تحياتي للجميع ، ، ، هذي أول مشاركه لي ان شاء الله تعجبكم .
السالفه هذي صارت لواحد من الربع .
يقول : يوم كنا بالحج السنه هاذي وجاء وقت الحلق رحت أحلَق طبعاً أهل الحمله ماقصروا قالوا عندنا ماكينة حلاقة كهربائية لكن ياولد ! زحمه الناس اللي بالحمله طوابير عليها وبعدين كل شوي يشحنونها . قلت أحسن شيء أدورلي على أبو فسية يجز هالصويييف اللي على راسي . ورحت أدور ولقيت هكالهندي اللي فاتحن كشرته . قلت مضبوط اللحين أخلص قبل خواي . والله وأنا أقعد أنتظر يحط على راسي الرغوه !!!
وين .... شرهتي كبيرة ابي رغوة ؟
الحبيب لا رغوه ولا هم يحزنون . اللي عنده صابونة لوكــــس ومليانتن شعر . يييييييوه
عاد أنا بديرتي ما أحلق إلا عند لبناني أو تركي . قلت ياولد تعب وحج والعالم مهي فاضيتلك أخلـــــــص بـــــــــس !
والله وهو يقوملك هالهندي يتفنن براسي . يالربع أول مابدى بقمة راسي وهو يسوي الله يجيركم دويره براسي اوجس حر الشمس بس بالدويرة لأن الباقي لهالحين شعر . والله وما فطنت إلا والهندي مسقط رجله .
ولا أسمع منه إلا بلديه ..... بلدية ..... بلديه ؟؟؟؟
وانا التفت وراي يمار سيارات البلدية وهالعالم هجت ؟
( ياليل ما أطولك ) .
عاد أنتم تخيلوا شكلي صلعه من فوق ودار ما دار شعر . ياحبيبـــــــــي !!
واللي محليني بعد لي دماغن الله لا يوريكم .
والله وأنا أصر كتوفي وأحط يدي على راسي ودووووووس وراك وراك والله ماأخليك ومن داعوس لداعوس ومن فتحه لفتحه وهو يدخل بالحمامات الله يعزكم والله وأنا أمسكه . لعنبوك أنت وين رحت قال : بابا بلدية مشكل بعدين
والله وأنا اشرطله 5 ريال فوق الأتفاق وهو يهداه الله وهو يكمل حلاقت راسي
عسى ما عادت !
الحمد لله وأنا أخلص
وبعدها رجعت لخوياي بعد ما قطعت مسافه الله وأعلم 1 كيلو متر ورا هالهندي يالعن أبوه ما أسبقه ما أدري وش ياكلون أكتنه من هالفلفل . والله ويوم شافوني خوياي وهو يقوملهم ضحك علي ويشوفون راسي ويضحكون كاع كاع كاع كعكعكعكع !!!!
يمار الله يجيركم مشلخن هالهندي راسي .
وسلامتكم أخوكم aser
رد مع اقتباس
المفضلات