الدوري الثقافي .. الجولة الثانية .. نتاائج ... جدول الترتيب ... جدول اللقاءات .. آراء

**منصور الغايب** · 03-12-2010 13:31

لقاء حيل حليل وأبو فارس ... سيكون لقاء الجريحين

الشبث جيب معاك شاش وقطن

**الأصيل** · 03-12-2010 13:33

أنا أقول .. خلوها جولة وحدة ..

والمتصدر ياخذ الجايزة

لاأحد يغيب يازقرت

**الأصيل** · 03-12-2010 13:36

المشاركة الأصلية كتبت بواسطة منصور الغايب

الله يديم هالنتايج

يابوسلطان ..

إذا تبي أسلفك نقطة .. ترا ماعندي مانع

**منصور الغايب** · 03-12-2010 13:44

^
^

شعليك ياابو عثمان ...

محد قدك ... فايز ... وتتمختر بمشيتك

**الشبث** · 03-12-2010 14:42

خل راع البيرق على جنب

بالله هالحين متى تتركون هالانحياز

ياخي الا يفوز المشرف العام او احد اللي تبونه ؟

طيب فسر لي ليش خليتوا ابو عثمان ثلاث نقاط بس ؟

المفروض يكون 4 صفر ضد راع البيرق مهو ثلاثه صفر

ليش تحطونه ثلاثه صفر

وش ذنبه اذا غاب خصمه

المفترض كل الاصوات تروح له

بعدين يابو عبدالله خل النصر على جنب

وسنع لجنتك

وانا اقوله من هالحين

اللي يبييفوز بهالمسابقه يا المشرف العام

او الجازي بحكم قربها لريم شمر

اما انا وحيل حليل وابو عثمان والبقيه فأنتم حاطيننا كتكملة عدد

ولا وش تفسرون هالنتائج ؟

المفترض مافيه تعادل

اذا تعادلت اصوات اللجنه تفرقها انت بصوتك

بس

يالله نمشي

ياااالله تصبرنا ليما تخلص هالمسابقه

الا انا وشوله اشارك وانا عارفن تاليته

غلطتي حنيت عليك يابو عبدالله وحنيت على توسلاتك لي بالخاص هههههههههه

لا جد يابو عبدالله

خل اللجنه يبعدون عن المجامله

المفترض انا فايز على المهيني 3 - 1 على الاقل

انت بنفسك ما استحيت يوم نزل عبدالله المهيني مقالته !!

راااع البيرق

لا تتعب نفسك

اكتب اي شي راح تتعادل على اقل تقدير

بس ترن ابي افلقك ان جيت

وتقلدوا تحيتي

وتقلد تحيتي

**ســــارا الرياض** · 03-12-2010 19:03

الشبث وشلون لو معطينك صفر !!

منصور صراحة انا ما فهمت كيف احتساب النقاط
واذا الاخوان عارفينها من كثر ما يشوفون مباريات كرة القدم
ترى اختك ما تفهم في جدول المسابقات
ولا حبيت اراسل احد من اللجنة عشان ما احد يفكر اني التمس الرحمة

ياريت توضح لنا وشكرا

**منصور الغايب** · 03-12-2010 20:38

هلا سارا ...

الامر جد بسيط ..

عند الفوز تحصلين على ثلاثة نقاط ... وعند التعادل تحصلين على نقطة ...

.
.
.

أبو ماجد ... الله حيووووووه

انت بنفسك ما استحيت يوم نزل عبدالله المهيني مقالته !!

حسبي الله عليك .... لو اني قاري هالعبارة قبل النشر كان زورت بالنتايج

**ســــارا الرياض** · 03-12-2010 21:28

معليه عاملني على قد فهمي

منصور
فيه لجنة من اربعة حكّام
وفيه متاسابقين اثنين لكل جولة

فكيف توضع النقاط ؟!!

خذ عندك مثلاً

انا خذيت نقطتين
والشاهري كذلك

كيف حسبت ؟!!

هل مثلا حكمين عطوني نقطة نقطة والاخرين صفر
طيب الحكام اربعة هل ممكن المتسابق مرات ياخذ اربع نقاط مرة واحدة ؟ !!!!

حاسة بغموض وكأنك ما ودك تعلمنا
فرجاء اذا من حقنا نعرف يالقدير تقولنا بالتفصيل

وعادي لو تقول يا سارا تسابقي وانتي ساكتة
وحتى لو ما تعرفي كيف توضع النقاط
وشاكرة تعبك

انا اسفة بس طبيعتي اعرف وش النظام عشان على ضوءه اعرف كيف اتعامل

**منصور الغايب** · 03-12-2010 21:34

الاخت سارا التعليمات كلها موجودة في موضوع الاعلان عن المسابقة ..

وساعيدها هنا ...

في كل لقاء بين متسابقين ..... يقوم الحكام بارسال رأيهم فيمن تطرق لموضوع الجولة وكان افضل من خصمه ... وومن يحصل على صوت احد الحكام يعتبر كالهدف

فلو حصلت على اصوات الحكام الاربعة ستكونين فزت على خصك 4 - 0 وهكذا ...

شكرا لك ... وارجو ان اكون وفقت في التوضيح

**المشرف العام** · 03-12-2010 21:43

^
^
يابو عبدالله

هي فاهمه ، بس سؤالها استنكاري ماهو استفهامي

/
/

نرجع للشبت ، ابو ماجد

انا وياك روحين بروح ، أرّب مني خطوة أ . . أ . . أرب منك خطوتين

انا ناوي امسك بهم طريق طويل ، طويل تخلص الاربعة ايام ماخلصوا من سالفتي خخخخخخخخ ، وانت امسك بهم ردميّة ولا أوصيك تحط الهواء ستين ، ومتعجب خلّه بالحوض

<<<< يكتب الحين بالسطر 55