غزلــــي (+18)
ترى الشغله جد
اللي عمره اقل من هالعمر يديور الله لايهينه
أو انه يقرى الموضوع تحت أشراف ومراقبة ولي أمره
لأن مثل هالمواضيع تفتح عيونهم على أشياء مو دارين عنها
وممكن تكون نقطة تحول في حياتهم
هو صحيح ان بعضهم فاهم أم الكفت
لكن هذا مايمنع ان ننوه
أبرائاً للذمه
دقي يامزيكا
الا واشيب عيني
تسيف من هول المنظر اللي شفته البارح ماقدرت أنام
جلست اهوجس وأهذري طول ليلي
شفت مزين بهالدنيا
بس مثل هالبنيه
ماعمري شفت ولا راح أشوف
شي يفضخ القلب
أنا بالعاده انخرررع من قطووو اذا طلع لي فجأه
ولا من صوت بريك سياره وأنا مفهي
أما أني انخرررع من جمال بنت
هذي أول مره تمر علي
العــن شكله ياهي دميررررررررره بنت الأيه
أكيد انك تتسائل اخي القارئ بينك وبين نفسك
وش سالفة هالمعتوه
اللي جانا مطفي النوووور
لكن بلاه لاتلومووووووووني
المنظر كان مهووول وفيه قليل من الذهووول <<< ادري انها ماتجي بس مشي حالك
زين مني أني أقدر اركب كم جمله لكم
ولا لو انا كاتب هالسالفه البارح
كان تلقوني أقط خيط وخيط
والله ان يقلب كلمات متقاطعه مو موضوع
السالفه ومافيها
أني كنت بزواج واحد من الربع ومن قرادة حظي
أو من زين حظي
اني جايب اهلي معاي للزواج
تخبرون عاد حريمنا
أغسل يدك أن يطلعون بدري
اذا ماوادعن الطقاقات وشالن معهن طيرانهن
أعرف انهن ماحضرن عرس
لدرجة ان الفراشه وأنا مسري أهلي
قالت لي ماودك توصلني على دربك
عاد أنا خلال هالفتره جالس مع ولد عمي في الكورنيش
قلنا نحوم هناك لين مايخلصون أهلنا
طفشنا من الدوجه بالسياره وقلنا خلنا ندقه كعابي
وحنا نمشي
ألا
ألا
<<< يسمع بالأثاره حلايا الجعل
ألا
ذاك الصاروووخ
اللي شاق السماء ونازل
أنا من قوة الخقه قمت أعوووي
ولد عمي يوم شافها تحرووول
ماقدر يمشي
حاولت أطالع فيها مره ثانيه ماقدرت
كأن فيه شي يقولي ياعنز نزل راسك
ذكرت الله ومافيه سوره حافظها الا قريتها
لاني قلت مستحيل هذي بنت
يمكن أنه جني ويستهبل علينا
تمالكت نفسي
وطالعت فيها مره ثانيه
الا طلعت ادميه حالها حالنا << حالها حالكم ممكن اما ان يكون حالها حالي ( أخسي)
الله لو وقتها اعرف لي واسطه في الهيئه
كان مريت من جنبها وخليتهم يطرحوني انا وياها
ويزوجوني اياها غصب <<< اللهابوك انت وتفكيرك اللي مثل وجهك
لأني حاولت اجذب انتباهها
بس مالك أمل
اعنبووووها مخترعين الثقل لعيونها
ولا لو هي معطيتني ابتسامه على الأقل
كان أمداني جايب لي شيخ واخليه يملك لي
حلاة الشغل حار بحار أذا بغيت تعف نفسك
بس يحق له تفعل مابدى له
طيب وجمال ومال ( موتر ابوه تاهو
وش بعد تبغى
عاد قلت لولد عمي عن أفكاري السوداويه
اللي ودي أسويها بهالصارووخ
وسألني سؤال وجيه وغبي بنفس الوقت
قال لي
الحين لو ملكت عليها
وش راح يكتبون في العقد
سيده أو حوريه؟
قلت له احترم نفسك ولاتكلم على محارمنا
ولا والله ما أخلي كرسي في الكورنيش
الا ماسح فيه وجهك
مابقى الا هي ( فيس أبظاي يبرم شنبه )
بس تصدقون
أنا للحين أحمد ربي اني وقتها كنت طالع من دورة المياه تكرموون
ولا على ذاك الزين اللي شفته كان ممكن أسويها على نفسي
يديني تحكني
ودي أوصف شكلها
لكن أخاف اجيب العيد بالمضايف
لأني لو لو وصفتها صدقوني بيحجبون على المضايف
عاد تخيلوا مانقدر نفتح المضايف الا ببروكسي
والسبه انا وموضوعي
هذا غير ان ماودي اخدش الحياء العام
<<< نصاب
عاد يوم رجعت البيت وراجعت حساباتي
حسيت اني دلخ
ولا وش المانع أني اعرررس
الحمد لله حالي حال خلق الله
صحيح اني شيفتك والعافيه
وأسد النفس
وصعب المعاشره
واللي بيروح فيها هالضعيفه
اللي تبي تصبح وتمسي على وجهي
بس ولووو
اكيد من بين هالبني عندنا بحصل لي
وحده ترضى بي بعلاً لها
مع اني اول كنت من اشد المعارضين للزواج
بس يوم شفت هالطخمه
ماعني وعن العرس الله لايعوووق بشر
يويل قلبي
اثري بناتنا موتاً حمر
وحنا ماندري وش الطبخه
انا بعرف من الغبي اللي يقول الزين بلبنان؟
والله الزين والحلى والطرى مكوم عندنا
صحيح ان طلباتهن ماتخلص
ومهورهن تقص الظهر
بس يستاهلن
وعلى قولتهم دهنا بمكبتنا
ومضه *_*
واحلولات لو أني قمله بشعر خلي
ايه صح قبل لا انسى
لاتنسون تشجعوني انا وشبيثان بالدوري الثقافي
وترى مافي مانع تسوون بنر لدعمنا في المسابقه
وياحبذا تحطونه جنب طنب بيت الشعر
عشان اللي مايشتريش يتفررج
BRB
<<< عاض شليله ويتسردح بموقع زواج
سوري على الاطاله
بس تخبرون مبطي ماقرقت عليكم
رد مع اقتباس
المفضلات