بسم الله الرحمن الرحيم
.................
السلاااااام عليكم ورحمة اللهـ وبركااااااته
...................
أحب داااائما ان اهدي ماهو رائع والثمين الغااااالي اجزل القصائد وأحلاها في نظري
.....................
وإاليكم قصيدة من اجمل قصااااائد الشاااااعر المبدع
.........................
(( صالح ال مانعه المري ))
........................
عسى أن تنااااااال إعجاااابكم
...
...
بديت الطويل وهيض القلـب مبـداً فيـه
بديتـه حزيـن وزاد حزنـي وبكـانـي
بديته عصير وذكر القلـب عـن ماضيـه
وعديييـت منـه والمقاديـر تشعـانـي
تعنيت صوبه ليتني يـوم جيـت ابغيـه
عجزت اطلعـه ولا حـدٍ دونـه الهانـي
تذكـرت ليـلٍ قـد ترفعـت فـي عاليـه
خلي الهمـوم ومقصـدي جـر الألحانـي
وذالحين قمت العي مع الـورق والآحيـه
مـع ونـةٍ فيهـا التوجـد والأحـزانـي
على واحدٍ لاجيت ناصيـه وابغـى اجيـه
تنطح لي اللي مبغضـه قاصـي ودانـي
تلقالـي وهـو داري انـي مانـا أدانيـه
وراح النهـار ورحـت ماشفـت خلانـي
عسى من حرمني من مقابلـه ماتخطيـه
اصدوف الزمان الصلف ويجيـه ماجانـي
على شان لامن شافني جيت تاتـي فيـه
مروفـه ويتركنـي ليـا جيـت وحدانـي
مع اللي تولع بي كذا لين قمـت ارجيـه
مـن البـاب لطّاقـه غرامـه تبـلانـي
وانا ماصدقته بالهوى بس كنـت اغليـه
وتبيّن لـي انـه مرفـقٍ لـي ويبغانـي
وشفته حزين وقلت وشقوم مـا أجاريـه
اباخذ معـه وأعطيـه مانيـب خسرانـي
وتواجهت انا وياه واخـذ معـه واعطيـه
وقعدنـا مـع ليـن اذن المـذن الثانـي
وصلح لي حديثه يوم صارحنـي بخافيـه
وتعاهدت انا وياه فـي حلـف الأيمانـي
وعقب ماسريت اخذت مده وانـا اطريـه
شفوقٍ على شوفه ولا رحت لـه عانـي
وعقبه دريت ان الهوى طحت بين ايديـه
بغيت اتراجـع مـن طريقـه ولا امدانـي
جذبني مثل جذب الدلو في رشـا سانيـه
وجبرني على التقدير والحـب واغرانـي
وعشقته مثل مايعشق الأخ ضحك اخيـه
وقبلته مثـل مايقبـل الطـب مرضانـي
وحفظته مثل حفظ السنافي وصات ابيـه
وكسبته مثل مايكسـب الطيـب غفرانـي
يجيني ليا منـي ذكرتـه وأنـا ناسيـه!!
مثل مايجينـي كـل ماشفـت ديانـي !!
ليا جيت في جمع العرب عينـي تراعيـه
اسولف على شانه.. ويضحك على شاني..
ليا من دعاني قلـت لبيييـه ثـم لبيييـه
وهـو لادعيتـه قـام طولـه ولبـانـي
هجل ليه يجفاني وانا يـوم اخونـه ليـه
مدامـه مـع قلبـي ودمـي وشريـانـي
احبه وأحب ارضٍ وطتهـا قـدم رجليـه
عساهـا ثـلاث شهـور صبـاب ودانـي
وعساني ليا هوجست في ذكـره وطاريـه
تجيبـه مقابيـل اليـالـي والازمـانـي
............................
..................
............
.....
...
.
.
.
.
.
ولكم عظيم التحياااااااات
</B>
***ليا من دعاني قلت لبيه ثم لبيه***
رد مع اقتباس
المشاركة الأصلية كتبت بواسطة شموخ شماليه
المفضلات