‗۩‗ احــساسـك في ورطــة ‗۩‗

[بعد ملي]

سعــود

ياهلا فيك

شاكرة لك تلبية الدعوة

تعرفنا على لقبك وهواياتك

ومسجاتك كانت بمنتهى الذوق

شعرك المفضل

يدل على رقي ذائقتك

اتمنى لك التوووفيق

ودي

[بعد ملي]

اخوي الجثري

بانتظارك

[أحمد]

^
^
طيب لاتدفين


والموضوع هو
(( احساسك في ورطة ))

ولا ورطه ولا فيه اي مشكله
<<<< يعنني

1ـ في البدايه عرفنا عن نفسك
اللقب/وهوايتك

ياللي سألتي من انا ومن اي بلدان
انا الطنـى وانا السخـى والمغيـره
وبـلاد حايـل مسكنـي يم برزان
من عرض شمـر وافتخـر ياصغيره
من لابتِ ياجاهله شانهم شان
صالوا وجالوا وحكموا بالجزيره
شعر / مسلم الشمري ..

انا اخوكم احمد سعيّد الشمري
اللقب الجثري او ابو شاكر او ابو سعيّد
هواياتي السفر والسياحه .. التصوير والاحتفاظ بالصور القديمة .. متابعة كرة القدم

2- ضع مسج حب "بيت شعر"من اختيارك نبي نشوف ذوقك؟
بس لحظه قبل لا أنسى لا تنسي ياللبيـب
قل لما تملكه من مغريات و مـن متـاع

اني احبك و أحبك و أحبك ليـن أشيـب
يعني لين اموت و انـا احبـك للنخـاع


3-اكتب مسج عتاب "بيت شعر"؟
عتاب ياسر التويجري لاهل العروش اعجبني وهو يقول :
قومية المسلمين اللي عليها الكلام
راحت مع خالد وعمر وعلي والزبير
الله ولا الذل والتخوين والانهزام
ياعابدين العروش الوضع جداً خطير


4-بعد الخيانة إنتهت رغبتي فيك .. و إن كنت تذكرنا ترانا نسيناك
(( وش احساسك لما يوصلك هذا المسج على جوالك وش راح ترد ))..!؟
اذا كان على حق فانا مدين له باعتذار او تبرير الموقف
واذا كان هياط زايد اقوله ( ماطاح من النجوم اخف للسماء)

5-لك وحشه ماهي لغيرك من الناس .. أنت اللي .. بس .. اقدر اسميك غالي...!!}..
^^
نبي تحط لنا رد على هذا المسج بمسج من احساسك ..!

ابي اعتبر نفسي حسيت بصدق هالمسج ..
يطري علي اقول :
أنساك لحضة واذكرك باقي العام
حتى وانا ناسي نسيت وذكرتك


6_شاعرك المفضل ؟ ومسج من اشعاره وقريبه من قلبك واحساسك؟

انا مابين شاعرين اعتبرهم الافضل
ضيدان بن قضعان
سعد بن علوش

وهذا بيت رائع لضيدان
كنت احسب(ن) الغلى زال واثره لايزال
فـ الحشى ماكنه الا دخيل(ن) فـ الوجيه


7_الطيب أساسك و الفخر للي يماشيك ، و الذوق شخصك ، و يا سعد من هو يخاويك
(احساسك لما يوصلك هالمسج ))..؟!
على حسب الشخص المرسل
احياناً يصلك مثل هالمسج وتقوم تقفل جوالك لانك تدري انه يبي يدق بعدها ويشغلك ..
بس اذا حسيت بصدقة فيعلم الله اني اكون سعيد وله مني دعوه بالتوفيق والسداد حتى لو مارديت عليه بمسج .

8-هل انت انسان حساس؟.!؟
الاحساس هو شعور وكل البشر حساسين
بس تتفاوت نسبه تأثير الاحساس من شخص الى آخر
فيه شخص يؤثر عليه موقف بس مايدري عنه بشر
وشخص تحس ان اي موقف يشقيه ويتعبه
انا اتمنى اني اكون من النوع الاول

9_ نبي تحط لنا صوره تعبر عن احساسك ؟
اعتبروني حطيت لكم صورة غروب الشمس على البحر
صحيح انا كل عمري مابين الرياض وحائل
بس اعتبر نفسي من عشاق المناطق الساحليه
واحب البحر مادري ليه

10-وش احساسك لما تحط موضوع وتعبان عليه مره ويجي واحد يرد عليك يقولك(( يسلمو _ شكراً ))
اكيد شيء يضايق حتى لو حاولنا نقول عادي
والاكيد اني ابقول بيني وبين نفسي ( ليتهم امرحوا يالحبيب )


11_وش اكثر احساس تحسه بأيامك ؟
احساسين مو واحد ولا ادري ايهم اكثر من الثاني
الاول : الاحساس باني راح اكون ملياردير بغمضت عين .. لحد يضحك والله اني صادق..
الثاني هو احساس بداء يتزايد معي خصوصاً اذا كنت بالسياره وهو
التخوف من(موت الفجئة) بحوادث السيارات .. والله مادري ليه صار هالاحساس يراودني مؤخراً وانا في السياره بس الامر الطيب ان الواحد بهالوضع بيقى دائماً بوضع تذكير ..
أسأل الله لي ولكم حسن الختام

12-وبعد نهاية الاسئله وش احساسك الحين ؟
من كثر ماحسيت بهالموضوع
صرت احس اني مااحس اني احس

بس تدرون
احس باحساس مواطن مقطوع مادخن له كم يوم
ادعولي بالثبات يالربع



(( تنبيه ))

