"..السلام عليكم ورحمة الله وبركاته.."
مسسسسسسآإْءَ آلـــــــــــــوـوـوررردَ.." ^_^
كيفكم يـ الغاليــــــن..
بصرآحـه فكرت وش أنزل بـ المنقول بعد غيااب <<فكرت وفكرت وفكرت
وأخيراً قلت بـ أنزل بـ قحطـان:$
هالقصيدة تتكلم في أعلام قحطان وكذلك التاريخ العريق لقبائل قحطان.,’
أعلام آهلـي
آمممممم عاجبتـنــــي:$ وحبيت آنقلهــا هنــا<<عند خوالي.,
<<يارب ماأنكرررش
ههههههههههههههه
أقروهــا كلهــا عاد
من كلمــات الشــــــــاعر/
حــآمـد بن غـآإْنــم بن سعيــدَ بن الجــذع العبيــديَ القحطــــآإْنــيٌ..
*
*
يامن تبي تكتب عن أمجاد قحطان = وتذكر تواريخ الشيوخ الأوايل
أهل المواقف يوم زوغات الأذهان = يوم الحكم سيف ورمح وسلايل
الله يعينك ياسلايل كحيلان = مهمتك صعبه ومثلك قلايل
لاشك عندك يا أبيض الوجه برهان = وعندك من التاريخ صدق ودلايل
ديارنا من نجد لي غرب نجران = ولنا ربوع من ورى حد حايل
(وشرق بني هاجر ربوع ابن شبعان = يشهد لهم راكان والشك زايل)
(هل دقله تروي عطش كل ضميان = وهل موقف ماعاد بعده عذايل)
وغرب نزل منا المدينة فريقان = الأوس والخزج وحازوا الفضايل
أنصار للمبعوث رحمه وغفران = مذكور في السنه وذيك الرسايل
قد قالها حسان في ماضي أزمان = والصدق نور والدعاية ظلايل
قبـــايل معـــروفة قبــــــل والأن = تعز الهود معربين واصايل
ربعي عبيده والجحادر وسنحان = ورفيده وجمع الحباب الهوايل
وبني بشر وشريف ماني بغلطان = هل قالة عليا لما ظال ظايل
منا ابن هادي واللبده وابن سفران = ومنا مروية السيوف الصقايل
والشيخ ابن هادي تقدم لعربان = شيخ تعدل حكمته كل مايل
شيخ تطوع صطوته كل فسقان = وربعه هل الطالات يوم القتايل
والشيخ شالح والفديع ابن هدلان = فرساننا يوم اقتتال القبايل
هل صبحة يشبع بها الذيب سرحان = يشهد على قولي عيال الحمايل
والخوة اللي بينهم شانها شان = قدوة وذكر ينقله كل قايل
رمز الوفاء والطيب من بين الأخوان = والعزوة اللي تجعل الراس طايل
لا قال ابن دراج ثم ثار دخان = راحت خيول القوم منهم جفايل
خنافر تارد على الموت شجعان = وجحادر تاطا على كل عايل
وذيب على اسمه ذيب من روس فرسان = له موقف يشفي الكبود الغلايل
كسب الأصيله واشتهر طير حوران = وعمره عشر واربع عديم الخصايل
دون إبل بوه موقف قبل الأذان = حتى انصرف عنها سموم القوايل
صد المغيره ذيب والحظ له زان = وكسب ونعم واحمر الدم سايل
وبـره يســولف فيه حضـر وبــدوان = عساه للجنة وبرد الدبايل
زيد ابن شفلوت له المدح عنوان = على قرارة نجد جاله فعايل
شهد له ابن فهيد بالفعل وكدان = ماني بقايل قول ماله حصايل
ومنا ابن حشر وموقف الشيخ قدبان = مع الموحد يوم قدح الفتايل
وإبـن رشيـــــــد اللي منا زله برزان = الضيغمي فعله قديم وهايل
ومنا المهادي نوابن غيده ودبران = أهل المواقف كاسبين النفايل
وابن سعيدان آل عاطف وجبهان = وفراج بن ريفه حميد الشمايل
ومنا ابن شري والجذع وابن فردان = ومنا المرحب والفشق له مخايل
وابن دليم وابن عبود شيخان = وأبن حويل اللي للأمجاد نايل
وجراب والمدرس وذيب ابن عردان = وجديع والعماج روس وزحايل
ومنا ابن جافل وابن سلمان زبران = وذيب بن قنطاش صبي الصمايل
وراعي السويد محمد وابن كزمان = يوم اعتزى جاء القوم منه نكايل
وحاتم وابن معدي كرب جود وسنان = أمجادهم سولف بها كل جايل
وابن مريحه وابن داهك وشهوان = ومنا آل عشتل محتمين الحلايل
ولنا سلوم تطلق وجيه وإيمان = ساروا بها العربان فوق الرحايل
دون الخوي والجار والضيف والعان = والشاهد الله والفعول الطوايل
ديرة حقيب يوم في الوجه مالان = وقصرة محمد يوم صارت مثايل
ودون الخوي قام ابن محسن ولاهان = فيه اقتضى عشرة وخاله كمايل
هـذه مـآثـــرنا وكل له لســـان = والنـــار ما تقــدح بليـــــا شعايـل
واللي عن فعول المطاليق عميان = ماني طبيب للضعوف الهزايل
تشهد مطير ويـــام وجموع عتبان = يوم القنا والرمح والخصم صايل
ذاك الزما اللي به الموت عزران = ويميز الطيب من أهل الفشايل
وبيت بلا ساس ودعايم وعمدان = لي هبته ريح يجيك متمايل
والناس يفرقها الشجاعة والإيمان = وجود لما شحت يدين البخايل
ولا فلان اسمه على فلان وفلان = الاسم واحد والفعايل سهايل
موجز بسيط فيه ذكر عرفان = لاهل القعول الوافيه والجمايل
وكل القبايل كامله دون نقصان = مثل الجبال النايفات الوحايل
واللي نسيت العذر من كل إنسان = الكامل الله والعفو في الزلايل
كم من عقيد ماضي الوقت قد كان = يثني نها ر فيه يبس البلايل
واليوم في عهد السعد أمن وأمان = حكم الشريعة مانبي له بدايل
عهد الملوك مرجحة كل ميزان = حكامنا آل سعود نعم السلايل
الله يديم الملك ويعز الأوطان = ويزيل من ينووننا بالدغايل
وختامها باعداد ماهل ودان = على الرسول أزكى صلاة ونفايل
*
*
آتمنـــىـآ تـعجبكَــــم.."
لكَــم وديٌ.."شمووسـه"..
رد مع اقتباس
المشاركة الأصلية كتبت بواسطة شموخ شماليه
المفضلات