رجع فقعنا
السلام عليكم
علومكم يالربع
اصبرو خلوني اتربع على الكرسي وابترم
يابعد خشتي هالخشش المشقه
ايه شو اخباركون شو علومكون
فاصل للموروث الشعبي
ياهل الحي ماشفتووووو لطيفه
كامل الزين رعبوب البناتي
العععععععععععععععععععععععب
عدنا للمغثه
الله يجيب المطر والفقع انشالله
ابي اقضي شهر العسل اتفقع
وعلى طاري الفقع تذكرت سالفتن لي يوم انا بريعان وغدنتي
كنا مخيمين اكثر من عايله وجمعه الوغدان وفله حجاج
المهم كنا كل يوم نطلع نتفقع
وكان من ضمن العوايل عايله كويتيه من الربع
عوذه على وغدانهم شكثر يلقطون من الفقع<<< غاثينه
وكان اخوي يعيرن بهم يقول ليه ماتصير مثل الكويتيين يملون كيسهم فقع وانت يالله عشر فقعات
وانا انتخي قلت ابشر بعزك وانا اخوك اليوم تسان الله قاله ابي املا كرتونين من الكبار فقع
<<< ناوي على نيه شينه
ومن الصباح الباكر وقفنا سياراتنا ورحنا نتفقع ولكن كالعاده تفقعت معهم ولا لقطت غير عشر فقعات
وبينما انا امشي معهم واهيجن وتجيني فكره جهنميه
هم بالعاده يملون اكياسهم فقع ويفرغونه بكراتين موجوده بالسوبر بتاعهم
المهم عقب الظهر مارحت معهم قالو خاونا سلطان
قلت لا انا ابي اتفقع من قريب
خليتهم لين اختفى آخر زول بهم وانا اغير على سوبرهم
ماشالله عليهم كراتين الفقع مرتبينه كرتون موز للزبيدي وكرتون موز للكمى
وانا املى كيسين واحد من الزبيدي وواحد من الكمى
المهم يوم جينا نروح الا انا ماشالله كيسيين ومليانه مهي بالعاده
ويشك بي واحد منهم ذهين ماشالله عليه
وهو ينشبلي قال كراتيننا ناقصه فقع
قلت وانا وش دخلن
قال اقول رجع فقعنا
قلت اقول توكل على الله مالكم فقعن عندي
انا اليوم لي خلق اتفقع ومليت كياسي فقع رجائن لاتتهمن زورن وبهتانا
المهم وتصير مهادد بيننا
وجحدتهم ماعطيتهم شي
وسلامتكم
وتوته توته خلصت الحتوته
قال النبي صلى الله عليه وسلم :
( إنكم شكوتم جدب دياركم واستئخار المطر عن إبان زمنه عنكم وقد أمركم الله بالدعاء ووعدكم أن يستجيب لكم.
" الحمد لله رب العالمين الرحمن الرحيم مالك يوم الدين لا إله إلا الله يفعل ما يريد اللهم أنت الله لا إله إلا أنت الغنى ونحن الفقراء أنزل علينا الغيث وأجعل ما أنزلت لنا قوة وبلاغا إلى حين ")
رواه أبو داود والحاكم عن عائشة رضي الله عنها
رد مع اقتباس
المشاركة الأصلية كتبت بواسطة سلطااان السويري
المفضلات