لاتنسى بااختيار عضو وتورطه بالورطه ارسل له برساله خاصه
بما ان المشرف العام ابو سلطان اعلن رسمياً
انه يبي يحفر لي باي موضوع
وبما ان هالموضوع يشلخ الراس بكثر التفكير
فانا ابي اتغدا قبل اصير العشى
واختار خالي ابو سلطان
وفي حال اعتذار ابوسلطان
يكون الخيار لمشرف القسم او لاختي المبدعة صاحبة الموضوع
مابين شيخة الرياضيين القناصة
او اخوي منصور العطاوي




تري مكاسي لكم كل ابو ابوكم

[بعد ملي]

ابوسعيّد

ياهلا فيك

شاكرة لك تلبية الدعوة

تعرفنا على لقبك وهواياتك الجميله

واحسسنا باحساسك


ادعو الله لك الثبات..

ووفقك لما فيه خير وصلاح..

اللهم آمين


تحياتي وودي

[بعد ملي]

بانتظار
قائدناااااااااااا ابوسلطان

[المشرف العام]

/

الجثري .. الظاهر لازم احط مشاركاتك تحت مراجعتي من اليوم وجااااااي

/

ابشروا بس الوقت متأخر بالحيل وان شاء الله نرجع لكم بوقت ثاني السالفه يبي لها روقان

[ابن حزمي]

1ـ في البدايه عرفنا عن نفسك
جــــــابر / انسان امتلك مخزون من الطيبه لايمتلكها احد رياضي جدا ونصراوي ومدريدي بحت احب السفر جدا والحب الخير للجميع ومحروم من شي اتمنى من الله ان يهبني اياااه آآآآآآمين
اللقب/وهوايتك
ابن حـــزمي ( التومي )
وهوايتي الرماية والشعر


2- ضع مسج حب "بيت شعر"من اختيارك نبي نشوف ذوقك؟
لآضقت من حالك واحواالك ودنياااك
أرفع يدينك لــ ( السماء ) وأدع ربك
هو الوحيد اللي لاضقت .. نجــــاك
من ضيقتك وهمومك الي بــ ( قلبك )



3-اكتب مسج عتاب "بيت شعر"؟
أنا تعلمت الهوى تحت يمناك..
درست معنى العشق حسب اختياري..
مبغاك تعشقني ولكني أبغاك..
لاضاقت الدنيا تصير داري..
وابيك لامني تزاعلت وياك
ترضي غروري قبل أجيب اعتذاري..
وابيك تدري لو أحاول بفرقاك
إني بحاول قبلها بانتحاري..!





4-بعد الخيانة إنتهت رغبتي فيك .. و إن كنت تذكرنا ترانا نسيناك
(( وش احساسك لما يوصلك هذا المسج على جوالك وش راح ترد ))..!؟
اتمنى اني ما اخون ولكن اذا جت الخيانه من الطرف الثاني فهذا ردي
قريت الفاتحة على حبك وتشهدة
ثم قتلته في خفوقي ودفنته
والله لو حتا بالطيف لي عدت
كان حتا طيفك في عيوني ذبحته





5-لك وحشه ماهي لغيرك من الناس .. أنت اللي .. بس .. اقدر اسميك غالي...!!}..
^^
نبي تحط لنا رد على هذا المسج بمسج من احساسك ..!

تبي الصحيح احبك واغليك
اكذب عليك ان قلت بلقى بدالك
لوقلت لك في بعض الاحيان ماأبيك
تراه من زود الولع في وصالك



6_شاعرك المفضل ؟ ومسج من اشعاره وقريبه من قلبك واحساسك؟

شاعري المفضل عبدالكريم الجباري الشمري

رد الجمااايل عادت" لسنااااعيس
والشمري طيبه للأجواد نبراس


7_الطيب أساسك و الفخر للي يماشيك ، و الذوق شخصك ، و يا سعد من هو يخاويك
(احساسك لما يوصلك هالمسج ))..؟!

لاهنت ياغيـث الجزالـة ولاهـان

راسٍ فكر راعيه طاول شواهيق

شعرك عذوبة من سمع منك طربـان

يشبع جزالة مع جميـل الطواريـق

8-هل انت انسان حساس؟.!؟

جـــدا" جــدا" جـــدا"

9_ نبي تحط لنا صوره تعبر عن احساسك ؟

صوره لأمي ياترى كيف تكون

10-وش احساسك لما تحط موضوع وتعبان عليه مره ويجي واحد يرد عليك يقولك(( يسلمو _ شكراً ))

وجهة النظر انا احترمها جدا" جدا"

11_وش اكثر احساس تحسه بأيامك ؟
راح من عمري 28 سنه وما اتمناه
امي مشتاااق له حيل وادي باخر امنياتي اشوفه ولو مره وحد بس آآآمين

12-وبعد نهاية الاسئله وش احساسك الحين ؟
احساس ان الموضوع هذااا لك بصمة فيه والله يديمك لنا تواصل بطريقه كلاسيكيه تحسب لك انتي وحدك لاهنتي

(( تنبيه ))

لاتنسى بااختيار عضو وتورطه بالورطه ارسل له برساله خاصه

أرجو التفاعل

دمتم بود

اختار
1
2
3
ابوماجد
الشبث

[بعد ملي]

ابن حزمي

شاكرة حضورك ومشاركتك لنا

تعرفنا عليك

على انسانيتك الجميلة

وأرجو أن تكون لحظاتك

تموج بالسعادة والفرح

حقق الله لك امانيك

[بعد ملي]

استضفا ابوماجد سابقاً

[بعد ملي]

لازلنا في انتظار ابوسلطان