قصيده رائعة تحمل الكثير من المعاني
يالله يا جال الأمور المهمة
تجلى وهق قلب برى حال راعيه
البر دجته و البحر رحت يمّه
أدرج سبب حظ على الله مساعيه
يوم إن ولد اللاش رزقه على أمه
رزقي على اللي ميّت القشع يحييه
ماني وانا بندر ببياع دمه
يقطعك يا بيّاع دمّه وشاريه
اللي يبيّع لابسات الأزمه
ثور يبي بيض العماهيج تغنيه
يزعل ليا جت ليلة الدول يمّه
يرضى بسوق المال بأخيه و أبيه
خطو البخيل اللي يكبّر معمه
يقرا الكتاب و واجب الله مخليه
أما هرج له في رفيقه بنمّه
واذا عطا أمه تضيّع هقاويه
يا مل قلب كل ما مات همّه
دارت دواليب الدهر لين تحييه
فرّاق شمل الناس عيّا يلمه
وقتن يشيب الراس من شاية فيه
أحدن ينام و حط راسه بكمه
و أحدن تخم النوم عينه و تخطيه
و أحدن يحاول بالردى بنت عمه
و أحدن يحاول ستر عذرا عوانيه
تخالف الأنظار شرقن و يمّه
كلٍ هدف رايه من الناس مرضيه
أنشدك ياللي كل شي تتمه
تقرا الكتاب وكل فرض تصليّه
ويش القليب اللي عميق مجمّه
ما سرّ غرسه ماه عطشى سوانيه
سم السبب يا عارفن عنه سمه
سم السبب يا عارفه قبل اسميه
للشاعر الكبير/ بندر بن سرور
رد مع اقتباس
المشاركة الأصلية كتبت بواسطة شموخ شماليه
المفضلات