السلام عليكم ورحمة الله وبركآته
صبآحكم عيد ...
صدقيني العيد نفسه مـا تغيـر مـن سنيـن
فرحة اطفال وتلاقي..لمّـة احبـاب وقرايـب
والاغاني والكروت وقولـة (مْـن العايديـن)
والتمام الشمل يوم العيد .. وانسام الهبايـب
والتهانـي والهدايـا وحـب روس الوالديـن
والمواصل للعمام .. وللخـوال .. وللنسايـب
كل حاجه مثل ماهي بس انـا حالـف يميـن
إن لا غبتي باسجّل نفسي في هالعيـد غايـب
وارجعي بالذاكـره يابنـت وانتـي تعرفيـن
ليه احس العيد عقبك جيّتـه جيّـة مصايـب
ليه لا طالعت (كرت العيد) اكفكـف دمعتيـن
من ذكرت اعيادنا وأيام كان الوضـع طايـب
آذكر اني من (مصلى العيـد) وانتـي تذكريـن
كنت اسابق خطوتيني متّجـه يمّـك وذايـب
لجل اكون الشخص الاول لجل مني تسمعيـن
في صباح العيد .. جملة (كل عام احنا حبايب)
لجل نكتب خلف (كرت العيد) ذيـك الكلمتيـن
كنت اجيك بقلب طفل وطيش شاب وثقل شايب
كنت انا اعايد وحالي حـال باقـي العاشقيـن
وما معاي الا خفوقي وذي عيوني لك وهايـب
وإنتي في اجمل ثيابك كاشخه والزيـن زيـن
تثبتين إنك عجيبة غير عـن كـل العجايـب
فرحة العيد .. بلقانا كانـت اصـلاً فرحتيـن
مثل ضحكات الورود ومثل زخّـات السحايـب
ما ليوم العيد طعم وما لهـا الذكـرى حنيـن
وكل منّا في مكان وكـل واحـد لـه طلايـب
الرجا في عيد الاضحى يمكن انـك ترجعيـن
ما اقول إلا عسى الله يجزي من كان السبايب
وإن رجعتي وشفتيَ إني فـي عـداد الميّتيـن
ذا انا باوصيك حاجة قبـل تنحـط النصايـب
طالبك في كل عيدٍ .. بعد موتـي .. تكتبيـن
خلف ( كرت العيد) جملة كل عام احنا حبايـب.
.منطوووله ومع سبق آلاصرار و آلترصد
.
.
وكل عآم وآحنا حبايب
رد مع اقتباس
المفضلات