح
ياليت فينا عالاقل عشره ارواح
من شان تالي العمر اصفى على روح
هم(ن) ثقيل وضيقتن مثل الارماح
احس فيها والالم يجبر النوح
حلفت اببعد واتصدد اذا صاح
لكّن طيفه حاضرن وين ما اروح
اخيل زوله كنه البدر لا لاح
ماشفت مثله بالبشر وجه مملوح
بس النصيب اللي على الشوك لاطاح
ماله دوا غير اننا نكتم البوح
ياصاحبي لوحزني اليوم قد زاح
ماكان جيتك اشكي الحال مجروح
مخرج...
وداعتي لك يالخوي من قبل ليلي يكتمل
لا تامن احساسك ابد ولا تفتح قليبك لاحد
نواف الناصر
رد مع اقتباس
المفضلات