الله من قلـب الليـا منـه ادلـج
---------- لو هو بجوٍ فيه للنـاس صجـه
يدوي مثل مايدوي الطير بالعـج
--------- مع خايع ماينـدرى ويـن فجـه
ماينتبه للـي ينـادي ليـا سـج
---------- والليا انتبه كن الشباري تخجـه
لابد من يـوم بـه الهـم يفـرج
------- عن كل عين بالسهـر مستلجـه
الله على اللي تو رقمـه يبرمـج
--------- ماصار فيه من البطانيـج رجـه
اسرع من الزورق الليا منه امرج
------- واسبق من اللي بالاشعه يوجـه
جمس الليا قامت قزوزه تواهـج
--------- ضاعن عريضات الرفارف بعجـه
من نقرة العارض يفج القور فـج
-------- ويخلي الشملـول بيـن الاحجـه
خدٍ تحت مـزن بروقـه تلاعـج
-------- نبته من الوسمي غصونه منجّه
لومابها الا الذيب والطير الابلـج
-------- ناخذ بها عن ضيقة الصدر سجه
عن مجمع به راعي الحق يفلـج
---------- بعض البشر فرقاه عمره وحجه
العد تنفـاه الضوامـي الليـا رج
----------- والمـر تنكـاه الكبـود وتزجـه
عبدالله بن زويبن الحربي
رد مع اقتباس
المشاركة الأصلية كتبت بواسطة الاصمعي
المفضلات