محتاجة دعواتكم !!

[الجازي]

خبصت خبيصة على كيف كيفي

وعجنت لقيمات

وشكلها ماتبشر بالخير

عشان كذا محتاجة لدعواتكم
خصوصا إن اليوم عرفة وأنتم صايمين وإن شاء الله دعواتكم مقبولة

ادعوا لي إن الله يفرج همي وتضبط خبيصتي

ولكم مني أحط صورتها لكم تفطرون عليها إذا ضبطت <<< انقطع قلبتس

[بعد ملي]

ياااااااارب تضبط خبيصت الجااااازي
تنتظر تفطر عليه..

[عبدالواحد]

تعرفين تفرقين نجدي عن النعيمي ..
تعرفين تصفصفين الحجي السياسي وتسوينه مره كبسه ومره مفطح وتعرفين وزن الكلام ملحه زايد لو ماصخ حتي خلطة البهار ..

شمعني اللقيمات شالعه قلبج >>> يرحم والديج لا تحطين الصوره . وفكينا . ورانا فطور نبي ناكل

[أهداااب]

محتاجة دعواتكم !!

8

8

تصدقين أول ما قرأت العنوان حطيت أيدي على قلبي قلت وش صاااااااااير

أثر السالفة لقيمات !!



بدعي عليك أنها ما تضبط << نذله

و كل من أكلها كشرّ و ما ثنا لقمته ..


حرام عليك عاملين رجيم و أنتي جايبه لنا لقيمات يعني = نشويات + مقليات

<< فطورها شوربة بالخضار و علبة زبادي بس

[أبو فهد]

الظاهر عاجنة لهم عصيدة الخمسينية


لازم معه مرق



أو والله ما يحدرونه إلا بعملية




طلما أن الصورة ما جت معناه الخبيص خبيصه

------------------
أبو فهد الهمزاني

[الجازي]

معليش

آسفين عالتأخير

توني غاسلة معدة آخر نفر في العائلة

عشان كذا تأخرت

<<< بتاع كله تسممهم وتغسل معدهم << الا معدة جمعها معد والا معدات !!؟

تصدقون عاد

خبيصتي صارت شي

شيء غير معقول

مدري هي بعد ملي ولية من أولياء الله الصالحات واستجيبت دعوتها !!؟

والا أنا سنعة وأنا مدري عن روحي

اهم شيء المظهر ولا تشيلون هم المخبر لأن اللي راحوا فيها أفراد العائلة الكريمة

وهذي صور لقيمات الخمسينية

بس هاه اذكروا الله

وعلى قولة اخواننا المصريين

حصوة في عين اللي مايصلي عالنبي

ياصلاتي على النبي

وبالعافية عليكم

هذا الطبق برعاية

997

دمتم سالمين

[الجازي]

ياااااااارب تضبط خبيصت الجااااازي
تنتظر تفطر عليه..

يابعد قلبي يابعد ملي <<< وشلون تجي

شفتي هالصحون الثلاث <<< تسمع بخدع التصوير

كلها يابعدهم لتس

ولا تقلطين ولا واحد من هاللي ردوا أو اللي ماردوا عليها


أنت الوحيدة اللي وقفتي معي في محنتي

تسلمين يالغلا

[الجازي]

تعرفين تفرقين نجدي عن النعيمي ..
تعرفين تصفصفين الحجي السياسي وتسوينه مره كبسه ومره مفطح وتعرفين وزن الكلام ملحه زايد لو ماصخ حتي خلطة البهار ..

شمعني اللقيمات شالعه قلبج >>> يرحم والديج لا تحطين الصوره . وفكينا . ورانا فطور نبي ناكل

أنا راعيت مشاعركم ولا نزلت الصور الا بعد ما أفطرتوا

بس مو ذنبي انكم تجوعون عقب الصورة

<<<<<<< ترفقي ياعمة

[الجازي]

محتاجة دعواتكم !!

8

8

تصدقين أول ما قرأت العنوان حطيت أيدي على قلبي قلت وش صاااااااااير

أثر السالفة لقيمات !!



بدعي عليك أنها ما تضبط << نذله

و كل من أكلها كشرّ و ما ثنا لقمته ..


حرام عليك عاملين رجيم و أنتي جايبه لنا لقيمات يعني = نشويات + مقليات

<< فطورها شوربة بالخضار و علبة زبادي بس

خلي رجيمك ينفعك

تدرين عاد

لو دعيتي لي عشان تاكلين منها وتسوين غسيل معدة وعلى الدرب قولي لهم يربطون معدتك وترتاحين من الرجيم

<<<< تخطيط على أصوله

[الاصمعي]

ما شاء الله عليك هذا وانتي مريضة

شكل هالعيد عندك بعيدين سعة صدر وتفاعل بكل أرجاء المضايف

وش ندعيلك نبي ندعي للمساكين الي راح عليهم العيد