السلام عليكم
كيف الحال
من العايدين
(مقدمه : اغنيه لاتشتكي من جور الايام للناس)
ومرت اشهر كنها سنوات وحنا ننتظر الشغاله تحط رجلينه على تراب السعوديه وتقاسمنا اكسجيننا
ومرت اشهر وانا ساكنه بالمطبخ
حفظت عدد الكاسات والفناجيل من كثر مقابلهن
ذاك اليوم فقدت ملعقه وسويت تحقيق بالبيت من زود الولاء والألفه اللي صارت بيني وبين قش المطبخ
وياويلي يالمجلى ابني عليه احلام واماني وامال وبدريه والعنود
المهم انها صارت مشاكل بالاستقدام وتأخرت الشغاله حول 5 شهور
وحالفه انه اليا جت اشب له وادلعه وكل شهر اشري له كرتون اندومي
وفي يوم ما
المغرب جا من عندي اخوي ويعطيني ذيك النظره اللي احسني مسويه بلا وهو كاشفني
وبعده بساعه ونص كذا جاء يصوت ويهيجن
يوم شفت الا معه الشغاله
واتعلق بالمروحه واشغله على واحد من الحماس هههههه
الشغاله لابسه سروال رياضه اخضر اللي فيه خطين مع الجنب < الظاهر تبي تشبّكنا يعنني وطنيه هههه
وبلوزه بنفسجيه به رسمات سماويه الوان مدري وشتبي بس وانا اشوفه احسه لوحه فنيه
احسه احسن وحده بالعالم صار فيه قلب حب فوق راسي
ويتجمعون كل العايله الوغدان سوو حلقه عليه
وانا اطير المسه ابشوف هي حقيقيه ولا كذبيه
واقرصه زيادة تأكيد --> وهي تخزن وانا اخذ فوق تحت
وكل من جا شهق وعجز يعبر
انا فرشت فراش وجبت فيشار وجلست اتأمل هههه يوم دققت الا طرت علي برج بيزا واقفه وهي مدلبحه من الحيا هههه
وهي تجي امي طايره وتعطيها نظره متفحصه مو بس لشكله الا احس النظره اخترقت لقلبه وجلست تقلب تاريخه بعد ههههه
وتوديه لداره ونعشيه ونخليه تنام
واحس اني نشيطه وكل شوي اويق عليه
والابتسامه تقل دعاية معجون اسنان اول مره يشوفون سنوني اختي قالت وشنوح سنونك متراكبات واخوي يقول افمك به زحمة سنون بس ماتحطمت لا والف لا فرحتي اكبر
ونمت وقمت واجلس افكر .... لاتكون الشغاله حلم !!!
وطيران اتأكد
الا حقيقه افتييييييييييييه ياربي لك الحمد
ويجن حريم الحاره يباركن لنا
وحده تقول اسم الله من هالدنوسيات سودانات وطولانات هههه
ومن بكرى يمار تعبّر وخاطره ماش وتبدى مواويل البكاء تبي وغدانه وانا احاول اهديه واقنعه انهم طيبين واقول اخليك تكلمينهم كل يوم ابد مصروفي كله مكالمات لك هههه
واذا قالوا تبين نسفّرك تقول لا بس ماش عجزت تصبر وقامت تنصفر
وصارت تبكي وامي تعصر دميعاته معه مشاركه وجدانيه
وسفرنا الشغاله ورجعنا للكرف
ويبدأ الاستديو التحليلي لحريم الحاره
اللي تقول المكتب متقاولين معه واللي تقول مااعجبتوه واللي تقول بعض الحريم قلبه مايودعه مثلك مثلك < اتحدى احد يقراه صح خخخ
عاد الحين سكروا اندونيسيا والفلبين فيه مشاكل اتوقع حنا اللي نحسنا الاستقدام بكبره
هالسالفه قبل العيد تخيلو عاد عيد الضحيه بدون شغاله
الفايده من الموضوع من عنده شغاله للبيع
رد مع اقتباس
المشاركة الأصلية كتبت بواسطة الذهب
المفضلات