قال الذي يكتب سمان القصايد @@@ ولايبتلش لاقيل وش قلت يافلان؟
غنى جبل سنجار والعز كايد @@@ وغنيت له شعري سبب كاين(ن) كان
وناديت في راسه زحول البدايد @@@ وأنكست راسي يوم طريت برزان
حديدة(ن) فكت قوي الحدايد @@@ وهالت على صدري من الهم كثبان
قل للطنايا: ماتموت العوايد @@@ الجد حاتم ساس والطيب عنوان
وقل للطنايا: بالمصايب فوايد @@@ تعلم أكثر وإنشد الذيب سرحان
ربعي ليا إشتدت علي الشدايد @@@ أدناهم يسمونه الناس ذيبان
حفيد عز ومجد ماهو ببايد @@@ ربى على صفر(ن) تلالا بديوان
ربعي بني شمر صقور(ن) فرايد @@@ وإخص منهم بالملمات نمصان
نمصان له في صفحة الجود رايد @@@ وله في جبين الوقت وسم(ن) وتبيان
تكفي زرود وله رواة وشهايد @@@ وباقي القبايل دون عيب(ن) ونقصان
رد مع اقتباس
المشاركة الأصلية كتبت بواسطة متفاائل
المفضلات