( وين اودي وجهي من جيراننا )
هالكلمه كل ابو دايم اسمعه من ابوي اول
كل يومين والثالث ودوريه عند البيت
اما متهاوشين ولا مسوين مشكله
ويطلع ابوي يهزئنا قدام الله وخلقه
واخرته يقول
وين اودي وجهي من جيراننا
ويهز راسوه ويقول للدوريه خوذوه وانا اجيكم
ويدخل البيت
كبر الوالد عسى الله يعطيه طولة العمر
وصار شوفوه لك عليه
وسواقتوه خلفه لك عليه
يعني ممكن يمر من جنبك ويحك سيارتك ويمشي عاااادي
عاد حنا الحين ملصقن على سيارتوه لوحات ( خطر ابتعد كيلو)
المهم
كان يومه يوم جمعه
وتونا مصلين الجمعه وطالعين
وننتظر ابوي يجي علشان نتغدا
طووول
وانا اطلع برا
ابي اشوفوه هو جاء ولا لا
والقاوه واقف عند الباب ويطقطق بسيارتوه
قلت العلم يبه
قال تعال عدل هالصدمه
قلت منهو اللي صادمك
قال يمكن محيسن الجمعان يمكن عبادي الهذلول
وانا وش دراااني واحدن صدمن مدري منهو
قلت اي يبه بس انت المخطي ولا هو
قال لا هو المخطي
بس اني سامحتوه
قلت جزاااك الله خير يبه العوض مابوه خير
وحنا نسووولف ولا خلصنا سوالفنا
ويوقف عندنا واحد سيارتوه معجونتن واجهيته
ومعوه دوريه
وينزل بوه فلقه بعد
قال هذا هووووو
يأشر على ابوي
قلت خير ان شاء الله يا شباب
قال ياخوي هالشايب صدمن وهرب وخلاني
قلت اهاااا
( ابوي ولا كأنوه يسمع قاعد يطقطق بسيارتوه )
قلت يا حضرة العسكري بالله ركبوه بالدوريه وانا اجيكم بالقسم
وين اودي وجهي من الجيرااااان ويييين
ويلقط ابوي الزراديه ويمحطن به
واشوى تم الصلح بعد تنازل هالاجودي
مع محاولات مني انوه ما يتنازلابي اذكر ابوي بعمايلوه بنا
وتقلدوا تحيتي
رد مع اقتباس
المشاركة الأصلية كتبت بواسطة الشبث
المفضلات