مبروك العرس يابو يوسف

[الاصمعي]

صح لسانك والله أخوي ابوخالد

وعلا شانك يالطيب

أيــه هذا الكلام اللي يفرح القلب ...أسمعوا ياالمطالبين بالتعدد

عندي ليا قالت لي رغيِّد أغغاي

....................وتبسمت مع بسمتي له فديته

الله يحفظها ويسعد قلبها ويخليك لها ويخليها لك

صح الله بدنك

يا هلا ومرحبا بشموخ الشمالية

أجل جازن لك

بارك الله فيك على هالدعوات ولك مثلهن أخية

أسعدني تكرار حضورك الجميل أسعد الله أيامك

تحياتي

[الاصمعي]

اييييييييه هذي القصايد التي تستاهل انها تنقرأ وتستحق( صح لسانك ) من قلب

صح بدنك أم طلال بس لا تفرحن حيل خليت لي خط رجعة

نبيك تشيلها يابو خالد

حتى يحفظها الزمان وتنتقل بها الركبان
وتسكن كل جوال ولاتمحى من البال

ماهنا صوت بس يذكرون أبو يوسف صوته منا زينه بالشيلات اغديه يتبرع ويسجله لنا شيله
وش هقوتك يوافق

قل آمين يابو خالد ياعل يفداك كل من عاداك

ويخلي لك ام خالد وبقية الشعب

آمين آمين

صح لسانك مليون ولاهنت

واما راعي التعدد يبي له قدر مثل قدر ابو ماجد

صح الله بدنك وشكرا لهذا الحضور العطر

[أهداااب]

مبروك العرس يابو يوسف

انا من قريت العنوان قلت سواها ابو يوسف جد و خذا الثالثة

الأخ العزيز عبدالرحمن طلب مني بالأمس رايي بالتعدد

هههههههههههه

شكل عبدالرحمن ينام و يحلم بالتعدد

دامك مقتنع بالتعدد هالكثر لا تقعد تشاور أعقلها يا رجل و توكل

واليوم لو جتني هديه بمخباي
.........رميتها ولا رميت الجاكيته

الفروه صارت موضه قديمة هاه يا ابو خالد ههههههه

يخلي لك الجاكيته

عندي ليا قالت لي رغيِّد أغغاي
....................وتبسمت مع بسمتي له فديته

آتي لك الله يبو يوسف من أقصاي
....................وانسى البشر حلوه وحيه وميته

يا ربي يخلي لك رغوووده و تشوفها دكتوره أد الدنيا

يا هلابك مليوووون يا الاصمعي و بقصيدتك التي تحكي وجهة نظرك و قناعتك الشخصية حول قضية التعدد

صح لسانك و تستحق التثبيت

و عقبال ما نبارك صدق لـ أبو يوسف بالثالثة

[متفاائل]

هههههههههههههههههههههههههههههههههواليوم لو جتني هديه بمخباي
.........رميتها ولا رميت الجاكيته
ههههههههههههههههه
يعني اني

يالاصمعي قل الحقيقه وبحماي
ارفد بجاكيتك ولو ما..كويته
من استشارك خش ذمتك بالراي
ومن الخوف بعت بذمتك واشتريته

صح لسانك ابوخالد وبارك بابو يوسف اللي خلانا نستمتع بالبيوت

وعقبال الاربع يابو يوسف سر ونحن معك قلبا وقالباً

[ريم شمر]

شموخ يالغاليه لو بيدي صلاحيات تسان مابقى بالمضايف الا هالقصيده



ابو خالد

عاد ماعلينا من خط الرجعه ....حنا بخط الروحه ويازينه من خط

واما ابو يوسف فيقولون انه من نزلت القصيده وهو صاكه راسه

والضغط عنده عالعالي ......وحزبه بيسوي عليه انقلاب

وبيانه التنويري يكتب ويمسح فيه


بس احتمال اكيد انه يشيلها من باب الحسره والتوجد والندامه

الا ضاقت به الدنيا بعد مايكمل النصاب




تراني جاده ابو خالد ......نبيها بصوتك عاد على ماتحب

القاء او شيله .....لأن مثل هذي بتنتشر في جولات الجنس الناعم كالنار في الهشيم

وبيجيك دعوات مالها عدد ....لاتبخل على روحك وعجل علينا


.
.

[المشرف العام]

/

صح لسانك يابو خالد

قصيده تسطر بماء الذهب

/
/

بس ياخوفي من تالي هالقصيدة ، اذكر شاعر كان كل قصايدة ضد التعدد ومادار عليه الحول إلا هو متعدد

قلت له وين قصيدك ، قال لي الظاهر انها عين وصابتني


الله يجنّبك إن شاء الله ماتكره


وابو يوسف ، ماهقوتي حوله تعدد .. بس الظاهر آخذنا بالصياح وحنّا انخرعنا

[بشير اللويش]

الف مبروك يابو يوسف

والله يسعدك بحياتك يالغلا


ومع الاصمعي

لا للتعدد

الراسي

[ريم شمر]

^
^
انا شاكه ان هالاثنين

ابو سلطان الكبير وابو سلطان الصغير

مسروقه معرفاتهم من قبل وزراة الداخليه حفظهم الله

وان هالتصريحات الخطيره
لاتعود لاصحاب المعرفين المذكورين

[عبدالرحمن]

ماعليك زود يالذيب

أجل خذ العنوان وخل لغيرك القصيد

طيب انا شايف انك عميت بقية الاعضاء الموحدين>تقل يحرش عليه
وبهذه الحالة راح تجيش الجيش بين المعددين والموحدين
وسيكون اغلب جيش الموحدين من النساء!
اذن ستكون هناك مفاجات في النتائج!.

لك تقديري.

[عبدالرحمن]

واما راعي التعدد يبي له قدر مثل قدر ابو ماجد

لو الله يهدي ابو طلال ويعدد الا قدر ابو ماجد يمر عليك

ا

بو سلطان الكبير وابو سلطان الصغير

مسروقه معرفاتهم من قبل وزراة الداخليه حفظهم الله

وان هالتصريحات الخطيره
لاتعود لاصحاب المعرفين المذكورين

انا كنت شاك بس هالحين مبصم بالعشرين
ومعهم اثنين واحد اسمه بالميم والثاني ابو ف
لانهم دايم يمرون على مثل المواضيع بروس الاصابع
اما خويتك ام رشاش فاتركيها تهيجن حول برزان احس له